ព័ត៌មានជាតិ
មុននេះបន្តិចរកឃើញអាជីវករផ្សារបានលុង ១០នាក់ ឆ្លងកូវីដ១៩
គិតត្រឹមម៉ោង១០ព្រឹកថ្ងៃទី២ ខែកញ្ញា ឆ្នាំ២០២១នេះ ក្រុមគ្រូពេទ្យបានតេស្តសំណាករកឃើញអាជីវករផ្សារបានលុង ក្នុងខេត្តរតនគិរី ១០នាក់ឆ្លងកូវីដ១៩។
រដ្ឋបាលខេត្តរតនគិរី កាលពីថ្ងៃទី១ ខែកញ្ញា ចេញសេចក្តីសម្រេច ស្តីពីការបិទខ្ទប់ជាបណ្តោះអាសន្នផ្សារបានលុង ស្ថិតនៅក្រុងបានលុងខេត្តរតនគិរី ក្នុងគោលបំណងដើម្បីទប់ស្កាត់ការរាលដាលនៃជំងឺកូវីដ១៩ ក្រោយពីបានរកឃើញមានវិជ្ជមានជំងឺកូវីដ១៩ តាមរយះការធ្វើតេស្តរហ័សនៅថ្ងៃទី១ ខែកញ្ញា ឆ្នាំ២០២១។
ក្នុងសេចក្តីសម្រេច រដ្ឋបាលខេត្តបានបិទខ្ទប់ផ្សារបានលុងជាបណ្តោះអាសន្ន ចាប់ពីថ្ងៃទី២ ខែកញ្ញា ឆ្នាំ២០២១ រហូតមានការសម្រេចជាថ្មី។ ការបិទជាបណ្តាះអាសន្ន គឺក្នុងគោលបំណងដើម្បីទប់ស្កាត់ការរាលដាលនៃជំងឺកូវីដ១៩ ក្រោយពីបានរកឃើញមានវិជ្ជមានជំងឺកូវីដ១៩ តាមរយះការធ្វើតេស្តរហ័សនៅថ្ងៃទី១ ខែកញ្ញា ឆ្នាំ២០២១។
ក្នុងអំឡុងពេលបិទខ្ទប់ទីតាំងជាបណ្តោះអាសន្ននេះ រដ្ឋបាលក្រុងបានលុងត្រូវ ហ៊ុមព័ទ្ធទីតាំងផ្សារបានលុង ផ្អាកការចេញ-ចូលទីតាំងផ្សារបានលុងនេះ ស្រាវជ្រាវរកអ្នកពាក់ព័ន្ធផ្ទាល់ ឬប្រយោលដើម្បីធ្វើចត្តាឡីស័ក និងយកសំណាក។ ចំពោះប្រជាពលរដ្ឋដែលមានការពាក់ព័ន្ធផ្ទាល់ ឬប្រយោលជាមួយទីតាំងខាងលើ សូមអញ្ជើញមកជួប ឬជូនដំណឹងដល់ក្រុមការងារមន្ត្រីសុខាភិបាលរបស់មន្ទីរសុខាភិបាល នៃរដ្ឋបាលខេត្តរតនគិរី ដើម្បីយកសំណាកទៅធ្វើតេស្តជាបន្ទាន់ចាប់ពីថ្ងៃទី១ ខែកញ្ញា ឆ្នាំ២០២១តទៅ។
ត្រូវអនុវត្តការផាកពិន័យអន្តរការណ៍ចំពោះបុគ្គលណាដែលមិមគោរពដោយចេតនា វិធានការសុខាភិបាលនិងវិធានការរដ្ឋបាល ដែលរាជរដ្ឋាភិបាលនិងរដ្ឋបាលខេត្តរតនគិរី បានដាក់ចេញក្នុងការទប់ស្កាត់ការឆ្លងរាលដាលនៃជំងឺកូវីដ១៩ ដោយមិនគិតដល់បទល្មើសព្រហ្មទណ្ឌដទៃឡើយ។ បទប្បញ្ញត្តិទាំងឡាយណាដែលផ្ទុយនិងសេចក្តីសម្រេចនេះត្រូវទុកជានិរាករណ៍។
នាយករដ្ឋបាលសាលាខេត្ត ស្នងការនៃស្នងការដ្ឋាននគរបាលខេត្ត មេបញ្ជាការនៃបញ្ជាការដ្ឋានកងរាជអាវុធហត្ថខេត្ត មេបញ្ជាការនៃបញ្ជាការដ្ឋានតំបន់ប្រតិបត្តិការសឹករងខេត្តរតនគិរី ប្រធានមន្ទីរ អង្គភាព ជំនាញ ពាក់ព័ន្ធ អភិបាល នៃគណៈអភិបាលក្រុងបានលុង ត្រូវទទួលបន្ទុកអនុវត្តសេចក្តីសម្រេចនេះឲ្យមានប្រសិទ្ធភាពខ្ពស់ ចាប់ពីថ្ងៃចុះហត្ថលេខានេះតទៅ៕
អត្ថបទ៖ វុទ្ធឦសាន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ