ព័ត៌មានជាតិ
មន្រ្តីនគរបាលបង្ករបួសស្នាម ស្រ្តីម្នាក់បែកក្បាល ត្រូវឃាត់ខ្លួន
ស្នងការនគរបាលរាជធានីភ្នំពេញបានបញ្ជាក់ពីការឃាត់ខ្លួន មន្ត្រីអន្តរាគមន៍ដែលបានបង្កការរងរបួសដល់ស្ត្រីម្នាក់បណ្តាលឱ្យបែកក្បាលត្រូវបានឃាត់ខ្លួននៅអធិការដ្ឋាននគរបាលខណ្ឌ៧មករា បន្ទាប់ពីពេលកេីតហេតុរួច។
ការឃាត់ខ្លួនមន្រ្តីនគរបាលរូបនេះ ក្រោយមានការបង្ករបួសស្នាមលើស្រ្តីម្នាក់ ដែលបើកបរល្មើសចរាចរណ៍ដោយមិនពាក់មួក ដោយបើករត់គេចពីសមត្ថកិច្ច ទើបមានការឃាត់រហូតបង្ករបួសស្នាមឲ្យបែកក្បាលស្រ្តីរងគ្រោះ។
បើតាមប្រភពពីសមត្ថកិច្ចបានប្រាប់ហេតុការណ៍បង្កមានរបួសស្នាម បន្ទាប់ពីមានមនុស្សប្រុសស្រី២នាក់ជិះម៉ូតូឌុបគ្នាដោយមិនបានពាក់មួកសុវត្តិភាពឆ្លងកាត់គោលដៅត្រួតពិនិត្យអាវុធជាតិផ្ទុះនិងគ្រឿងស្រវឹងខណៈសមត្ថកិច្ចហៅឈប់បែជាបន្ថែមល្បឿនព្យាយាមគេចខ្លួនត្រូវកម្លាំងសមត្ថកិច្ចទាញអាយឌីវាយបណ្តាលឱ្យធ្លាក់ពីលេីម៉ូតូរងរបួសបែកក្បាល។
ហេតុការណ៍នេះបង្កការភ្ញាក់ផ្អេីលកាលពីវេលាម៉ោង៩យប់ ថ្ងៃទី៨ ខែកញ្ញា ឆ្នាំ២០២១ នៅគោលដៅត្រួតពិនិត្យអាវុធជាតិផ្ទុះនិងស្រវឹង តាមបណ្តោយផ្លូវលេខ២១៥ ស្ថិតក្នុងសង្កាត់វាលវង់ ខណ្ឌ៧មករា ។
នារីរងគ្រោះដែលត្រូវសមត្ថកិច្ចវាយបែកក្បាលនោះមានឈ្មោះងន ស្រីនិច អាយុ២២ឆ្នាំ ស្នាក់នៅបុរីលឹមឈាងហោចំការដូង ។ ចំណែកសមត្ថកិច្ចដែលយកអាយឌីវាយក្បាលនារីខាងលេីនោះឈ្មោះ ម៉ាត់ពិសី ។
តាមប្រភពព័ត៌មានបានឱ្យដឹងថា មុនពេលកេីតហេតុកម្លាំងចម្រុះនៃអធិការដ្ឋាននគរបាលខណ្ឌ៧មករាបានដាក់គោលដៅត្រួតពិនិត្យអាវុធជាតិផ្ទុះនិងជាតិស្រវឹង ខណៈកំពុងអនុវត្តស្រាប់តែមានម៉ូតូមួយគ្រឿង បេីកបរដោយបុរសម្នាក់និងនារីម្នាក់ទៀតរួមដំណេីរជាមួយ ធ្វេីដំណេីរឆ្លងកាត់គោលដៅសមត្ថកិច្ចដោយមិនបានពាក់មួកសុវត្តិភាពត្រឹមត្រូវនោះទេ ពេលសមត្ថកិច្ចហៅឱ្យឈប់បែជាបន្ថែមល្បឿនព្យាយាមគេចខ្លួន ភ្លាមនោះសមត្ថកិច្ចក៏ទាញអាយឌីដែលកាន់ជាប់នឹងដៃស្រាប់វាយក្បាលបណ្តាលឱ្យត្រូវនារីអង្គុយខាងក្រោយបណ្តាលឱ្យធ្លាក់ពីលេីម៉ូតូរងរបួសបែកក្បាល។
បេីតាមនារីរងគ្រោះបានឱ្យដឹងថា មុនពេលកេីតហេតុខ្លួនបានចេញពីផ្ទះបំណងទៅកម្មវិធីខួបកំណេីតមិត្តភ័ក្តិនៅភោជនីដ្ឋាន អ៉ីណែនកាឌិន នៅផ្លូវបឹងកក់ ដោយមិនបានពាក់មួកសុវត្តិភាពទេខណៈមកដល់គោកដៅសមត្ថកិច្ចស្រាប់តែសមត្ថកិច្ចយកអាយឌីវាយក្បាលបែបនេះ របួសដេ៣ថ្នេរ។
ជំវិញករណីខាងលេីនេះផងដែរភាគីខាងនារីរងគ្រោះមិនព្រមសម្របសម្រួលជាមួយសមត្ថកិច្ចនោះទេដោយរងចាំរកមេធាវីជួយដោះស្រាយនិងស្នេីដល់ថ្នាក់ដឹកនាំដែលពាក់ពន្ធមេតាជួយរកយុត្តិធម៌ឱ្យនាងផង៕
ទាក់ទងករណីនេះ ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាក់ថា នឹងបេីកការស្រាវជ្រាវបើរកឃេីញថាមានកំហុស មន្ត្រីបង្កនឹងត្រូវអនុវត្តបន្តតាមនីតិវិធីច្បាប់ ក៏ដូចជាការអនុវត្តវិន័យកងកម្លាំងផងដែរ ។ ចំពោះអ្នកបេីកបរល្មេីសច្បាប់ បេីកបរគេចពីសមត្ថកិច្ចក៏នឹងត្រូវអនុវត្តតាមច្បាប់ផងដែរ៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ