ព័ត៌មានជាតិ
មន្ត្រីជួរមុខនៅភ្នំពេញ ត្រូវគោរពតាមលក្ខខណ្ឌ ៣ចំណុចនេះ ទើបអនុញ្ញាតឲ្យចាក់វ៉ាក់សាំង ដូសទី៣
រដ្ឋបាលរាជធានីភ្នំពេញ នៅថ្ងៃទី១៨ ខែសីហានេះ បានបើកដំណើរការចាក់វ៉ាក់សាំង អាស្ត្រាហ្សេនីកា ជាដូសទី៣ ឬដូសជំរុញ ជូនដល់ថ្នាក់ដឹកនាំ មន្ត្រីរាជការ មន្ត្រីសុខាភិបាល និងបុគ្គលិកនៃរដ្ឋបាលរាជធានីភ្នំពេញ រដ្ឋបាលខណ្ឌទាំង១៤ រដ្ឋបាលសង្កាត់ទាំង១០៥ មន្ទីរអង្គភាពជំនាញ ជុំវិញរដ្ឋបាលរាជធានីភ្នំពេញ ព្រមទាំងមន្ត្រីសុខាភិបាលជួរមុខវិស័យឯកជន នៅតាមកម្មវិធី និងទីកន្លែងដែលបានកំណត់។ ក្នុងនោះរដ្ឋបាលរាជធានីភ្នំពេញ ក៏កំណត់លក្ខខណ្ឌ៣ចំណុច ឲ្យមន្រ្តីរាជការជួរមុខ ចាំបាច់ត្រូវភ្ជាប់មក នៅពេលមកទទួលវ៉ាក់សាំងដូសទី៣នេះផងដែរ។
លក្ខខណ្ឌ៣ចំនុច ដែលរដ្ឋបាលរាជធានីភ្នំពេញ តម្រូវអោយមន្រ្តីរាជការជួរមុខ ចាំបាច់ដែលត្រូវភ្ជាប់មកជាមួយរួមមាន (១) ប័ណ្ណចាក់វ៉ាក់សាំងកូវីដ-១៩ (២) ប័ណ្ណ សម្គាល់ខ្លួនមន្ត្រីរាជការ-បុគ្គលិក, ប័ណ្ណ ឬ ឯកសារបញ្ជាក់អត្តសញ្ញាណការងារនៅមន្ទីរពេទ្យ គ្លីនីក ឬវិស័យ ឯកជន និង (៣) អត្តសញ្ញាណប័ណ្ណសញ្ជាតិខ្មែរ ឬ ឯកសារដែលបានប្រើប្រាស់ក្នុងការចាក់វ៉ាក់សាំងដូសទី១ ព្រមទាំងត្រូវគោរព នូវលក្ខខណ្ឌនៃការទទួល បានវ៉ាក់សាំងដូសជំរុញ ឬ ដូសទី៣ ពោលគឺធានានូវគម្លាតរយៈពេល៦ខែ គិតចាប់ពី កាលបរិច្ឆេទ នៃការចាក់វ៉ាក់សាំងដូសទី១។
ក្រៅលក្ខខណ្ឌទាំង៣ចំណុច រដ្ឋបាលរាជធានីភ្នំពេញ ក៏ស្នើអង្គភាព-ស្ថាប័ន នីមួយៗ ត្រូវជំរុញលើកទឹកចិត្ត និងបង្កលក្ខណៈងាយស្រួល ជូនដល់មន្ត្រីរាជការ មន្ត្រី សុខាភិបាល និងបុគ្គលិកក្រោមឱវាទទាំងអស់ ដែលគ្រប់លក្ខខណ្ឌ នៃការទទួលចាក់វ៉ាក់សាំងដូសដូស ទី៣នេះ ឱ្យមកទទួលវ៉ាក់សាំងផងដែរ។
គួរបញ្ជាក់ថា ស្ថិតក្នុងបរិការណ៍នៃការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ បណ្តាលមក ពីមេរោគបំប្លែងខ្លួនថ្មី ជាពិសេសមេរោគកូវីដ-១៩ ប្រភេទដែលតា (Delta) ដែលបាននឹងកំពុងវាយលុកយ៉ាងសកម្ម តាមបណ្តាទីក្រុងនៃប្រទេសក្នុងតំបន់អាស៊ាន រួមទាំងរាជធានីភ្នំពេញ និងបណ្តាខេត្តជាប់ព្រំដែនកម្ពុជា-ថៃ រាជរដ្ឋាភិបាលកម្ពុជា បានសម្រេចដាក់ចេញបន្ថែមនូវ “យុទ្ធនាការចាក់វ៉ាក់សាំងបង្ការជំងឺកូវីដ-១៩ ដូស ទី៣ ឬ ដូសជំរុញ” ជូនដល់មន្ត្រីបម្រើសេវាសាធារណៈជួរមុខទាំងនៅថ្នាក់ជាតិ និងថ្នាក់ក្រោមជាតិ សំដៅបង្កើន ភាពស៊ាំសហគមន៍ឱ្យកាន់តែរឹងមាំ និងជាការគិតគូរបន្ថែម ដល់សុខុមាលភាពរបស់ប្រតិបត្តិករជួរមុខ ដើម្បីកាត់បន្ថយកម្រិតហានិភ័យ និងអត្រា នៃការឆ្លងចូលក្នុងសហគមន៍ ឲ្យបានជាអតិបរមា៕ (ដោយ)៖ ពុធិកា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត