Connect with us

ព័ត៌មានជាតិ

ផ្ទះសំណាក់ សណ្ឋាគារ និងបឹងហ្គាឡូនៅខេត្តកំពត និងកែប ត្រូវបានកក់អស់ប្រមាណ ៨០ភាគរយហើយ

បានផុស

នៅ

ខណៈដែលពិធីបុណ្យចូលឆ្នាំថ្មី ប្រពៃណីជាតិខ្មែរ កាន់តែខិតជិតមកដល់នោះ សេវាកម្មស្នាក់នៅក្នុងខេត្តកំពត និងខេត្តកែប បើគិតត្រឹមថ្ងៃទី ៨ ខែមេសា ឆ្នាំ ២០២២នេះ ត្រូវបានភ្ញៀវទេសចរកក់សម្រាប់ស្នាក់នៅប្រមាណ ៨០ភាគរហើយ។

ប្រធានមន្ទីរទេសចរណ៍ខេត្តកំពត លោក សយ ស៊ីណុល បានប្រាប់ឲ្យដឹងថា សេវាស្នាក់នៅខេត្តកំពត ដូចជា៖ សណ្ឋាគារ ផ្ទះសំណាក់ បឹងហ្គាឡូ រហូតដល់ពេលនេះ ត្រូវបានភ្ញៀវទេសចរកក់ស្ទើរពេញអស់ទៅហើយ សម្រាប់ឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលនឹងប្រព្រឹត្តទៅចាប់ពីថ្ងៃទី ១៤ ដល់ថ្ងៃទី ១៦ ខែមេសា ឆ្នាំ ២០២២ខាងមុខនេះ។

លោកប្រធានមន្ទីរ បានបន្តថា ដោយឡែកសម្រាប់នៅតាមតំបន់រមណីយដ្ឋាននានានៅក្នុងខេត្ត ក៏បានត្រៀមលក្ខណៈរួចរាល់ជាប្រចាំ សម្រាប់ទទួលភ្ញៀវទេសចរជាតិ និងអន្តរជាតិ ហើយមន្ត្រីជំនាញរបស់មន្ទីរទេសចរណ៍ខេត្ត ក៏តែងតែងចុះទៅណែនាំអប់រំបន្ថែមជាញឹកញាប់ អំពីការអនុវត្តវិធានសុវត្តិភាពទេសចរណ៍សេស. អូ .ភី (SOP) ហើយកន្លងមកឃើញថា ការអនុវត្តបានល្អប្រសើរ មិនមានបញ្ហាណាមួយកើតឡើងនោះទេ។ ចំណែកអ្នកទេសចរ ក៏មានការចូលរួមអនុវត្តវិធានការពារខ្លួន បានល្អដែរ។

លោកបានបញ្ជាក់ផងដែរថា តំបន់ទេសចរណ៍នៅខេត្តកំពត មានការអភិវឌ្ឍន៍ទៅមុខជាដ៏រាប ជាពិសេសរយៈពេលចុងក្រោយ សេវាស្នាក់នៅមានលក្ខណៈសំបូរបែប និងប្រកួតប្រជែងគ្នាខ្លាំង ទាំងសេវាកម្មល្អ អនាម័យស្អាត បរិស្ថានបៃតង់ ការតប់តែងលម្អបែបអេកូទេសចរណ៍ជាដើម ដែលភ្ញៀវអាចសម្រាក និងកម្សាន្តបានតែម្តង។ ចំពោះតម្លៃសេវាស្នាក់នៅ ក៏ដូចជាសេវាចំណីអាហារ ពុំមានការដំឡើងថ្លៃហួសហេតុនោះទេ។

ម្ចាស់រមណីយដ្ឋាន ដូងទេ លោក រតនា បានឲ្យដឹងដែរថា សម្រាប់ពិធីបុណ្យចូលឆ្នាំខ្មែរ ចាប់ពីថ្ងៃទី១៤ ខែមេសា ឆ្នាំ ២០២២ខាងមុននេះ ភ្ញៀវបានកក់កន្លែងស្នាក់នៅប្រមាណ ៨០ភាគរយហើយ។ រី​ឯខ្ចូសអង្គុយលេង ក៏មានការកក់ទុកផងដែរ ព្រោះកន្លែងលោកនឹងមានការរៀបចំកម្មវិធីជាច្រើន ដូចជា៖ ការប្រគំតន្ត្រី ការរាំលេងកម្សាន្ត ការចាប់កាដូយករង្វាន់ និងការបាញ់កាំជ្រូចជាដើម។

បើតាមការលើកឡើងពីលោក សោម ចិន្តា ប្រធានមន្ទីរទេសចរណ៍ខេត្តកែប ក៏បានបញ្ជាក់ដែរថា រហូតមកដល់ថ្ងៃទី ៨ ខែមេសា ឆ្នាំ ២០២២នេះ មានអ្នកទេសចរមកកក់កន្លែងស្នាក់នៅជាង៨០ភាគរយហើយ។ ឯតម្លៃពុំមានការឡើងថ្លៃលើសពីគោលការកំណត់ នោះឡើយ៕

អត្ថបទ៖ សេង ណារិទ្ធ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៦ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៧ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម