ព័ត៌មានជាតិ
លោកបណ្ឌិត គី សេរីវឌ្ឍន៍៖ កសិករធ្វើកសិកម្មដើរបញ្ច្រាស នឹងមានទីផ្សារខ្ពស់
វិស័យកសិកម្ម តែងកើតមានបញ្ហាប្រឈមផ្នែកទីផ្សារដោយសារកសិករផលិតបានហើយតែលក់ចេញបានតម្លៃទាប មិនរួចថ្លៃជី និងកម្លាំងពលកម្ម។ បញ្ហាទីផ្សារនេះ អ្នកសេដ្ឋកិច្ច បានលើកឡើងថា ដោយសារកសិករ ខ្វះខាតចំណេះដឹងក្នុងការធ្វើកសិកម្ម។
លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិតសភាកម្ពុជា បានលើកឡើងថា វិស័យកសិកម្ម ការដាំដុះ មិនមែនមានតែនៅកម្ពុជានោះទេ ប្រទេសថៃ ម៉ាឡេស៊ី ឥណ្ឌូណេស៊ី ក៏មានការដាំដុះដូចគ្នា ដូច្នេះការផ្គត់ផ្គង់មានការកើនឡើង តម្លៃនឹងធ្លាក់ចុះ។
លោកបណ្ឌិត គី សេរីវឌ្ឍន៍ បានគូសបញ្ជាក់ថា« កាលណាយើងដឹងរឿងនេះ យើងដើរបញ្ច្រាសវិញ នោះនឹងមានទីផ្សារ មិនចុះថ្លៃទៀតទេ»។ លោកសង្កត់ធ្ងន់ថា« បើឆ្នាំនឹងឡើងថ្លៃ ឆ្នាំក្រោយ មិនបាច់ដាំទេ ចាំឆ្នាំនឹងចុះថោក ឆ្នាំក្រោយដាំទៅ នឹងឡើងហើយ»។
លោកបណ្ឌិតលើកហេតុផលបែបនេះ ចង់សំដៅទៅលើទីផ្សារដំឡូងមី ដែលកសិករតែងតែរងគ្រោះ ដោយសារខ្វះទីផ្សារនៅពេលប្រមូលផល។
វិស័យកសិកម្មកម្ពុជា ពឹងទៅលើការលក់វត្ថុធាតុដើម ពុំសូវមានការកែច្នៃស្របតាមស្តង់ដារ ដែលហេតុនេះហើយ ធ្វើឱ្យទីផ្សារកសិកផលរបស់កសិករ ប្រមូលបានតែងតែកកស្ទះ នាំឱ្យតម្លៃចុះថោក ដោយឈ្មួញទម្លាក់ថ្លៃតាមអំពើចិត្ត។
បញ្ហានេះ អ្នកជំនាញសេដ្ឋកិច្ចមើលឃើញថា កត្តាទី១ នៅកម្ពុជា មានអ្នកកែច្នៃច្រើនដែរ តែកែច្នៃមិនបាន ពោលគឺបញ្ហាបច្ចេកទេសមិនត្រូវស្តង់ដារ, កត្តាទី២ ការលើកលែងពន្ធរបស់វិស័យ SME ៣ឆ្នាំឬ៥ឆ្នាំ រាជរដ្ឋាភិបាល បានប្រកាសជូន ដោយលើកទឹកចិត្តអ្នកកែច្នៃ ប៉ុន្តែពួកគាត់មិនបានយល់ដឹងអំពីការស្នើពន្ធ ស្របពេលដែលមន្រ្តីប្រមូលពន្ធថ្នាក់ក្រោម មិនបានបញ្ជ្រាបចំណេះដឹងនេះទៅដល់វិស័យ SME។
លោកបណ្ឌិត គី សេរីវឌ្ឍន៍ បានលើកឡើងថា បញ្ហាទាំងអស់នេះហើយ ដែលធ្វើឱ្យមានការរារែក និងមិនអាចជួយគាំទ្រទីផ្សាររបស់កសិករបានល្អ។
លោក ឌិត ទីណា រដ្ឋមន្រ្តីក្រសួងកសិកម្ម បានលើកឡើងថា ដំណោះស្រាយចំពោះវិស័យកសិកម្ម គឺទាមទារឱ្យសម្លឹងមើលទាំងមូល និងឱ្យបានគ្រប់ជ្រុងជ្រោយ មិនមែនមើលត្រឹមតែផ្នែកណាមួយនោះទេ។ ចំពោះដំណោះស្រាយទៀតសោត គឺត្រូវតែជាដំណោះស្រាយដែលមានការចូលរួមពីគ្រប់ភាគីពាក់ព័ន្ធ។
លោកសង្កត់ធ្ងន់ថា នេះគឺជាការងារលំបាក និងត្រូវប្រើពេលយូរ ប៉ុន្តែជាការងារដែលចាំបាច់ត្រូវតែធ្វើ ហើយអ្នកចាប់ផ្តើមមុនគេ នឹងទទួលបានផលមុនគេដែរ។
ក្រសួងកសិកម្មកំពុងតែបំពេញការងារ និងបន្តការងាររបស់ខ្លួនប្រកបដោយការទទួលខុសត្រូវខ្ពស់ និងសូមលើកទឹកចិត្តដល់អ្នកពាក់ព័ន្ធទាំងអស់ក្នុងវិស័យកសិកម្មដំណាំស្រូវ ត្រៀមខ្លួនចូលរួមអនុវត្តការងារក្នុងទម្រង់ថ្មីដែលនឹងផ្តល់ផលប្រយោជន៍រួមដល់យើងទាំងអស់គ្នា។ នេះជាការបន្ថែមរបស់លោករដ្ឋមន្រ្តីក្រសួងកសិកម្ម៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore