Connect with us

ព័ត៌មានជាតិ

អភិបាលខេត្តស្ទឹងត្រែង ជំរុញឱ្យសមត្ថកិច្ច ស៉ើបអង្កេតស្រាវជ្រាវរកមុខ ឧក្រិដ្ឋជន​ជួញដូរគ្រឿងញៀនឆ្លងដែន

បានផុស

នៅ

លោក ស្វាយ សំអ៊ាង អភិបាលខេត្តស្ទឹងត្រែង នៅរសៀលថ្ងៃទី ២៥ ខែវិច្ឆិកា ឆ្នាំ ២០២១ នេះ បានជំរុញឱ្យកម្លាំងការិយាល័យជំនាញប្រឆាំងគ្រឿងញៀន នៃស្នងការរដ្ឋាននគរបាលខេត្ត ស៊ើបអង្កេតស្រាវជ្រាវករណីឧក្រិដ្ឋជននាំគ្រឿងញៀនពីព្រំដែនឡាវចូលមកកម្ពុជា ចំនួន ១០ការុងស្មើនឹង ១៧០ដុំប្រមាណ១៧០ គីឡូក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រឿងញៀនទាំង ១០ការុង ទម្ងន់ ១៧០គីឡូក្រាម ត្រូវបានបើកកញ្ចប់ពិនិត្យ និងមានការចូលរួមពីឯកឧត្តមស្វាយ សំអ៊ាង អភិបាលខេត្តស្ទឹងត្រែង ព្រះរាជអាជ្ញាអមសាលាដំបូងខេត្ត លោកជា សុភ័ក្រ្ត និងឧត្តមសេនីយ៍ទោអូត ស៊ីវុត្ថាស្នងការនគរបាលខេត្តស្ទឹងត្រែង។

កាលពីយប់ថ្ងៃទី ២៤ ខែវិច្ឆិកានេះ វេលាម៉ោង ១៧ ឧក្រិដ្ធជនជួញដូរគ្រឿងញៀនបានធ្វើការដឹកជញ្ជូនតាមទូក ចេញពីកោះស្ដាំព្រំប្រទល់កម្ពុជាឡាវ ចូលមកចំណុចកោះល្ង ភូមិព្រះរំកិល ឃុំអូរស្វាយ ស្រុកបុរីអូរស្វាយសែន ខេត្តស្ទឹងត្រែង។

លោកឧត្តមសេនីយ៍ទោ អូត ស៊ីវត្ថា ស្នងការនគរបាលខេត្តបានឱ្យដឹងថា ករណីបង្ក្រាបគ្រឿងញៀននេះ ជាករណីតាមប្រមាញ់ដើម្បីឈានដល់ការចាប់ខ្លួនឧក្រិដ្ឋជន តែដោយសារឧក្រិដ្ឋជន ហាក់បីដូចដឹងខ្លួនមុន ត្រូវបានរត់គេចខ្លួនបាត់អស់ បន្សល់ទុកតែវត្ថុតាងមុនពេលសមត្ថកិច្ចយើងទៅដល់។

លោកស្នងការបានបញ្ជាក់បន្ថែមថា ខណៈដែលកម្លាំងនគរបាលការពារព្រំដែនចុះល្បាតតាមដងទន្លេតាមប្រមាញ់ បានប្រទះឃើញទូកមួយគ្រឿង បើកបរចេញពីចំណុចខាងលើ ឧក្រិដ្ធជន សង្ស័យឃើញកម្លាំងសមត្ថកិច្ចត្រៀមចាំបង្រ្កាបពួកគេបានរត់ខ្លួនបន្សល់ទូកការ៉ុងគ្រឿងញៀនចំនួន១០ការ៉ុងលើកទូក ហើយរត់គេចខ្លួនបាត់អស់។

លោកស្នងការបានបន្តបន្តថា ក្រោយប្រទះឃើញទូកថតនៅចំណុចខាងលើមានការុង និងដបទឹកសុទ្ធកម្លាំងសមត្ថកិច្ចបានចុះពិនិត្យមើលរកឃើញគ្រឿងញៀន នៅក្នុងការ៉ុងជាច្រើនដែលឧក្រិដ្ឋជនរត់គេចយករួចខ្លួន ហើយបន្សល់ទុកវត្ថុតាងនៅលើទូកនោះ។ ក្រោយការបង្ក្រាបវត្ថុតាងមានទូកនឹងគ្រឿងញៀនត្រូវបានកម្លាំងវរ:ការពារព្រំដែនបញ្ជូនមកកាន់ស្នងការដ្ឋាននគរបាលខេត្តទាំងយប់៕

អត្ថបទៈ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

នគរបាល​ស្រុក​សូទ្រនិគម ឃាត់ខ្លួន​ជនសង្ស័យ​៣​នាក់​ ករណី​លួច​ទ្រព្យសម្បត្តិ​នៅ​តូប​លក់​អេតចាយ​មួយកន្លែង

កីឡា៦ ម៉ោង មុន

ភ្នំពេញក្រោន ឈ្នះជើងឯកខេមបូឌានលីគ​ខាប់ និង​ជា​ក្លិប​ដំបូង​គេ​ឈ្នះ​ពាន​រង្វាន់​បាល់​ទាត់​កម្ពុជា ៣ផ្សេងគ្នា

នយោបាយ៦ ម៉ោង មុន

គ​.​ជ​.​ប សម្រេច​អនុញ្ញាត​ជូន​ភ្ញៀវ​ពិសេស​សម្រាប់​ពិនិត្យមើល​ការបោះឆ្នោត ​ជ្រើសរើស​ក្រុមប្រឹក្សាឃុំ សង្កាត់

ព័ត៌មានអន្ដរជាតិ៨ ម៉ោង មុន

ទៅយកអំណោយ បែរជារត់ជាន់គ្នាស្លាប់ ជាង៣០នាក់ នៅ នីហ្សេរីយ៉ា

ព័ត៌មានអន្ដរជាតិ៩ ម៉ោង មុន

សត្វស្វានៅក្នុងប្រទេសថៃ ចាប់ផ្តើមអត់ចំណី ព្រោះជំងឺអុតស្វា

Sokha Hotels

ព័ត៌មានពេញនិយម