​អាជ្ញាធរ​ខេត្ត​បន្ទាយមានជ័យ​ចុះធ្វើឯកសារ​កាត់ឆ្វៀលដី​តំបន់បឹងទន្លេសាប​ជូនពលរដ្ឋ​

រដ្ឋបាលខេត្តបន្ទាយមានជ័យ​ នៅថ្ងៃទី ៣១ ​ខែឧសភា ២០២២ ​បានប្រជុំគ្នាធ្វើការ​កំណត់អត្ត​សញ្ញាណ​ឯកសារពាក់ព័ន្ធពលរដ្ឋ​ដែលត្រូវកាត់ឆ្វៀលដី​ចេញពីតំបន់បឹងទន្លេសាប ជូនប្រជាពលរដ្ឋ​តាមអនុសាសន៍របស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា។​

​លោក អ៊ុំ រាត្រី អភិបាលខេត្តបន្ទាយមានជ័យ​ មានប្រសាសន៍ថា ​ការចុះជួបសំណេះសំណាល និង ប្រជុំពិភាក្សា ​លើការកំណត់អត្តសញ្ញាណឯកសារ​ពាក់ព័ន្ធជាមួយ​ប្រជាពលរដ្ឋ​រស់នៅភូមិមួយចំនួន នៅស្រុកព្រះនេត្រព្រះ ដើម្បីកំណត់អត្តសញ្ញាណជូនពលរដ្ឋ ដើម្បីកំណត់ផែនទីគោល​កែសម្រួល​ផ្ទៃដីជូនពួកគាត់។

លោក អ៊ុំ រាត្រីបានបញ្ជាក់ឲ្យដឹងបន្តទៀតថា សម្រាប់ប្រជាពលរដ្ឋធ្លាប់បានអាស្រ័យផលជាក់ស្តែង លើដី តំបន់ ៣ មុន ឆ្នាំ២០១២ ត្រូវ ទទួលបានការសន្តោសពីសម្ដេចតេជោ ហ៊ុន សែន ឱ្យកាត់ ឆ្វៀលដីពីតំបន់ ៣ ហើយ ផ្តល់ជូនដើម្បីអាស្រ័យផលបន្តឡើងវិញ៕

អត្ថបទ៖ វ៉ាន់ ណាង