​រដ្ឋបាលខេត្តកណ្តាល ឲ្យ​អាជីវករ​លក់ដូរ តាមសួនច្បារមាត់ទន្លេឡើងវិញ

រដ្ឋបាលខេត្តកណ្តាល ​បានជូនដំណឹងដល់អាជីវករ ដោយអនុញ្ញាត​ឲ្យដំណើរការឡើងវិញ នូវអាជីវកម្មលក់ដូរ តាមសួនច្បារមាត់ទន្លេបាសាក់ និងតាមមាត់ស្ទឹងព្រែកត្នោត ​ក្រុងតាខ្មៅ ប៉ុន្តែត្រូវរក្សាវិធានការរបស់ក្រសួងសុខាភិបាល។

នៅក្នុងសេចក្តីជូនដំណឹងរបស់រដ្ឋបាលខេត្តកណ្តាល បានឲ្យដឹងថា នៅតាមសួនច្បារមាត់ទន្លេបាសាក់ និងតាមមាត់ស្ទឹងព្រែកត្នោត ​ក្រុងតាខ្មៅ ត្រូវបានពិនិត្យឃើញថា ពុំមានការរីករាលដាលជំងឺកូវីដ-១៩ នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែយ៉ាងណាក៏ដោយ រដ្ឋបាលខេត្តកណ្តាល បាណែនាំ៖១ អនុញ្ញាតឱ្យដំណើរការឡើងវិញទីតាំងអាជីវកម្មលក់ដូរ ក្រុងតាខ្មៅ ចាប់ពីថ្ងៃទី១៩ ខែធ្នូ ឆ្នាំ២០២០ នេះតទៅ។២ រដ្ឋបាលក្រុងតាមខ្មៅ រដ្ឋបាលសង្កាត់តាខ្មៅ ត្រូវណែនាំដល់ប្រជាពលរដ្ឋឱ្យលើកកម្ពស់អនាម័យ និងការបង្ការ ដើម្បីការពារការឆ្លងជាយថាហេតុ នូវវីរុសកូវីដ-១៩ ។

សូមបញ្ជាក់ថា នាពេលថ្មីៗកន្លងមកនេះ អាជ្ញាធរខេត្តកណ្ដាលបានផ្អាកសកម្មភាពលក់ដូរ តាមសួនច្បារមាត់ទន្លេបាសាក់ និងតាមមាត់ស្ទឹងព្រែកត្នោត ​ក្រុងតាខ្មៅ ដើម្បីទប់ស្កាត់ការចម្លងវីរុសកូវីដ-១៩ ក្នុងសហគមន៍៕