ព័ត៌មានជាតិ

អគ្គកុងស៊ុលកម្ពុជា ចុះសម្របសម្រួលក្រុមកម្មករអាជីវករនៅផ្សារ៉ងគ្លឿ និងពលករខ្មែរ ដែលប្រមូលផ្តុំគ្នាទាមទារត្រឡប់មកស្រុកវិញ

បានផុស

៣ years មុន

នៅ

ថ្ងៃសៅរ៍ ១៤ សីហា ២០២១

ដោយ

នៅថ្ងៃទី១៤ ខែសីហា ឆ្នាំ២០២១ នេះ ស្ថានអគ្គកុងស៊ុល កម្ពុជាប្រចាំនៅ ខេត្តស្រះកែវ បានចុះទៅសម្រួលដល់ក្រុមកម្មករ និងអាជីវករនៅផ្សារ៉ងគ្លឿ ដែលបានមកប្រមូលផ្តុំគ្នាទាមទារត្រឡប់មកស្រុកខ្មែរវិញ នេះបើតាមការបញ្ជាក់ពីលោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា នាល្ងាចថ្ងៃទី១៤ ខែសីហា នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក កុយ គួង អ្នកតវ៉ាទាំងអស់នោះ ក៏មានពលករខ្មែរមួយចំនួនទៀត ដែលធ្វើដំណើរមកពីបាងកក និងបណ្តារខេត្តផ្សេងៗផងដែរ ត្រូវបានក្រុមមេខ្យល់ដឹកមកទម្លាក់ចោលនៅមុខស្ថានអគ្គកុងស៊ុលតាំងពីរំលងអាធ្រាតយប់មិញ ម្ល៉េះ សរុបជិត៦០០ នាក់។

ចំពោះករណីនេះ លោកអគ្គកុងស៊ុលកម្ពុជាបានជួប និងធ្វើការសម្របសម្រួលជាមួយអាជ្ញាធរខេត្ត និងសមត្ថកិច្ចថៃបានការឯកភាព ជួលរថយន្តដឹកពួកគាត់ខាងលើ មានចំនួន៥៨៨ នាក់ (ស្រី១៥០ នាក់) និងអ្នកមកពីបណ្តាខេត្តនានាចំនួន ២៦ នាក់ (ស្រី១៥ នាក់) ទៀត សរុប ៦១៤ នាក់ នាំពួកគាត់ចេញតាមច្រកអូបីជាន់ក្នុងស្រុកអូរជ្រៅខេត្តបន្ទាយមានជ័យ ដើម្បីប្រគល់ជូនសមត្ថកិច្ចខ្មែរ យកពួកគាត់ទៅត្រួតពិនិត្យ និងធ្វើចត្តាឡីស័កបន្ត៕

ដោយ ៖ កោះកែវ