ព័ត៌មានជាតិ
គិតត្រឹមឆ្នាំ ២០០០មក កូរ៉េផ្តល់ថវិកាសម្បទានដល់កម្ពុជាសរុបជាង ១ ២០០ លានដុល្លារ
គិតត្រឹមឆ្នាំ ២០០០ មកដល់បច្ចុប្បន្ន ភាគីកូរ៉េ បានផ្តល់ឥណទានសម្បទានមកដល់កម្ពុជា នូវទឹកប្រាក់សរុបប្រមាណជាង ១ ២១១លានដុល្លារ សម្រាប់ហិរញ្ញប្បទានដល់គម្រោង កម្មវិធីអភិវឌ្ឍចំនួន ២៦គម្រោង ដែលសុទ្ធសឹងជាគម្រោងអាទិភាព ស្របតាមយុទ្ធសាស្រ្តអភិវឌ្ឍរបស់កម្ពុជា ចាប់តាំងពីយុទ្ធសាស្រ្តត្រីកោណ រហូតដល់យុទ្ធសាស្រ្តចតុកោណ ដំណាក់កាលទី៤ ដែលបានធ្វើឲ្យសាធារណរដ្ឋកូរ៉េ ក្លាយជាដៃគូអភិវឌ្ឍទ្វេភាគីដ៏សំខាន់លំដាប់ទី៣ ក្នុងការចូលរួមចំណែកជួយគាំទ្រដល់ប្រទេសកម្ពុជា បន្ទាប់ពីចិន និងជប៉ុន។
![](https://www.kampucheathmey.com/wp-content/uploads/2022/03/277005117_350554453783118_914069128496082723_n-1024x576.jpg)
លោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានថ្លែងអរគុណកូរ៉េតាមរយៈលោក KOO Yun Cheol រដ្ឋមន្រ្តីគោលនយោបាយប្រទេសកូរ៉េ ក្នុងជំនួបពិភាក្សាការងារ កាលពីថ្ងៃទី ២៩ ខែ មីនា។
លោករដ្ឋមន្រ្តី បានថ្លែងថា រដ្ឋាភិបាលកូរ៉េ បានផ្តល់ហិរញ្ញប្បទានអភិវឌ្ឍផ្លូវការ ក្នុងការរួមចំណែកដល់សកម្មភាពអភិវឌ្ឍសង្គម សេដ្ឋកិច្ចកម្ពុជា តាមរយៈមូលនិធិសហប្រតិបត្តិការសម្រាប់ការអភិវឌ្ឍសេដ្ឋកិច្ច និងទីភ្នាក់ងារសហប្រតិបត្តិការអន្តរជាតិកូវរ៉េ ជាភ្នាក់អនុវត្ត។
![](https://www.kampucheathmey.com/wp-content/uploads/2022/03/277587873_350554347116462_490678510518162448_n-1024x576.jpg)
លោក អូន ព័ន្ធមុនីរ័ត្ន បានរំលឹកថា ចាប់តាំងពីឆ្នាំ ១៩៩៦ មកដល់បច្ចុប្បន្ន កូរ៉េបានផ្តល់ហិរញ្ញប្បទានឥតសំណងដល់កម្ពុជាប្រមាណជា ៤៣១លានដុល្លារអាមេរិក។
លោករដ្ឋមន្រ្តី ក៏បានថ្លែងអរគុណកូរ៉េ ដែលបានសម្រេចផ្តល់ការសន្យាកញ្ចប់ឥណទានសម្បទានបន្ថែមទៀត តាមរយៈកិច្ចសម្របសម្រួលក្របខណ្ឌថ្មី ដែលមានទឹកប្រាក់ប្រមាណជាង ១ពាន់លានដុល្លារ សម្រាប់ឆ្នាំ ២០២២ ដល់ឆ្នាំ ២០២៦។ កម្ពុជា ក៏មានតម្រូវការវិនិយោគទៅលើវិស័យសំខាន់ៗរួមមាន ហេដ្ឋារចនាសម្ព័ន្ធបៃតង កសិកម្ម និងឧស្សាហកម្មទេសចរណ៍ ដែលជាវិស័យដ៏មានសក្កានុពលក្នុងការជំរុញកំណើនសេដ្ឋកិច្ចកម្ពុជា។ ជាងនេះទៀត ការអភិវឌ្ឍវិស័យភស្តុភារកម្ម និងឌីជីថល ក៏បានក្លាយជាវិស័យអាទិភាពមួយដែលរាជរដ្ឋាភិបាលកម្ពុជា បានយកចិត្តទុកដាក់ផងដែរ។
លោក KOO Yun Cheol បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការសម្រេចបាននូវលទ្ធផលល្អប្រសើរ ក្នុងការប្រយុទ្ធប្រឆាំងជំងឺកូវីដ-19 ជាពិសេសការទប់ស្កាត់ផលប៉ះពាល់អវិជ្ជមានមកលើសកម្មភាពសេដ្ឋកិច្ច ក្នុងរយៈពេលកន្លងមក។ លោក ក៏ជូនពរឲ្យកម្ពុជា បំពេញភារកិច្ចជាប្រធានអាស៊ានឆ្នាំ ២០២២ ប្រកបដោយជោគជ័យ និងដឹកនាំអាស៊ានឆ្ពោះទៅរកសុខសន្តិភាព៕
អត្ថបទ៖ ទួន សុផល
![](https://www.kampucheathmey.com/wp-content/uploads/2022/03/277666066_350554377116459_3628527848527255478_n-1024x576.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ