ព័ត៌មានជាតិ
អាជ្ញាធរតម្រូវឲ្យមានធុងសម្រាម តាមគ្រប់អាជីវកម្មលក់ដូរជុំវិញផ្សារធំបាត់ដំបង
ខេត្តបាត់ដំបង÷ អាជ្ញាធរក្រុងបាត់ដំបង បានធ្វើការអំពាវនាវដល់ប្រជាពលរដ្ឋត្រូវចេះរៀបចំសំរាមកាកសំណល់ផ្សេងៗឲ្យមានរបៀប ដើម្បីសោភ័ណភាពក្នុងក្រុងបាត់ដំបងឲ្យសក្តិសមនឹងក្រុង ដែលទើបទទួលពានរង្វាន់ទីក្រុងទេសចរណ៍ស្អាតអាស៊ាន។
រដ្ឋបាលសាលាក្រុងបាត់ដំបង ក៏បានចេញសេចក្តីជូនដំណឹងមួយដល់ប្រជាពលរដ្ឋដែលមានលំនៅដ្ឋានអាជីវកម្មនៅជុំវិញផ្សារធំបាត់ដំបង”ផ្សារណាត់”ឲ្យអនុវត្តតាមសេចក្តីជូនដំណឹងរបស់សាលាក្រុងចាប់ពីថ្ងៃទី ២៥ ខែមករា តទៅ ពាក់ព័ន្ធការរៀបចំគ្រប់គ្រងអនាម័យបរិស្ថានសំណល់រឹង នៅតាមលំនៅឋានអាជីវកម្មជុំវិញផ្សារធំបាត់ដំបង”ផ្សារណាត់”។
បើតាមសេចក្ដីជូនដំណឹងមាន ៣ ចំណុចដែលត្រូវឲ្យម្ចាស់លំនៅឋានអាជីវកម្មនៅជុំវិញផ្សារធំបាត់ដំបង”ផ្សារណាត់”ត្រូវចូលរួមអនុវត្តឲ្យខាងតែបាន បើពុំនោះរដ្ឋបាលក្រុងនឹងធ្វើការផាកពិន័យដោយមិនមានការយោគយល់។
ចំណុចទាំង៣ដែលត្រូវឲ្យម្ចាស់លំនៅឋានអាជីវកម្មជុំវិញផ្សារខាងលើរួមមាន:
១, ត្រូវមានធុងសំរាមនៅគ្រប់លំនៅឋានអាជីវកម្មរស់នៅជុំវិញផ្សារ។
២, ត្រូវវេចខ្ចប់សំរាមក្នុងថង់ឲ្យបានត្រឹមត្រូវ ហើយរក្សាថង់សំរាមនៅក្នុងធុងសំរាមផ្ទាល់ខ្លួន រង់ចាំរថយន្តក្រុមហ៊ុនសុីនទ្រីមកប្រមូលយករាល់ថ្ងៃ ដោយចាប់ពីម៉ោង០៦:០០នាទីព្រឹក ដល់ម៉ោង១២:០០នាទីថ្ងៃត្រង់ និងម៉ោង០៧:០០នាទីយប់។
៣, មិនអនុញ្ញាតឱ្យយកកញ្ចប់សំរាមទៅចោលក្នុងធុងសំរាមរបស់ផ្សារជាដាច់ខាត។
ក្នុងករណីបញ្ចេញកញ្ចប់សំរាមនៅមុខផ្ទះខុសម៉ោងឬយកកញ្ចប់សំរាមទៅចោលក្នុងធុងរបស់ផ្សារ រដ្ឋបាលក្រុងនឹងធ្វើការផាកពិន័យតាមផ្លូវច្បាប់ជាធរមាន ដែលការផាកនេះចាប់ពី១ម៉ឺនរៀលរហូតដល់១០ម៉ឺនរៀល។
មន្ត្រីសាលាក្រុងបានបញ្ជាក់ថា ការអនុវត្តខាងលើនេះក្នុងគោលបំណងជំរុញឲ្យបងប្អូនប្រជាពលរដ្ឋដែលមានអាជីវកម្មរស់នៅជុំវិញផ្សារ ត្រូវចូលរួមថែរក្សាអនាម័យទាំងអស់គ្នាដើម្បីលើកកម្ពស់សោភ័ណភាពក្នុងក្រុង និងបរិស្ថានល្អដើម្បីកុំឲ្យប៉ះពាល់ដល់សុខភាពក្នុងការរស់នៅប្រចាំថ្ងៃជាពិសេសចំពោះសុខភាពកូនចៅតូចៗរបស់បងប្អូន៕
អត្ថបទ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ