ព័ត៌មានជាតិ
ខេត្តកោះកុង ត្រៀមដី៥ហិកតាធ្វើជាទីតាំងសម្រាប់បញ្ចុះសពសាសនិកឥស្លាមស្លាប់ដោយជំងឺកូវិដ-១៩
អាជ្ញាធរខេត្តកោះកុងបានត្រៀមដីដែលមានទំហំ៥ហិកតាធ្វើជាទីតាំងសម្រាប់បញ្ចុះសពសាសនិកឥស្លាមដែលស្លាប់ដោយជំងឺកូវិដ-១៩។
លោក សុខ សុទ្ធី អនុប្រធានគណៈកម្មាធិការគ្រប់គ្រងដីរដ្ឋខេត្តកោះកុង បានមានប្រសាសន៍ថា ដីទំហំ៥ហិតានេះ ជាដីសម្បទានសង្គមកិច្ចអតីតយុទ្ធជនស្រុកកោះកុង ដែលស្ថិតក្នុងភូមិកោះកុង ក្នុងឃុំត្រពាំងរូង ស្រុកកោះកុង ខេត្តកោះកុង។
លោកបានណែនាំដល់ក្រុមការងារចុះពិនិត្យ និងចុចនិយាមកាលើទីតាំងដីជាក់ស្តែងនិងត្រូវបោះបង្គោលព្រំដីឱ្យបានត្រឹមត្រូវ និងលើកបដាថាជាដីទីថ្មសានសម្រាប់សាសនិកឥស្លាមទំហំ៥ហិកតា។
លោក សុខ សុទ្ធី បានស្នើសូមឱ្យគណ:អ៊ីម៉ាំខេត្តកោះកុង ដែលមានលោក វណ្ណ សាលី តំណាងក្រោយបានទទួលដីនេះហើយសូមជួយថែរក្សាឲ្យបានគង់វង្សសម្រាប់សានិកឥស្លាមជំនាន់ក្រោយៗទៀត។ ក្រៅពីត្រៀមដីទំហំ៥ហិកតា ខេត្តកោះកុងក៏កំពុងរៀបចំឈូសឆាយដីសាងសង់ឈាបនដ្ឋានសម្រាប់បូជាសពអ្នកស្លាប់ដោយសារជំងឺកូវីដ-១៩ផងដែរ។
ឈាបនដ្ឋាននេះ មានទីតាំងត្រង់ចំនុចគីឡូម៉ែត្រ១៣៧ស្ថិតនៅក្នុងភូមិទួលគគីរលើ ឃុំទួលគគីរ ស្រុកមណ្ឌលសីមា ខេត្តកោះកុង ក្នុងនោះឈូសឆាយដីធ្វើផ្លូវចេញចូលដែលមានទទឹង១០ម៉ែត្រ គុណបណ្តោយ១០០ម៉ែត្រនិងឈូសឆាយដី និងចាក់អាចម៍ដីបំពេញបរិវេណដីសម្រាប់សាងសង់ឈាបនដ្ឋានមានទំហំ៥០ម៉ែត្រ គុណ៥០ម៉ែត្រសម្រាប់បូជាសពអ្នកស្លាប់ដោយសារជំងឺកូវីដ-១៩។
សម្តេចតេជោហ៊ុន សែន នាយករដ្ឋមន្ត្រីកម្ពុជា បានណែនាំដល់គណកម្មការនិងអនុគណកម្មការប្រយុទ្ធប្រឆាំងជំងឺកូវីដត្រូវយកចិត្តទុកដាក់រៀបចំទីបច្ឆាបូជាសព និងទីកន្លែងសម្រាប់កប់សពអ្នកស្លាប់ដោយជំងឺកូវីដ១៩ ឲ្យបានសមរម្យ ខណៈចំនួនអ្នកស្លាប់ដោយសារកូវីដ១៩មានការកើនឡើងពីមួយថ្ងៃទីមួយថ្ងៃ។
ជាមួយគ្នានេះដែរសម្តេចក៏បានណែនាំដល់រដ្ឋបាលខេត្តដែលមានជនជាតិរស់នៅត្រូវរកដីរដ្ឋដើម្បីត្រៀមបម្រុងធ្វើជាទីកន្លែងកប់សពជនជាតិដែលស្លាប់ដោយកូវីដឲ្យបានសមស្របទៅតាមទំនៀមទំលាប់ប្រពៃណីរបស់ជនជាតិផងដែរ៕
អត្ថបទ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន