ព័ត៌មានជាតិ

លោកស្រី បាន ស្រីមុំ ផ្តល់ទឹកស្អាត ដល់កងទ័ពឈរជើងលើភ្នំកំពូលបី

បានផុស

៤ years មុន

នៅ

ថ្ងៃអាទិត្យ ២០ ធ្នូ ២០២០

ដោយ

នៅថ្ងៃទី១៩ ខែធ្នូ ឆ្នាំ២០២០ លោក សៀ សុខុម អនុប្រធានសហភាពសហព័ន្ធយុវជនកម្ពុជា ខេត្តប៉ៃលិន បានដឹកនាំក្រុមការងារស.ស.យ.កខេត្ត នាំនូវទឹកស្អាតចំនួន៣រថយន្ត ជាអំណោយរបស់លោកស្រី បាន ស្រីមុំ ប្រធានស.ស.យ.កខេត្ត ទៅចែកជូនកងទ័ព ក្នុងកងពល៥២ ឈរជើងលើភ្នំកំពូលបី ស្ថិតក្នុងភូមិអូរអិល ឃុំស្ទឹងកាច់ ស្រុកសាលាក្រៅ ដែលកំពុងជួបការខ្វះខាតទឹកប្រើប្រាស់ក្នុងអង្គភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សៀ សុខុម អនុប្រធានស.ស.យ.ក ខេត្តប៉ៃលិន បានពាំនាំនូវការផ្តាំផ្ញើរ សួរសុខទុក ពីសំណាក់លោកស្រី បាន ស្រីមុំ ប្រធាន ស.ស.យ.ក ខេត្ត ដោយលោកស្រី តែងយកចិត្តទុកដាក់គិតគូរខ្ពស់ចំពោះកងទ័ព ហើយមានតែកងទ័ពនេះទេ ដែលហ៊ានលះបង់នូវសាច់ស្រស់ ឈាមស្រស់ ដើម្បីការពារជាតិ សាសនាព្រះមហាក្សត្រ និងប្រជាជនយើងផងដែរ។

លោកអនុប្រធាន ស.ស.យ.ក ខេត្ត បានបន្តថា៖ ទោះបីជាទឹកដែលយកមកផ្តល់នាពេលនេះ មានភាពតិចតួចក្តី ប៉ុន្តែវាអាចដោះស្រាយបញ្ហា ក្នុងអង្គភាពបានមួយគ្រាដែរ។ លោកក៍បានបញ្ជាក់ដែរថា៖ ការផ្តល់ជូនទឹកដល់អង្គភាពនាពេលនេះ ដោយសារមានការស្នើរសុំពីអង្គភាព និងបញ្ហាជាក់ស្តែង គឺតំបន់នេះ ជាដីភ្នំ ចំណែកអណ្តូងទឹកស្នប់មានជាតិកំបោរច្រើន និងបរិមាណទឹកតិចតួច ដោយប្រើប្រាស់មិនគ្រប់គ្រាន់ទេ។

នៅក្នុងការទទួលបានទឹកស្អាតចំនួន៣រថយន្តនេះដែរ តំណាងនាយទាហានកងពល៥២ បានថ្លែងអំណរគុណដល់លោកស្រី បាន ស្រីមុំ ប្រធាន ស.ស.យ.ក ខេត្ត ដែលជានិច្ចជាកាលតែងតែជួយដោះស្រាយនូវទុក្ខលំបាកនានា ដល់កងទ័ព និងប្រជាពលរដ្ឋ ៕

អត្ថបទ ៖ សេង សុវណ្ណារិទ្ធ