ព័ត៌មានជាតិ
ទេសរដ្ឋមន្ត្រី ៖ សន្តិភាពធ្វើឲ្យពលរដ្ឋមានជីវភាពធូរធា ប្រទេសមានការអភិវឌ្ឍន៍រីកចម្រើនលើគ្រប់វិស័យ
កែប ៖ ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើងថា ចាប់តាំងពីកម្ពុជាមានសន្តិភាពពេញបរិបូរណ៍នៅឆ្នាំ ១៩៩៨ មក ប្រជាជនមានជីវភាពកាន់តែប្រសើរ ផលិតផលសរុបប្រពលរដ្ឋម្នាក់ៗ កើនពី២០០ដុល្លារ ដល់ជិត១៦០០ដុល្លារ ក្នុងមួយឆ្នាំ សុខភាពល្អជាងមុន អាយុអាចរស់បានជាមធ្យមជាង៧០ឆ្នាំ ហើយប្រទេសជាតិមានការអភិវឌ្ឍន៍លើគ្រប់វិស័យ។
ថ្លែងក្នុងពិធីសម្ពោធបើកឲ្យប្រើប្រាស់ជាផ្លូវការ កំពង់ផែកែប កោះទន្សាយ ស្ថិតនៅក្នុងសង្កាត់កែប ក្រុងកែប នៅថ្ងៃទី១៩ ខែកមរា ឆ្នាំ២០២២នេះ ឯកឧត្តមស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូនបានលើកឡើងថា សន្តិភាពដែលសម្តេចអគ្គសេនាបតីតេជោ ហ៊ុន សែន យកមកឲ្យប្រជាពលរដ្ឋ និងប្រទេសជាតិយើងនេះ មានតម្លៃមិនអាចកាត់ថ្លៃបានទេ ព្រោះសន្តិភាពបានផ្តល់ឱកាសឲ្យរាជរដ្ឋាភិបាលកសាងសមិទ្ធផលជាច្រើន ប្រទេសអភិវឌ្ឍលើគ្រប់វិស័យ បង្កើនឱកាសការងារ កាត់បន្ថយភាពក្រីក្រប្រជាពលរដ្ឋ។
ឯកឧត្តមទេសរដ្ឋមន្ត្រីបានបញ្ជាក់ថា ចាប់ទាំងពីមានសន្តិភាពពេញបរិបូរណ៍នៅឆ្នាំ១៩៩៨ មក ប្រជាពលរដ្ឋ និងប្រទេសជាតិចាប់ផ្តើមប្រែមុខមាត់យ៉ាងឆាប់រហ័ស។ ប្រជាពលរដ្ឋមានប្រាក់ចំណូលកើនឡើងជាបន្តបន្ទាប់ សុខភាពក៏កាន់តែល្អ ហើយរស់នៅប្រកបដោយសេចក្តីថ្លៃថ្នូរ មានសេរីភាពពេញលេញ។
ឯកឧត្តមទេសរដ្ឋមន្ត្រីក៏បានបញ្ជាក់បន្ថែមថា ទោះស្ថិតក្នុងអន្តរកាលនៃវិបត្តិកូវីដ-១៩ ក្រៅពីវិស័យទេសចរណ៍ វិស័យផ្សេងៗនៅតែបន្តដំណើរការអភិវឌ្ឍន៍ ពិសេសក្រសួងសាធារណការ និងដឹកជញ្ជូន បាននឹងកំពុងបើកការដ្ឋានសាងសង់ ពង្រីក បង្កើនគុណភាព ហេដ្ឋារចនាសម្ព័ន្ធផ្លូវថ្លល់ជាច្រើនខ្សែនៅទូទាំងប្រទេស ផ្លូវដែក ស្ពាន ព្រលានយន្តហោះ៣កន្លែង ហើយបាននឹងកំពុងដាក់សម្ពោធឲ្យប្រើប្រាស់នូវសមិទ្ធផលទាំងនោះជាបណ្តើរៗផងដែរ។
ឯកឧត្តមសោម ពិសិដ្ឋ អភិបាលខេត្តកែប បានមានប្រសាសន៍ថាកំពង់ផែកោះទន្សាយចំណាយថវិកាសាងសង់ប្រមាណ១,២លានដុល្លារ ។កំពង់ផែទេសចរណ៍កោះទន្សាយមានសារសំខាន់ក្នុងការតភ្ជាប់ទំនាក់ទំនងលើវិស័យទេសចរណ៍រវាងប្រទេសជិតខាង ពិសេសងាយស្រួលដល់ទេសចរណ៍ក្នុងការចូលចតពេលទៅលម្ហែកម្សាន្តនៅលើកោះទន្សាយ និងកោះចំនួន១១កន្លែងផ្សេងទៀត នៃដែនសមុទ្រខេត្តកែប ៕
ដោយ ៖ សេង ណារិទ្ធ
មន្ត្រីកសិកម្ម អំពាវនាវឱ្យកសិករ ចូលរួមជាមួយសហគមន៍កសិកម្មទំនើប ដើម្បីធានាស្ថិរភាពតម្លៃកសិផល
ឃួង ឡាំកូស៊ីន បញ្ជាក់ពីស្ថានភាពរបួសរបស់ខ្លួនក្រោយភ្លាត់សន្លប់នៅសង្វៀនបាយ័ន
Szczęsny ត្រឡប់ពីចូលនិវត្តន៍ បង្ហាញទម្រង់លេងល្អ Barca ត្រៀមបន្តកុងត្រាថ្មី
ណេ តាន់យ៉ាហ៊ូ សន្យាឲ្យមេដឹកនាំហាម៉ាសរួចជីវិតដោយសុវត្ថិភាព ក្រោមលក្ខខណ្ឌនៃការរំសាយអាវុធ
អ្នកនាំពាក្យរង ថា សុខភាពមន្ត្រី ជាកត្តាកំណត់ផលិតភាពការងារ ដែលក្រសួងមហាផ្ទៃតែងយកចិត្តទុកដាក់
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
តួលេខអ្នកស្លាប់នៅមីយ៉ាន់ម៉ា កើនឡើងជិត ៣ ០០០នាក់ហើយ ព្រោះគ្រោះរញ្ជួយដី
ត្រាំ ប្រកាសក្តែងៗថា អាមេរិក នឹងយកបាន Greenland ១០០%
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ