ព័ត៌មានជាតិ
ក្រុមឆក់ ចេញប្រតិបត្តិការទាំងព្រឹក ឃាត់ខ្លួនបានម្នាក់ និងដកហូតម៉ូតូ៤គ្រឿង
ជនសង្ស័យមួយក្រុម បានចេញធ្វើសកម្មភាពឆក់ទ្រព្យសម្បត្តិប្រជាពលរដ្ឋតាមដងផ្លូវទាំងព្រឹក ក្នុងមូលដ្ឋានខណ្ឌពោធិ៍សែនជ័យ ហើយព្យាយាមគេចខ្លួនរហូតទៅដល់មូលដ្ឋានខណ្ឌសែនសុខ ត្រូវបានកម្លាំងសមត្ថកិច្ចដេញឃាត់ខ្លួនបានម្នាក់ និងដកហូតម៉ូតូចំនួន៤គ្រឿង ដោយឡែកបក្ខពួកផ្សេងទៀតកំពុងគេចខ្លួន។
ហេតុការណ៍ នេះបានកើតឡើងកាលពីវេលា ម៉ោង ៩ និង ៤០ នាទីព្រឹកនៅចំណុចផ្លូវបេតុងបណ្តោយផ្លូវតាំងកសាង ភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ។ ជនសង្ស័យឃាត់ខ្លួនមានឈ្មោះ សំ បុណ្យ ពុធ្ធិជ័យ អាយុ១៨ឆ្នាំ មុខរបរមិនពិត ស្នាក់ផ្ទះជួល ភូមិក្រាំងអង្ក្រង ខណ្ឌសែនសុខ។
ប្រភពព័ត៌មានពីសមត្ថកិច្ចបានឱ្យដឹងថា មុនពេលកើតហេតុជនសង្ស័យ ២នាក់ ជិះម៉ូតូហុងដាឌ្រីមទាំង២គ្រឿង ចេញធ្វើសកម្មភាព ឆក់ទូរស័ព្ទ ពីស្ត្រីម្នាក់នៅផ្លូវបេតុងមុខវត្តតាំងកសាង ភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ ហើយព្យាយាមគេចខ្លួនតែត្រូវសមត្ថកិច្ចដេញឃាត់ខ្លួនបានម្នាក់ភ្លាមៗ។
សមត្ថកិច្ចបន្តថា បន្ទាប់មកកម្លាំងសមត្ថកិច្ចខណ្ឌពោធិ៍សែនជ័យ ក៏សហការជាមួយកម្លាំងសមត្ថកិច្ចខណ្ឌសែនសុខចុះទៅបង្ក្រាបជនសង្ស័យ តែដោយសារពួកគេដឹងខ្លួនទាន់គេចខ្លួនអស់និងរកឃើញម៉ូតូចំនួន២គ្រឿង ដែលជនសង្ស័យបានបន្សល់ទុកម៉ូតូ២គ្រឿង មួយគ្រឿងហុដាឌ្រីម និងមួយគ្រឿងទៀតម៉ាក និចធូ ពណ៌ស។
បច្ចុប្បន្នមានកម្លាំងសមត្ថកិច្ចខណ្ឌពោធិ៍សែនជ័យ បានប្រមូលវត្ថុតាងរួមទាំងជនសង្ស័យម្នាក់ ដែលឃាត់បានយកមកសួរនាំនៅផ្នែកជំនាញ នៃអធិការរងនគរបាលខណ្ឌពោធិ៍សែនជ័យ ដើម្បីកសាងសំណុំរឿងនិងតាមវែករកមុខសញ្ញាដែលនៅសេសសល់មកផ្តន្ទាទោសឲ្យខានតែបាន៕
អត្ថបទ៖ សុខា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ