ព័ត៌មានជាតិ
សាលារៀនចំនួន១២៤ ក្នុងខេត្តកំពង់ចាម បានបើកដំណើរការវិញហើយ នៅថ្ងៃនេះ
មានសាលារៀនចំនួន ១២៤សាលា ក្នុងខេត្តកំពង់ចាម ចាប់ពីកម្រិតអនុវិទ្យាល័យឡើងទៅ និងសាលាពុទ្ធិកៈ បានបើកដំណើរការឡើងវិញហើយ នៅព្រឹកថ្ងៃទី២០ ខែកញ្ញានេះ ដោយក្នុងនោះបានអនុវត្តវិធានសុខាភិបាល SOP យ៉ាងខ្ជាប់ខ្ជួន ដើម្បីទប់ស្កាត់ការឆ្លងរាលដាល នៃជំងឺកូវីដ-១៩។
លោក លី ម៉េងសាន ប្រធានមន្ទីរអប់រំ យុវជន និងកីឡាខេត្តកំពង់ចាម បានឲ្យដឹងថា ក្រោយពីរដ្ឋបាលខេត្ត បានវាយតម្លៃ អំពីការបើកគ្រឹះស្ថានអប់រំសាធារណៈ និងឯកជនឡើងវិញ ក្នុងភូមិសាស្ត្រខេត្តកំពង់ចាមរួចមក មានសាលាចំនួន ១២៤សាលា បានបើកឲ្យសិស្សានុ-សិស្ស ចូលរៀនវិញ នៅព្រឹកថ្ងៃទី២០ ខែកញ្ញា ឆ្នាំ២០២១នេះ។ ក្នុងនោះកម្រិតអនុវិទ្យាល័យ ចំនួន៨១កន្លែង វិទ្យាល័យ ចំនួន៤៣កន្លែង និងគ្រឹះស្ថានសិក្សាឯកជន ចំនួន៣១កន្លែង។
លោកប្រធានមន្ទីរ បានបន្ថែមទៀតថា ដោយតាមសាលានីមួយៗ គណៈគ្រប់គ្រងសាលា ត្រូវអនុវត្តវិធានសុខាភិបាលកម្រិត SOP ឲ្យបានខ្ជាប់ខ្ជួន គឺទាំងមុនចូល និងក្រោយបញ្ចប់ការសិក្សា។ ដោយឡែក វិទ្យាល័យអប់រំពិសេសក្រុងកំពង់ចាម ដោយសារសិស្សនៅឆ្ងាយៗពេក ទើបខាងគណៈគ្រប់គ្រងសាលា នឹងបើកឲ្យដំណើរការនៅថ្ងៃខាងមុនទៀត។
សូមជម្រាបជូនថា នៅព្រឹកថ្ងៃទី២០ ខែកញ្ញា ឆ្នាំ២០២១នេះ លោក អ៊ុន ចាន់ដា អភិបាលខេត្តកំពង់ចាម បានអញ្ជើញបើកបវេសនកាល នៅវិទ្យាល័យបឹងកុក ក្រុងកំពង់ចាម។ លោកអភិបាលខេត្ត បានថ្លែង ដំណាក់កាលដំបូងនេះ គឺឲ្យសិស្សចាប់ពីថ្នាក់អនុវិទ្យាល័យឡើងទៅ និងសាលាពុទ្ធិក: ចូលរៀននៅថ្ងៃទី២០ ខែកញ្ញានេះ។ ដោយឡែក កម្រិតបឋមសិក្សា ត្រូវអនុញ្ញាត្តឲ្យសិស្សានុ-សិស្សចូលរៀន នៅថ្ងៃទី១១ ខែតុលាខាងមុខនេះ ដោយអនុវត្តវិធានសុខាភិបាល ៣ការពារ និង៣កុំ ឲ្យខ្ជាប់ខ្ជួនបំផុត៕
អត្ថបទ៖ ហុង ម៉េងហៀ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ