ព័ត៌មានជាតិ
ទូតសឹង្ហបុរីកោតសរសើរការងារបោសសម្អាតមីននៅកម្ពុជា
ភ្នំពេញ ៖ ឯកអគ្គរដ្ឋទូតសឹង្ហបុរីប្រចាំនៅកម្ពុជា បានសម្តែងនូវការកោតសរសើរ និងវាយតម្លៃខ្ពស់ចំពោះការងារបោសសម្អាតមីននៅកម្ពុជាក្នុងការចូលរួមគាំពារដល់សុខសន្តិភាព និងការអភិវឌ្ឍនៅកម្ពុជា។

ការកោតសរសើរនេះ បានធ្វើឡើងនៅក្នុងឱកាសដែលលោក Michael Tan ឯកអគ្គរដ្ឋទូតសឹង្ហបុរីប្រចាំនៅកម្ពុជាអញ្ជើញចូលជួប ជម្រាបលា លោកទេសរដ្ឋមន្ត្រី លី ធុជ អនុប្រធានទី១ អាជ្ញាធរ មីនកម្ពុជាកាលពីថ្ងៃទី៧ខែធ្នូឆ្នាំ២០២០ខណៈដែលលោកត្រូវបាន បញ្ចប់អាណត្តិ បេសកកម្ម ការទូតប្រចាំនៅកម្ពុជា។
លោក Michael Tanបានមានប្រសាសន៍ថា «ខ្ញុំនឹង ជម្រាបប្រាប់ឯកអគ្គរដ្ឋទូតសឹង្ហបុរីថ្មី ដែលត្រូវមកបំពេញបេសកកម្មការទូតបន្តវេនពីខ្ញុំឲ្យបន្តផ្តល់កិច្ចសហប្រតិបត្តិការឲ្យកាន់តែល្អប្រសើរបន្ថែមទៀតលើវិស័យសកម្មភាពមីននៅកម្ពុជា»។

ឯកអគ្គរដ្ឋទូតបានថ្លែងអំណរគុណដល់ប្រជាជន និងរាជរដ្ឋាភិបាលកម្ពុជា ដែលបានផ្តល់នូវកិច្ច សហប្រតិបត្តិការ និងគាំទ្រចំពោះបេសកកម្មការទូតរបស់ខ្លួននៅកម្ពុជានាពេលកន្លងមក។
ជាការឆ្លើយតបលោកទេសរដ្ឋមន្ត្រី លី ធុជ បានថ្លែងអំណរ គុណដល់ប្រទេសសឹង្ហបុរី ដែលបានចូលរួមជាមួយរាជ រដ្ឋាភិបាលកម្ពុជា លើកិច្ចសហប្រតិបត្តិការ កសាងធនធានមនុស្ស ការអភិវឌ្ឍសេដ្ឋកិច្ច និងពាណិជ្ជកម្ម ជាដើម។
ជាងនេះសិង្ហបុរីគឺជាប្រទេសមួយក្នុងចំណោមប្រទេសជាសមាជិកអាស៊ា បាន ចូលរួមផ្តល់នូវកាករដឹកនាំគ្រប់គ្រង និងគាំទ្រយ៉ាងសកម្មដល់ មជ្ឈមណ្ឌលតំបន់អាស៊ានសម្រាប់សកម្មភាពមីន (ARMAC)។

លោកទេសរដ្ឋមន្ត្រីបានបង្ហាញនូវក្តីរំពឹងដែរថាឯកអគ្គរដ្ឋទូតថ្មីសិង្ហបុរីនឹងបន្តគាំទ្រដល់មជ្ឈមណ្ឌលតំបន់អាស៊ានសម្រាប់សកម្មភាពមីន (ARMAC) បានកាន់តែសកម្មឡើងថែមទៀត ក្នុងការរួមគ្នា ជួយដល់ប្រទេសនានាក្នុងអាស៊ាន ដើម្បីសម្អាតមីន និងគ្រាប់មិនទាន់ផ្ទុះនានា ដែលភាគច្រើនស្ថិតនៅក្នុងអតីតតំបន់សង្គ្រាម។

លោកទេសរដ្ឋមន្ត្រីក៍បាន ជម្រាបជូនអំពីកិច្ចខិតខំប្រឹងប្រែងរបស់កម្ពុជា ក្នុងការខិតខំធ្វើយ៉ាងណាឲ្យកម្ពុជាគ្មានមីននៅឆ្នាំ២០២៥ខាងមុខ។
លោកទេសរដ្ឋមន្ត្រីក៏ថ្លែងអំណរគុណ ប្រទេសជាមិត្ត ដៃគូអភិវឌ្ឍន៍ បណ្តាអង្គការជាតិអន្តរជាតិនានាដែលបានចូលរួមយ៉ាងសកម្មជាមួយរាជរដ្ឋាភិបាលក្នុងបេសកកម្មបោសសំអាតមីននៅកម្ពុជាដើម្បីសង្គ្រោះជីវិត កាត់បន្ថយគ្រោះថ្នាក់ និងលើកកម្ពស់សុវត្ថិភាព ជីវភាពរស់នៅរបស់ប្រជាពលរដ្ឋកម្ពុជា ឲ្យបានល្អប្រសើរជាលំដាប់ រួមចំណែកស្តារនិងអភិវឌ្ឍសេដ្ឋកិច្ចជាតិ ឲ្យកាន់តែរុងរឿងឆាប់រហ័សថែមទៀត៕
ដោយ ៖ សំអឿន


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ