Connect with us

ព័ត៌មានជាតិ

បណ្ឌិត គី សេរីវឌ្ឍន៍៖ កម្ពុជាមានភាពវៃឆ្លាត​បើកចំហជើងមេឃ មិនពឹងតែសេដ្ឋកិច្ចចិនទេ

បានផុស

នៅ

សព្វថ្ងៃការនាំចេញទំនិញទៅទីផ្សារប្រទេសចិនមានចំនួនតិចតួចនៅឡើយ ពោលគឺកម្ពុជា នាំចូលទំនិញពីប្រទេសចិនទំហំទឹកប្រាក់ប្រមាណ ៧ពាន់លានដុល្លារ ចំណែកការនាំចេញចំនួនជាង ១ពាន់លានដុល្លារប៉ុណ្ណោះ។ ប៉ុន្តែកម្ពុជា បាននាំចេញទៅទីផ្សារអាមេរិក និងអឺរ៉ុប មានចំនួនច្រើន។ កម្ពុជា បានបើកច្រកនាំចេញទៅកូរ៉េ បើកទីផ្សារទៅប្រទេសជប៉ុន និងទីផ្សារដ៏ធំរបស់កម្ពុជាមួយទៀត គឺនៅក្នុងតំបន់អាស៊ាន។ បើនិយាយថា បច្ចុប្បន្នកម្ពុជា ពឹងផ្អែកលើចិនទាំងស្រុង មិនមែនជាការពិតនោះទេ។ ប៉ុន្តែអ្វីដែលបានពីចិន គឺវត្ថុធាតុដើម ដោយសារកម្ពុជា មិនទាន់មានវត្ថុធាតុដើមខ្លួនឯង។ យើងបានវត្ថុធាតុដើមមក ដើម្បីកែច្នៃនាំចេញទៅក្រៅប្រទេស។ នេះជាការលើកឡើងរបស់លោកបណ្ឌិត គី សេរីវឌ្ឍន៍ អ្នកជំនាញ​សេដ្ឋកិច្ច​នៃ​រាជបណ្ឌិត​សភា​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គី សេរីវឌ្ឍន៍ បានថ្លែងប្រាប់កម្ពុជាថ្មីថា កម្ពុជា ត្រូវការបទពិសោធន៍ពីចិន ដោយសារចិនមានសេដ្ឋកិច្ច និងវិស័យឧស្សាហកម្មលើសកម្ពុជាមួយជំហាន។ លោកពន្យល់ថា នៅពេលដែលរបត់សេដ្ឋកិច្ចរបស់ចិនដើរហួស ចិនបានទម្លាក់ផលិតកម្មខ្នាតតូចដូចជា គ្រឿងបង្គំខ្សែភ្លើង គ្រឿងអេឡិចត្រូនិចតូចៗ ទូរសព្ទ ទូរទស្សន៍មកឲ្យកម្ពុជា ដូច្នេះអ្នកវិនិយោគបានងាកមកប្រទេសយើង ខណៈដែលចិនឈានទៅផលិតរថយន្ត គ្រឿងសព្វាវុធ និងគ្រឿងអេឡិចត្រូនិចធំៗ។ នៅពេលដែលឃើញលំហូរនេះចូលមកកម្ពុជា គេគិតថា កម្ពុជាពឹងផ្អែកទៅលើចិន តាមពិតមិនមែននោះទេ នេះគឺជារបត់ផលិតកម្ម។

 បណ្ឌិតសេដ្ឋកិច្ច បានដាក់ជាចំណោទថា តើអាមេរិកអាចផលិតនៅកម្ពុជាបានទេ បើអាមេរិកត្រូវផលិតយន្តហោះ អាឡឺម៉ង់ផលិតគ្រឿងបរិក្ខាពេទ្យ ធនធានមនុស្សរបស់យើង មិនអាចសមប្រកបជាមួយនឹងការផលិតគ្រឿងទាំងអស់នេះទេ។

លោកបន្តថា តាមលំដាប់នៃការវិវឌ្ឍប្រទេស ត្រូវតែហូរពីប្រទេសចិនមក។ លោកថ្លែងដូច្នេះថា «ប្រទេសចិនមុនឹងចូលបានប៉ុណ្ណឹង អាមេរិកមកផលិតនៅប្រទេសចិន កូរ៉េមកផលិតនៅប្រទេសចិន ចិនលូតលាស់ខ្លាំងពង្រីកមកកម្ពុជា ទៅវៀតណាម ទៅភូមា ដូច្នេះវាជារបត់ផលិតកម្ម មិនមែនពឹងផ្នែកទៅលើប្រទេសចិននោះទេ»។

ទន្ទឹមនឹងនេះ លោកបណ្ឌិត គី សេរីវឌ្ឍន៍ បានទាញចំណាប់អារម្មណ៍ទៅនិយាយអំពីវិស័យទេសចរណ៍ចិនហូរចូលមកកម្ពុជា យ៉ាងច្រើនគគ្រឹកគ្រេងកន្លងមក។ លោកថា «យើងតែងរអ៊ូថា ភ្ញៀវទេសចរចិនជាង ២លាននាក់ បង្កការរញ៉េរញ៉ៃនៅកម្ពុជា»។ ប៉ុន្តែលោកសង្កត់ធ្ងន់ថា «យើងកុំភ្លេចថា វៀតណាមជាសត្រូវជាមួយចិន កំពុងមានបញ្ហា តែភ្ញៀវចិនបានហូរចូលវៀតណាមចំនួន ៦លាននាក់ ហើយវៀតណាមបានលើកទឹកចិត្តឲ្យភ្ញៀវទេសចរចិនបន្តទៅកម្សាន្តនៅប្រទេសខ្លួនបន្ថែមទៀត។ ចំណែកថៃទទួលភ្ញៀវទេសចរចិនប្រមាណជាង ១០លាននាក់ ហេតុអ្វីគេមិនថាចិនរញ៉េរញ៉ៃ គេនៅបន្តអបអរសាទរទទួលភ្ញៀវចិន»។

អ្នកជំនាញសេដ្ឋកិច្ចរូបនេះ លើកឡើងថា ចិនចូលមកកម្ពុជា គឺមកចាយលុយ ជនជាតិចិនបួននាក់ ចាយអស់ ១ពាន់ដុលលារក្នុង១យប់ ខុសពីភ្ញៀវបរទេសដទៃទៀត មក៤នាក់ ផឹកភេសជ្ជអស់ ៤កំប៉ុង ឬចាយអស់ ៤ដុល្លារ ក្នុង១យប់ប៉ុណ្ណោះ។

លោកវាយតម្លៃថា ចំណូលដែលបានមកពីភ្ញៀវទេសចរលើកទឹកចិត្តប្រមូលលុយចូលក្នុងប្រទេស ជួយបង្កើតប្រាក់ចំណូលដល់ពលរដ្ឋ។

សរុបសេចក្តីមកកម្ពុជា មិនពឹងផ្អែកលើចិននោះទេ គឺកម្ពុជាប្រឹងដើរដោយខ្លួនឯង ដោយភាពវៃឆ្លាត អ្នកណាផ្តល់ប្រយោជន៍សម្រាប់សេដ្ឋកិច្ចកម្ពុជា យើងបើកចំហទាំងអស់ មិនថា តែអឺរ៉ុប អាមេរិក ចិន ឬជប៉ុនទេ ពោលគឺកម្ពុជាបើកចំហជើងមេឃ៕ ដោយ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៣ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៤ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៤ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម