ព័ត៌មានជាតិ
ដើមឆ្នាំនេះ កម្ពុជានឹងបញ្ជូនទ័ពមួកខៀវជាង៤០០នាក់ទៅចូលរួមបំពេញបេសកកម្មនៅUN
នៅដើមឆ្នាំ២០២២នេះកម្ពុជានឹងបញ្ជូនកងទ័ពមួកខៀវ ប្រមាណជាង៤០០នាក់ទៅចូលរួមបំពេញបេសកកម្មអង្គការសហប្រជាជាតិនៅលីបង់និងអាហ្វ្រិកកណ្តាល។
ថ្លែងក្នុងពិធីសំណេះសំណាល ជាមួយកម្លាំងទ័ពមួកខៀវ ត្រូវចេញទៅបេសកកម្មអង្គការសហប្រជាជាតិនៅថ្ងៃទី៦ ខែមករានេះនាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាពបានមានប្រសាសន៍ថានៅចុងខែមករា និងពាក់កណ្តាលខែកុម្ភៈ ឆ្នាំ២០២២ ខាងមុខនេះកម្ពុជានឹងបញ្ជូនកងទ័ពមួកខៀវ ទៅចូលរួមបំពេញបេសកកម្មអង្គការសហប្រជាជាតិ នៅសាធារណរដ្ឋលីបង់ចំនួន ១៨៤នាក់ ជាកម្លាំងវិស្វកម្មពហុជំនាញ និងទៅសាធារណរដ្ឋអាហ្វ្រិកកណ្តាល ចំនួន២១៩ ជាកម្លាំងវិស្វកម្មនិងកងកំទេចគ្រឿងផ្ទុះ ដើម្បីប្តូរវេនកម្លាំងចាស់ដែលត្រូវបញ្ចប់បេសកកម្មរយៈពេល១ឆ្នាំ។
នាយឧត្តមសេនីយ៍ សែម សុវណ្ណនីបានបញ្ជាក់ថា រយៈពេល១៦ឆ្នាំនេះ គិតចាប់ពីឆ្នាំ២០០៦ រហូតមកដល់បច្ចុប្បន្ន មជ្ឈមណ្ឌលជាតិបានបញ្ជូនកងកម្លាំងសរុបចំនួន ៧៨៩៩នាក់ ក្នុងនោះមាននារីចំនួន៥២៨នាក់ ទៅកាន់បេសកកម្មចំនួន១១ ក្នុងប្រទេសចំនួន៩មានជាអាទិ៍ ស៊ូដង់ ឆាដ ស៊ូដង់ខាងត្បូង លីបង់ សាយប្រឺស ស៊ីរី ម៉ាលី អាហ្វ្រិកកណ្តាល និងយេមែន ដោយទទួលបានស្នាដៃដ៏ត្រចះត្រចង់។
លោក ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិ និងជាប្រធានគណៈកម្មាធិការជាតិសម្របសម្រួលនៃការបញ្ជូនកងកម្លាំងរក្សាសន្តិភាព បានថ្លែងថា កម្លាំងមួកខៀវកម្ពុជា ដែលត្រៀមចេញទៅបេសកកម្មនេះ គឺជាការឆ្លើយតបទៅនឹងការប្តេជ្ញាចិត្តបង្កើនការចូលរួមទាំងបរិមាណ និងគុណភាព របស់ប្រមុខរាជរដ្ឋាភិបាល ហើយកម្លាំងទាំងនេះ បាននឹងកំពុងទទួលការហ្វឹកហ្វឺនស្របតាមការកែទម្រង់ថ្មីរបស់ អ.ស.ប. តាមរយៈសកម្មភាពដើម្បីសន្តិភាពបូក និងស្របទៅនឹងការរស់នៅជាមួយកូវីដ-១៩ តាមគន្លងប្រក្រតីភាពថ្មី៕
ដោយ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត