ព័ត៌មានជាតិ
អ្នកនាំពាក្យ៖ ព្រះសង្ឃ និងសាសនិកជាង ១៧០០អង្គនាក់ ឆ្លងជំងឺកូវីដ-១៩ និងបាត់បង់ជីវិត ២៣អង្គនាក់
អ្នកនាំពាក្យក្រសួងធម្មការ និងសាសនា បានមានប្រសាសន៍ថា គិតត្រឹមថ្ងៃទី១៥ ខែកម្ភៈឆ្នាំ២០២២ មានព្រះសង្ឃ និងអ្នកកាន់សាសនាផ្សេងៗទៀត នៅក្នុងប្រទេសកម្ពុជាប្រមាណចំនួន ១៧២៧អង្គនាក់ បានឆ្លងជំងឺកូវីដ ១៩ និងបាត់បង់ជីវិតចំនួន ២៣អង្គនាក់។
លោក សេង សុមុនី រដ្ឋលេខាធិការ និងជាអ្នកនាំពាក្យក្រសួងធម្មការ និងសាសនាបានឲ្យដឹងនៅព្រឹកថ្ងៃទី១៦កម្ភៈនេះ ថា ក្នុងចំណោមអ្នកឆ្លង និងស្លាប់នោះ ភាគច្រើនជាព្រះសង្ឃ ក្នុងព្រះពុទ្ធសាសនាមានសរុបចំនួន ១២៥២អង្គ ជាសះស្បើយ ១២៣៤អង្គ និងអនិច្ចធម្ម១៦អង្គ។ ឥស្លាមសាសនាវិញ មានមេដឹកនាំឆ្លងសរុប ៣១៥នាក់ជាសះស្បើយ ៣០៥នាក់និងមរណភាព០៦នាក់ គ្រិស្ទសាសនាមានមេដឹកនាំឆ្លងសរុប ១២២នាក់ ជាសះស្បើយសរុប ១១៦នាក់និង មរណភាព ១នាក់ និងសាសនាមហាយានមានមេដឹកនាំឆ្លងសរុប ៣៨ នាក់ជាសះស្បើយសរុប ៣៨ នាក់និងមិនមានអ្នកស្លាប់ទេ។
លោក សេង សុមុនី បានពន្យល់ថា មូលហេតុដែលបណ្តាលឱ្យព្រះសង្ឃ ឆ្លងជំងឺកូវីដ ១៩គឺដោយសារមានព្រះសង្ឃខ្លះ បានឆ្លងពីក្មេងវត្តចេញទៅធ្វើជាកម្មករនៅខាងក្រៅហើយបានមកចម្លងជំងឺដល់ព្រះសង្ឃ និងព្រះសង្ឃខ្លះទៀតបានឆ្លងជំងឺកូវីដ ១៩ ពេលព្រះអង្គចេញនិមន្តបិណ្ឌបាត្រនៅខាងក្រៅ ដែលករណីទាំងនេះ កើតនៅរាជធានីភ្នំពេញ។ ចំណែកព្រះសង្ឃតាមខេត្តឆ្លងជំងឺកូវីដ១៩វិញ ភាគច្រើនព្រះអង្គបានចូលរួមពិធីបុណ្យទានផ្សេងៗ។
លោក សេង សុមុនី បានអំពាវនាវដល់ព្រះសង្ឃ និងសាសនិកផ្សេងៗទៀត ត្រូវបន្តការប្រុងប្រយ័ត្នខ្ពស់ ចំពោះជំងឺកូវីដ១៩ និងអនុវត្តឱ្យមានខ្ជាប់ខ្ជួននូវវិធានការរបស់ក្រសួងសុខាភិបាល ពិសេសវិធាការ៣កុំនិង៣ការពារ ដើម្បីទប់ស្កាត់ការឆ្លងរីករាលដាលជំងឺកូវីដ១៩ក្នុងវត្តអារាមពិសេសជំងឺអូមីក្រុងដែលកំពុងធ្វើចរាចរណ៍នៅក្នុងប្រទេសកម្ពុជា៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង