កូរ៉េខាងជើង ចាប់ផ្តើមជើងហោះហើរអន្តរជាតិឡើងវិញ ក្រោយផ្អាកជាង ៣ឆ្នាំកន្លះ ដោយសារកូវីដ

ក្រុមហ៊ុនអាកាសចរណ៍ដ៏ល្បីឈ្មោះរបស់ប្រទេសកូរ៉េខាងជើង បានចាប់ផ្តើមដំណើរការជើងហោះហើរអន្តរជាតិលើកដំបូងរបស់ខ្លួន ចាប់តាំងពីវិបត្តិជំងឺរាតត្បាតកូវីដ១៩។

តាមទិន្នន័យពីសេវាតាមដានជើងហោះហើរ Flightradar24 បានបង្ហាញថា ជើងហោះហើរ JS151 របស់ក្រុមហ៊ុន Air Koryo បានចាកចេញពីទីក្រុងព្យុងយ៉ាង នៅព្រឹកថ្ងៃអង្គារ ហើយចុះចតនៅអាកាសយានដ្ឋាន Beijing Capital នាម៉ោង០៩:១៦ (ម៉ោងក្នុងស្រុក)។

ទោះបីជាយ៉ាងណាក៏ដោយ គេ​មិន​ដឹងទេ​ថាតើ មាន​អ្នក​ណាខ្លះ​នៅ​លើ​យន្តហោះនោះ ឬ​មាន​អ្នក​ដំណើរប៉ុន្មាននាក់ដែលជិះក្នុងជើងហោះហើរ JS151 នោះ។

យោងតាម Flightradar24, ជើងហោះហើរ JS151 គឺហោះហើរជាមួយយន្តហោះ Tupolev Tu-204 ដែលអាចផ្ទុកអ្នកដំណើរបានរហូតដល់២១០នាក់។

សូមបញ្ជាក់ កាលពីថ្ងៃចន្ទ ក្រសួងការបរទេសចិន និយាយថា ខ្លួនបានយល់ព្រមលើការដំណើរការជើងហោះហើរ Air Koryo ទៅកាន់ទីក្រុងប៉េកាំងឡើងវិញ ក្រោយផ្អាកអស់រយៈពេលជាង៣ឆ្នាំកន្លះ ដោយសារតែការបិទព្រំដែនព្រោះជំងឺកូវីដ១៩៕

ប្រែសម្រួល៖ Vann Vann

ប្រភព៖ BBC

ចុចអាន៖ កូរ៉េខាងជើង បញ្ជាប្រជាជន ត្រូវការពារគ្រប់ផ្ទាំងរូបភាពមេដឹកនាំត្រកូល គីម ពីព្យុះ Khanun ឲ្យបាន