ព័ត៌មានជាតិ
ស្នងការនគរបាលរាជធានី ស្រាយបំភ្លឺព័ត៌មានផ្សាយថា សមត្ថកិច្ចមិនបង្ក្រាបទីតាំងជល់មាន់
ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បកស្រាយបំភ្លឺព័ត៌មាន ទាក់ទងទៅនឹងការចុះផ្សាយរបស់សារព័ត៌មានមួយថា មានទីតាំងជល់មាន់ បើកដំណើរការយ៉ាងរលូន មិនមានសមត្ថកិច្ចណាហ៊ានបង្ក្រាបឡើយ។ នេះបើតាមការផ្ដល់ព័ត៌មាន ពីលោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការស្នងការដ្ឋាន នគរបាលរាជធានីភ្នំពេញ ដល់ កម្ពុជាថ្មី នៅមុននេះ។
លោកវរសេនីយ៍ឯក សាន សុខសីហា បានឱ្យដឹងថា បន្ទាប់ពីបានឃើញព័ត៌មានចុះផ្សាយនេះភ្លាម នៅរសៀលថ្ងៃទី២២ ខែតុលា ឆ្នាំ២០២១នេះ ក្រុមការងារព័ត៌មាន និងប្រតិកម្មរហ័ស បានទាក់ទងទៅសមត្ថកិច្ចនៃអធិការដ្ឋាននគរបាលខណ្ឌចំការមន និងប៉ុស្តិ៍នគរបាលរដ្ឋបាលផ្សារដើមថ្កូវ ដោយភ្លាមៗនោះកម្លាំងគណៈបញ្ជាការឯកភាពខណ្ឌបានដឹកនាំកម្លាំងចុះដល់ទីតាំងភ្លាមៗផងដែរ។ លុះពេលកម្លាំងទៅដល់បានពិនិត្យឃើញថា មិនមានការលេងជល់មាន់នោះទេ។
តាមការសាកសួរប្រជាពលរដ្ឋដែលរស់នៅជិតទីតាំងខាងលើបានបញ្ជាក់ថា ម្តងម្កាលមានមនុស្សមួយក្រុមមកជួបជុំគ្នាលួចឆ្មក់លេងជល់មាន់នៅក្នុងដីទុកចោលមួយកន្លែងនេះ។ សមត្ថកិច្ចជំនាញក៏នៅតែបន្តតាមដាន ដើម្បីបង្ក្រាបក្រុមលួចលេងជល់មាន់នេះផងដែរ។
ទោះជាយ៉ាងណា ស្នងការនគរបាលរាជធានីភ្នំពេញ បានអំពាវនាវដល់ប្រជាពលរដ្ឋ ក៏ដូចជាសារព័ត៌មានដែលចុះផ្សាយនេះ សូមសហការផ្តល់ព័ត៌មាន នៅពេលក្រុមនេះកំពុងតែលេងជល់មាន់ ដើម្បីសមត្ថកិច្ចជំនាញចុះទៅបង្ក្រាបឱ្យបានទាន់ពេលវេលាដែលអាចផ្តល់ព័ត៌មានទាន់ហេតុការណ៍ផ្សេងៗមកដល់សមត្ថកិច្ចតាមទូរសព្ទទាន់ហេតុការណ៍លេខ ០៦៩ ៥១៦ ៩៩៩។
អត្ថបទ៖ ច័ន្ទ វីរៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល