ព័ត៌មានជាតិ
អាជ្ញាធរស្ទឹងត្រែងណែនាំឱ្យម្ចាស់រមណីយដ្ឋានតាមដងទន្លេសេសានបោះបង្គោលដាក់ពោងជាសញ្ញាការពារសុវត្ថិភាពភ្ញៀវទេសចរចុះលេងទឹក
មន្ទីរទេសចរណ៍ខេត្តស្ទឹងត្រែងបានចុះពង្រឹងគុណភាពវិស័យទេសចរណ៍នៅថ្ងៃមុនបុណ្យចូលឆ្នាំប្រពៃណីជាតិខ្មែរនឹងឈានចូលមកដល់នៅពីថ្ងៃខាងមុខនិងបានណែនាំដល់ម្ចាស់រមណីយដ្ឋានទេសចរណ៍ ដែលបានបង្កើតឡើងនៅតាមដងទន្លេសេសានឲ្យរៀបចំប្រពន្ធ័ការពារសុវត្ថិភាព ដាក់ជាសញ្ញា បង្ហាញភ្ញៀវទេសចរ ឲ្យប្រុងប្រយ័ត្ន ដើម្បីបញ្ចៀសនូវឧបទ្ទវហេតុណាមួយដែលបណ្តាលមកពីការធ្វេសប្រហែស។
លោក អ៊ន់ ប៉ោសឿនប្រធានមន្ទីរទេសចរណ៍ខេត្តបានបញ្ជាក់ថា៖ ស្ទើជារៀងរាល់ឆ្នាំទៅហើយ ភ្ញៀវមកលេងទឹកគ្រោះថ្នាក់លង់ទឹកស្លាប់ បង្កឱ្យភ្ញៀវមានវិប្បដិសារីកើតឡើង ដូចនេះសូមឱ្យម្ចាស់រមណីយដ្ឋានរៀបចំឱ្យមានប្រព័ន្ធសុវត្ថិភាពដើម្បីបានជួយលើកកំពស់ដល់វិស័យទេសចរណ៏នៅក្នុងខេត្ត ហើយនៅពេលភ្ញៀវចុះលេងទឹក នៅតាមទីកន្លែងនិមួយៗ មានសុវត្ថិភាពល្អ។
លោកប្រធានមន្ទីរបន្តថា៖ ដើម្បីបញ្ចៀសករណីនេះម្ចាស់រមណីយដ្ឋាន ត្រូវរៀបចំតូបអង្គុយកម្សាន្តរឹងមាំ មានឧបករណ៍ជិះលើទឹក ម្ហូបអាហារមានអនាម័យតម្លៃសមរម្យ កន្លែងលេងកំសាន្តក្នុងទឹក ត្រូវបោះបង្គោលដាក់ពោងជាសញ្ញា ការពារសុវត្ថិភាព។
លោក ហ៊ីង ពុទ្ធារ៉ា ម្ចាស់រមណីយដ្ឋានសម្រស់សេសាន បានទទួលយកការដាស់តឿននេះ ព្រោះកន្លងមកនៅធ្លាប់មានគ្រោះថ្នាក់លង់ទឹកនេះមែន ដូចជាភ្ញៀវមកពីឃុំអូរគ្រៀងខេត្តក្រចេះកាលពីឆ្នាំ២០២១ ស្លាប់ម្នាក់និងជួយសង្គ្រោះបានម្នាក់។
លោកថា៖ នេះជាបទពិសោធន៍បានធ្វើឱ្យម្ចាស់រមណីយដ្ឋានកាន់តែមានការប្រុងប្រយ័ត្ន ដើម្បីការពារសុវត្ថិភាពជូនភ្ញៀវឲ្យដូចដែលមន្ទីរទេសចរណ៍ចង់បាន ហើយនៅឆ្នាំ២០២២នេះម្ចាស់រមណីយដ្ឋានបានរៀបកន្លែងអង្គុយកម្សាន្តមានភាពរឹងមាំ ហើយទីតាំងលេងទឹកមានបោះបង្គោល និងដាក់ស្លាកសញ្ញា ហាមចេញក្រៅរង្វង់ខ្សែបន្ថែមទៀត។
សូមបញ្ជាក់ថា៖ខេត្តស្ទឹងត្រែង ឆ្នាំនេះ មានរមណីយដ្ឋានទេសចរណ៍ចំនួន ៣ កន្លែង នៅតាមដងទន្លេសេសាន ដូចជារមណីយដ្ឋាន ទឹកជួរចាប សម្រស់សេសាន និងកោះខ្សាច់សេកុង ដែលភ្ញៀវទេសចរពេញនិយមមកលេងកម្សាន្ត៕
អត្ថបទ៖ ងិនលីម
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល