ចាញ់បោក​មេខ្យល់​​យក​មក​​ប្លុង​ចោល​នៅចម្ការ​មីន ម្តាយ​ខំ​រត់គេច​​ទាំង​របួសជើង

ខេត្តបន្ទាយមានជ័យ៖ អាជីវករ​លក់ដូរនៅផ្សាររុងគ្លឿ​ពីរ​នាក់​ម្តាយកូន ចាញ់បោកមេខ្យល់យកមក​ប្លុង​ចោលក្នុងចំការមីន​នៅចំណុចប៉ុស្ដិ៍ប្រាសាទត្បែង រត់ធ្លាក់ប្រឡាយបាក់ជើងត្រូវសមត្ថកិច្ច​ចម្រុះ​សង្គ្រោះទាន់។

ហេតុការណ៍​កើត​ឡើង​នៅថ្ងៃ​ទី២ ខែសីហា ឆ្នាំ២០២១ នៅចំណុចក្នុងចំការមីន​ក្បែរ​ប៉ុស្ដិ៍ប្រាសាទត្បែង ស្ថិតក្នុងភូមិប្រាសាទត្បែង ឃុំគោករមៀត ស្រុកថ្មពួក ខេត្តបន្ទាយមានជ័យ។

សមត្ថកិច្ចចម្រុះ​បានបញ្ជាក់ឲ្យដឹងថា ពេលកំពុងដើរល្បាតនៅតាមបន្ទាត់ព្រំដែន ស្រាប់តែឃើញស្ត្រី២នាក់ម្តាយនិងកូន រត់ចេញពីចំការមីន​ធ្លាក់ប្រឡាយ បណ្ដាលឲ្យបាក់កជើងខាងស្ដាំសមត្ថកិច្ចចម្រុះ​បានធ្វើការ​ឃាត់យកមកសួនាំ។

បើតាម​ស្ត្រីរូបនោះ​បាននិយាយថា ខ្លួនជាអាជីវករលក់ដូរក្នុងផ្សារុងគ្លឿប្រទេសថៃ។ ថ្ងៃកើតហេតុខ្លួននិងកូនបានឲ្យមេខ្យល់ជូនចេញពីផ្សាររុងគ្លឿសុីសងតាមតម្លៃ​ជូន ពេលនិយាយត្រូវគ្នាហើយមេខ្យល់បាន​ជូន​យក​មក​ប្លុង​ចោលក្នុងចំការមីន​ដោយដឹងថា ត្រង់ចំណុចនេះជាចំការមីន​ក៏នាំកូនរត់ធ្លាក់ប្រឡាយ បណ្តាលឲ្យបាក់ជើងតែម្តង ហើយ​សំណាងណាស់បានសមត្ថកិច្ចល្បាតនៅទីនោះជួយទាន់។

ស្ត្រីម្តាយនិងកូន ក្រោយពីក្រុមគ្រូពេទ្យយកសំណាកធ្វើតេស្តរហ័យម្ដាយវិជ្ជមានកូវីដ១៩។ ឥឡូវត្រូវបានខាងក្រុមសុខាភិបាលស្រុកថ្មពួក ដឹកយកទៅព្យាបាលនៅមន្ទីរពេទ្យហើយ៕

អត្ថបទ៖ វ៉ាន់ ណាង