ព័ត៌មានជាតិ

អគ្គកុងស៊ុលកម្ពុជាប្រចាំខេត្តសាកែវ ប្រទេសថៃ ត្រៀមរៀបចំស្បៀងមួយចំនួន ដើម្បីចែកជូនពលករខ្មែរនៅតាមបណ្ដោយព្រំដែន

បានផុស

៥ years មុន

នៅ

ថ្ងៃចន្ទ ២ សីហា ២០២១

ដោយ

លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជាបានឲ្យដឹងនៅរសៀលថ្ងៃទី០២ ខែសីហា ឆ្នាំ២០២១នេះថា ក្រុមការងារស្ថានអគ្គកុងស៊ុលកម្ពុជា ប្រចាំខេត្តសាកែវ ប្រទេសថៃ បានត្រៀមរៀបចំនូវស្បៀងអាហារមួយចំនួន សម្រាប់ចែកជូនបងប្អូនពលករខ្មែរ នៅតាមបណ្ដោយព្រំដែនកម្ពុជា-ថៃ ក្រោយពេលរាជរដ្ឋាភិបាលនៃប្រទេសទាំងពីរបិទការឆ្លងដែនរយៈពេល១៤ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក កុយ គួង ស្បៀងអាហារទាំងនោះរួមមាន អង្ករ០៥គីឡូក្រាម ចំនួន៣០០ កញ្ចប់ ត្រីខកំប៉ុងចំនួន១៥០០កំប៉ុង ទឹកត្រីចំនួន៣០០ដប ទឹកស៊ីអ៊ីវចំនួន៣០០ដប មីចំនួន៣.០០០កញ្ចប់ ទឹកសុទ្ធចំនួន៣០០យូរ ម៉ាសចំនួន៣.០០០ម៉ាស និងទឹកអាកុលចំណុះ៥០មីលីលីត្រ ចំនួន៣,០០០ដប។

សូមបញ្ជាក់ថា កាលពីថ្ងៃអាទិត្យ ទី១ ខែសីហា ឆ្នាំ២០២១ម្សិលមិញ មន្ត្រីស្ថានអគ្គកុងស៊ុលកម្ពុជាប្រចាំខេត្តសាកែវ ដឹកនាំដោយលោកអគ្គកុងស៊ុល បានចុះជួបសួរសុខទុក្ខបងប្អូនពលករខ្មែរ ដែលកំពុងកកស្ទះនៅតាមព្រំដែន នៃស្រុកម៉ាឡៃ ជាប់ព្រំប្រទល់ស្រុកអារញ្ញ និងបាននាំយកនូវស្បៀងអាហារមួយចំនួន រួមជាមួយម៉ាស និងទឹកអាកុលលាងដៃ សម្រាប់បង្ការការឆ្លងមេរោគកូវីដ-១៩ ប្រគល់ជូនពួកគាត់ផងដែរ នេះបើតាមការបញ្ជាក់ពីស្ថានអគ្គកុងស៊ុលកម្ពុជាប្រចាំខេត្តសាកែវ។

នៅក្នុងឱកាសចុះជួបពលករខ្មែរនោះ លោកអគ្គកុងស៊ុល ក៏បានពន្យល់ណែនាំដល់ពួកគាត់ស្ដីពីការរឹតបន្ដឹងតាមបណ្ដោយព្រំដែនមួយរយៈ និងបានស្នើឲ្យពួកគាត់មានការអត់ធ្មត់ និងជួយផ្សព្វផ្សាយបន្ដដល់បងប្អូនពលករដទៃទៀត កុំឲ្យមានការបន្លាស់ទីជាបណ្ដោះអាសន្ន ដើម្បីរាជរដ្ឋាភិបាលចាត់វិធានការការពារ និងទប់ស្កាត់ការរីករាលដាល នៃជំងឺកូវីដ-១៩ ឲ្យបានសមស្របជាមុនសិន៕

ដោយ ៖ កោះកែវ

Related Topics:អគ្គកុងស៊ុលកម្ពុជា

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា