ព័ត៌មានជាតិ
ទើបរកឃើញថ្មី ស្ថានីយបុរាណជាង ២០០ កន្លែង នៅខេត្តជាប់ព្រំដែនថៃ
អាជ្ញាធរខេត្តបន្ទាយមានជ័យបានរកឃើញស្ថានីយបុរាណជាង ២០០ កន្លែងទៀត ដែលមានអាយុកាលរាប់ពាន់ឆ្នាំ។
លោក យង់ តាំងកូយ ប្រធានមន្ទីរវប្បធម៌ និងវិចិត្រសិល្បៈខេត្តបន្ទាយមានជ័យបានឲ្យកម្ពុជាថ្មីដឹងថា ស្ថានីយបុរាណទើបរកឃើញថ្មីមានដូចជា ទួលប្រាសាទ ទួលបុរាណ ទួលកប់សព ស្រះបុរាណ ផ្លូវបុរាណជាដើម។
ស្ថានីយបុរាណរាប់សិបកន្លែង កន្លងមកមានពលរដ្ឋមួយចំនួននាំគ្នាជីកគាស់កកាយ ដើម្បីរុករកគ្រឿងអលង្ការបុរាណ យកទៅធ្វើអាជីវកម្ម ដែលធ្វើឲ្យខូចខាតប៉ះពាល់ដល់សម្បត្តិវប្បធម៌របស់ជាតិ។
លោក យង់ តាំងកូយ ប្រធានមន្ទីរវប្បធម៌ និងវិចិត្រសិល្បៈខេត្តបន្ទាយមានជ័យបានបន្តថា អាជ្ញាធរនិងមន្ទីរពាក់ព័ន្ធ បានចុះទៅបង្រ្កាបជាបន្តបន្ទាប់ និងខិតខំផ្សព្វផ្សាយដល់ប្រជាពលរដ្ឋនៅតាមមូលដ្ឋានចូលរួមការពារ និងថែរក្សាកេរ្តិ៍តំណែលរបស់ជាតិកុំឲ្យបាត់បង់។
គិតមកដល់ពេលនេះ មន្ទីរវប្បធម៌ខេត្តបន្ទាយមានជ័យបានស្រាវជ្រាវរកឃើញ ស្ថានីយបុរាណចំនួន ៩១១ កន្លែងនៅទូទាំងខេត្ត។ ក្រៅពីស្ថានីយបុរាណ ខេត្តបន្ទាយមានជ័យនៅសេសសល់សំណង់បុរាណជាប្រាសាទដែលនៅមានរូបរាងចំនួន ៣២ កន្លែង។ ប្រាសាទដែលនៅសេសសល់ទាំង ៣២ កន្លែងមានទីតាំងនៅតាមបណ្តាញស្រុកមួយចំនួនដូចជា៖
១/ ក្រុងសិរីសោភ័ណ្ឌមាន ០១ កន្លែង
-ប្រាសាទភ្នំកងវ៉ា
២/ ស្រុកថ្មពួកមាន ២០ កន្លែង៖
-ប្រាសាទបន្ទាយឆ្មារ
-ប្រាសាទតាស៊ឹម
-ប្រាសាទយាជូន
-ប្រាសាទយាយតុំ
-ប្រាសាទចិញ្ចឹមត្រី
-ប្រាសាទតាណែម
-ប្រាសាទសំណាងតាសុខ
-ប្រាសាទតាប្លាំង
-ប្រាសាទតាព្រហ្ម
-ប្រាសាទមេបុណ្យ (កើត)
-ប្រាសាទបន្ទាយទ័ព
-ប្រាសាទតុប
-ប្រាសាទប្រុស
-ប្រាសាទត្រពាំងមម៉ាំង
-ប្រាសាទល្បើកល្វា
-ប្រាសាទក្រហម
-ប្រាសាទពន្លាក់
-ប្រាសាទកូនដំរី
-ប្រាសាទដំបូក
-ប្រាសាទមេបុណ្យ (ជើង)
៣/ ស្រុកស្វាយចេក មាន ០៦ កន្លែង
-ប្រាសាទភាស
-ប្រាសាទបន្ទាយព្រាវ
-ប្រាសាទគុក
-ប្រាសាទល្បើកស្វាយ
-ប្រាសាទល្បើកអំពិល
-ប្រាសាទសំរោង
៤/ ស្រុកព្រះនេត្រព្រះ មាន ០៣ កន្លែង៖
-ប្រាសាទប្រាំ
-ប្រាសាទចាអើ
-ប្រាសាទចេតិយ៍
៥/ ស្រុកភ្នំស្រុក មាន ០២ កន្លែង
-ប្រាសាទភ្នំកូនខ្លែង
-ប្រាសាទសំរោង
អត្ថបទ៖ ប៊ុណ្ណារ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ