ក្រុមហ៊ុនហោះហើរ Qantas បណ្តេញបុគ្គលិកជិត ២ ០០០ នាក់ ដោយខុសច្បាប់ក្នុងអំឡុងពេលជំងឺរាតត្បាត

តុលាការប្រកាសជាឯកច្ឆ័ន្ទថា ក្រុមហ៊ុន Qantas ពិតជាបានបញ្ឈប់បុគ្គលិកដោយខុសច្បាប់នៅអាកាសយានដ្ឋានចំនួន ១០ ក្នុងខែវិច្ឆិកា ឆ្នាំ ២០២០ មែន ។

សេចក្តីសម្រេចនេះបង្ហាញថា ក្រុមហ៊ុន Qantas បានបំពានច្បាប់ការងារយុត្តិធម៌របស់ប្រទេស អូស្ត្រាលី ដែលការពារសិទ្ធិបុគ្គលិក ។ បន្ទាប់មក ក្រុមហ៊ុន Qantas បានចេញសុំទោស ប៉ុន្តែអះអាងថា វាជាវិធានការហិរញ្ញវត្ថុចាំបាច់ក្នុងអំឡុងពេលកូវីត ។

បុគ្គលិកទាំងនោះរួមមាន អ្នកកាន់ឥវ៉ាន់ និងអ្នកអនាម័យ នៅព្រលានយន្តហោះទូទាំងប្រទេស អូស្ត្រាលី ព្រោះអាជីវកម្មកំពុងធ្លាក់ចុះ ។ ទន្ទឹមនេះ ក្រុមហ៊ុន Qantas ក៏មានបញ្ហាទាក់ទងនឹងការលក់សំបុត្រដែលគេលុបចោលផងដែរ ។

មួយវិញទៀត លោក Alan Joyce ដែលជាប្រធានរបស់ Qantas យូរមកហើយ ទើបតែចាកចេញពីក្រុមហ៊ុនកាលពីសប្តាហ៍មុន ចំពេលមានភាពចម្រូងចម្រាសកាន់តែខ្លាំង ។ ចំណែកអ្នកស្នងតំណែងរបស់គាត់ Vanessa Hudson គឺជាមេដឹកនាំស្ត្រីដំបូងគេរបស់ក្រុមហ៊ុនអាកាសចរណ៍ ហើយបានសន្យាថានឹងស្តារកេរ្តិ៍ឈ្មោះដ៏អាក្រក់របស់ខ្លួនឡើងវិញ ៕

ប្រែសម្រួល៖ វារី

ប្រភព៖ BBC

ចុចអាន៖ បុគ្គលល្បី ៥ រូប ធ្លាប់ត្រូវបណ្ដេញចេញពីការងារមុនទទួលជោគជ័យ