ព័ត៌មានជាតិ
សាលារៀន នៅខេត្តកោះកុង បើកទ្វារ ឱ្យសិស្សចូលរៀន នៅថ្ងៃច័ន្ទសប្ដាហ៍ក្រោយ
លោកស្រីអភិបាលខេត្តកោះកុង បានសម្រេចអនុញ្ញាតកំណត់យកថ្ងៃទី ២០ ខែកញ្ញា ខាងមុខជាថ្ងៃដែលសាលារៀនរដ្ឋ និងឯកជនបើកទ្វារទទួលសិស្សចូលរៀនឡើងវិញ ខណៈទីតាំងគ្រឹះស្ថានសិក្សាទាំងនោះមានហានិភ័យទាបចំពោះការឆ្លងជំងឺកូវីដ១៩។
តាមរយៈលិខិតមួយច្បាប់ចេញផ្សាយនៅថ្ងៃទី១៦ ខែកញ្ញា ២០២១ លោកស្រី មិថុនា ភូថង អភិបាលខេត្តកោះកុង ជូនដំណឹងគណៈគ្រប់គ្រងគ្រឹះស្ថានសិក្សា លោកគ្រូ អ្នកគ្រូ និងអាណាព្យាបាលសិស្សានុសិស្សអំពីបើកសាលារៀនឡើងវិញនៅថ្ងៃទី២០ ខែកញ្ញាខាងមុខ។
ការប្រកាសបើកសាលារៀនសម្រាប់សិស្សថ្នាក់មធ្យមសិក្សានេះ ធ្វើឡើងក្រោយការពិនិត្យ និងវាយតម្លៃពីតំបន់ហានិភ័យទាបក្នុងភូមិសាស្រ្តខេត្តកោះកុង ដោយអនុវត្តគោលការណ៍ប្រតិបត្តិស្តង់ដារសម្រាប់លើកកម្ពស់សុខភាព និងសុវត្ថិភាពសិក្សាក្នុងការបង្រៀន និងរៀនតាមបណ្តុំ។
លោកស្រីអភិបាលខេត្ត ក៏បញ្ជាក់ដែរថា សម្រាប់វិទ្យាល័យចំនួន៣ មានដូចជា៖វិទ្យាល័យចំណេះទូទៅ និងបច្ចេកទេសតេជោសែនកោះកុង វិទ្យាល័យចាំយាម និងវិទ្យាល័យប៉ាក់ខ្លង នឹងត្រូវបើកទ្វារសាលារៀននៅថ្ងៃទី២៧ ខែកញ្ញា។
ដំណើរការបើកសាលរៀនអោយសិស្សចូលសិក្សាថ្នាក់នាំខេត្តកោះកុង ជំរុញឱ្យលោកគ្រូអ្នកគ្រូ និងសិស្សានុសិស្សបន្តអនុវត្តវិធានការសុខាភិបាលអោយបានខ្ជាប់ខ្ជួនកម្រិត SOP។
បញ្ហាបើកសាលារៀននេះដែរ លោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្តកោះកុង បានថ្លែងឱ្យដឹងដែរថា សាលារៀន ដែលនឹងត្រូវបើកដំណើរការឡើងវិញ មានជិត២០០សាលារៀន ទាំងកម្រិតបឋមសិក្សា និងវិទ្យាល័យ។
លោកប្រធានមន្ទីរអប់រំ យុវជន និងកីឡាខេត្ត បន្ថែមទៀតថា មុននឹងខេត្តសម្រេចអនុញ្ញតបែបនេះ គឺក្រុមការងារជំនាញ ធ្វើតេស្តរហ័សស្វែងរកវីវុសកូវីដ១៩ទៅកាន់សិស្ស៥.៥៦២នាក់ និងលោកគ្រូអ្នកគ្រូ៣៦៦នាក់ ស្រី១៣២នាក់ផងដែរ យោងតាមទៅអ្វីដែលជាការណែនាំរបស់ប្រមុខរាជរដ្ឋាភិបាល និងក្រសួងអប់រំ យុវជន និងកីឡា។
ស្របពេលដែលដំណើរការបង្រៀនក្នុងសាលារៀន ករណីមានការផ្ទុះជំងឺកូវីដប្រការណាមួយនឹងត្រូវបិទផ្អាកឡើងវិញជាពុំខាន ដើម្បីធានាសុវត្ថិភាពដល់សិស្ស និងលោកគ្រូអ្នកគ្រូ។
ជាក់ស្តែងនៅស្រុកស្រែអំបិល បើកទទួលសិស្សតែកម្រិតមធ្យមសិក្សាប៉ុណ្ណោះ ថ្នាក់បឋមសិក្សាមិនអាចដំណើរទេ ខណៈមានការឆ្លងជំងឺកូវីដ១៩ជាថ្មីប៉ុន្មានចុងក្រោយ។
ចំណែកឯលោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង អះអាងថា ក្រុមការងារសុខាភិបាល បានចុះបាញ់ថ្នាំសម្លាប់មេរោគតាមក្បួនវេជ្ជសាស្រ្តតាមថ្នាក់រៀនអស់ហើយ ជៀសជាងបន្សល់ទុកមេរោគបណ្តាឱ្យអាចឆ្លងទៅកាន់សិស្ស ត្បិតពួកគេបានចាក់វ៉ាក់សាំងដូសទី២គ្រប់គ្នាក៏ដោយ៕
អត្ថបទៈ សិរីវឌ្ឍនៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ