កីឡា

NOCC បញ្ជាក់ពីការត្រួតពិនិត្យតឹងរ៉ឹងនៅព្រំដែនធ្វើឲ្យយឺត មេដាយ សម្រាប់ទិវារត់ពាក់កណ្តាលម៉ារ៉ាតុងភ្នំពេញអន្តរជាតិ

បានផុស

៥ នាទី មុន

នៅ

ថ្ងៃចន្ទ ១៥ មិថុនា ២០២៦

ដោយ

កាលពីម្សិលមិញ ថ្ងៃទី១៤ ខែមិថុនា ឆ្នាំ ២០២៦ អ្នកដែលបានចូលរួមក្នុងទិវារត់ពាក់កណ្តាលម៉ារ៉ាតុងភ្នំពេញអន្តរជាតិ លើកទី១៤ មិនពេញចិត្ត និងបានរិះគន់យ៉ាងខ្លាំងចំពោះគណៈកម្មការរៀបចំការប្រកួតដែលមិនមានមេដាយជូនអ្នកចូលរួមទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី១៥ ខែមិថុនា ឆ្នាំ ២០២៦ គណៈកម្មាធិការជាតិអូឡាំពិកកម្ពុជា (NOCC) បានចេញសេចក្តីប្រកាសព័ត៌មានបញ្ជាក់ពីមូលហេតុដែលមិនទាន់មានមេដាយជូនអ្នកចូលរួមទាន់ពេលវេលា។ នៅក្នុងសេចក្តីប្រកាសបានលើកឡើងថា មូលហេតុនៃការយឺតយ៉ាវ បណ្តាលមកពីការកកស្ទះទំនិញ ដោយសារការត្រួតពិនិត្យតឹងរ៉ឹងតាមច្រកព្រំដែន ខុសពីប្រក្រតី ដែលបណ្តាលឲ្យយឺតយ៉ាវខុសពីការគ្រោងទុកដល់ទៅជាង ១ ខែ។

សេចក្តីប្រកាសបានបញ្ជាក់ថា នៅពេលណាមេដាយបានមកដល់ប្រទេសកម្ពុជាភ្លាម គណៈកម្មការនឹងប្រកាសដំណឹងភ្លាមៗដើម្បីជូនមេដាយដល់ជ័យលាភី និងអ្នកចូលរួមទាំងអស់ឲ្យបានលឿនបំផុតតាមលទ្ធភាពដែលអាចទៅរួច។

សូមបញ្ជាក់ថា ព្រឹត្តិការណ៍រត់ពាក់កណ្តាលម៉ារ៉ាតុងភ្នំពេញអន្តរជាតិ លើកទី១៤ កាលពីថ្ងៃទី១៤ ខែមិថុនា ឆ្នាំ ២០២៦ អ្នកចូលរួមជាតិ និងអន្តរជាតិច្រើនជាងឆ្នាំមុនៗដោយមានជិត ៦០០០ នាក់ នៅឧទ្យានមុខវត្តបទុម ដើម្បីអបអរសាទរដល់ព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ៕