ព័ត៌មានជាតិ

Update ចុះឆែកកាមេរា និងយកសំណាក នៅហាងលក់សម្លៀកបំពាក់ ZANDO

បានផុស

៦ years មុន

នៅ

ថ្ងៃសៅរ៍ ៥ ធ្នូ ២០២០

ដោយ

នៅរសៀលថ្ងៃទី០៥ ខែធ្នូ ឆ្នាំ២០២០ នេះ កម្លាំងចម្រុះ របស់ខណ្ឌបឹងកេងកង ដែលដឹកនាំដោយលោក ធឹម សំអានអភិបាលខណ្ឌ បានសហការជាមួយកម្លាំង របស់នាយកដ្ឋានកណ្ដាលសន្តិសុខ និងក្រុមគ្រូពេទ្យរបស់មន្ទីរសុខាភិបាល រាជធានីភ្នំពេញ បានចុះឆែកកាមេរ៉ា ស្រាវជ្រាវរកអ្នកប៉ះពាល់ និងប្រ យោល ក្នុងព្រឹត្តិការណ៍ថ្ងៃទី២៨ វិច្ឆិកា និងយកសំណាក នៅហាងលក់សម្លៀកបំពាក់ ឈ្មោះ ZANDO ដែលស្ថិតនៅផ្លូវលេខ៦៣ កែង ៣២២ ភូមិ៨ សង្កាត់បឹងកេងកងទី១ ខណ្ឌបឹងកេងកង។

ជាលទ្ធផល ក្រុមគ្រូពេទ្យបានយកសំណាក ដើម្បីធ្វើតេស្តពិនិត្យរកមេរោគ covid-19 បានចំនួន២៩នាក់ ក្នុងនោះស្រី ១២នាក់។ ចំពោះបុគ្គលិកដែលបានយកសំណាករួច គឺឲ្យទៅធ្វើចត្តាឡីស័កនៅតាមផ្ទះរៀងៗខ្លួន ហើយទីតាំងខាងលើត្រូវបានក្រសួងសុខាភិបាលតម្រូវឲ្យផ្អាកដំណើរការជាបណ្ដោះអាសន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបថា គិតត្រឹមម៉ោង០៧ព្រឹកថ្ងៃទី០៥ ខែធ្នូ ឆ្នាំ២០២០ នៅកម្ពុជាមានអ្នកឆ្លងវីរុសកូវីដ-១៩ ចំនួនសរុប ៣៤៥នាក់ ក្នុងនោះស្ត្រីចំនួន៨០ នាក់ និងបុរស២៦៥នាក់។ ក្នុងនោះចំនួនអ្នកព្យាបាលជាសះស្បើយសរុបទូទាំងប្រទេសមានចំនួន៣០៥នាក់ និងអ្នកសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញចំនួន៣៤នាក់ និងអ្នកសម្រាកព្យាបាល នៅមណ្ឌលសុខភាពចាក់អង្រែ រាជធានីភ្នំពេញ ចំនួន០៦នាក់។

ដោយឡែកសម្រាប់អ្នកពាក់ព័ន្ធព្រឹត្តិការណ៍ “សហគមន៍ថ្ងៃទី២៨ វិច្ឆិកា” គិតចាប់ពីថ្ងៃទី២៩ ខែវិច្ឆិកា ដល់ថ្ងៃទី០៣ ខែធ្នូ ឆ្នាំ២០២០ ក្រសួងសុខាភិបាលបានធ្វើតេស្តអ្នកប៉ះពាល់សរុបទាំងអស់ចំនួន ១០១៤៧សំណាក់ ហើយនៅក្នុងចំនួននេះ មានអ្នកវិជ្ជមានពីរោះកូវីត១៩ ថ្មីសរុបចំនួន២៩នាក់ ដែលកំពុងសម្រាកព្យាបាលនៅមន្ទីរពេទ្យមិត្តភាព-ខ្មែរសូវៀត៕
ដោយ ៖ កោះកែវ