Connect with us

ព័ត៌មានជាតិ

រដ្ឋមន្ត្រីការបរទេសបង់ក្លាដែស គ្រោងបំពេញទស្សនកិច្ចផ្លូវការនៅកម្ពុជារយៈពេល ៣ ថ្ងៃ

បានផុស

នៅ

​លោក​បណ្ឌិត អេ ខេ អាប់​ឌុល ម៉ូ​មិន (A.K. Abdul Momen) រដ្ឋមន្ត្រីការបរទេសនៃសាធារណរដ្ឋប្រជាមានិតបង់ក្លាដែស នឹងដឹកនាំគណៈប្រតិភូមកបំពេញទស្សនកិច្ចផ្លូវការនៅ​ព្រះរាជាណាចក្រ​កម្ពុជា​រយៈ​ពេល​៣​ថ្ងៃ ដោយ​ចាប់ពី​ថ្ងៃទី​ ១៤ ដល់​ថ្ងៃទី​ ១៦ ខែកក្កដា ឆ្នាំ​ ២០២២ ហើយ​ទស្សនកិច្ច​នេះ​ធ្វើឡើង​តប​តាម​ការអញ្ជើញ​របស់លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស​និង​សហប្រតិបត្តិការ​អន្តរជាតិ​នៃ​ព្រះរាជាណាចក្រ​កម្ពុជា​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​នេះ​បើតាម​សេចក្តីជូនដំណឹង​ពី​ក្រសួងការបរទេស នៅ​ថ្ងៃទី​ ១៣ ខែកក្កដា​។ បើតាម​ក្រសួងការបរទេស ក្នុងឱកាស​នៃ​ទស្សនកិច្ច​នេះ លោក​បណ្ឌិត អេ ខេ អាប់​ឌុល ម៉ូ​មិន នឹង​អញ្ជើញ​ចូលជួប​សម្ដែង​ការគួរសម​ចំពោះ​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ដ្រី​នៃ​ព្រះរាជាណាចក្រ​កម្ពុជា ហើយ​លោក​នឹង​ជួប​ទ្វេភាគី​ជាមួយ​លោក​ឧបនាយករដ្ឋមន្ត្រី ប្រាក់ សុខុន ហើយ​រដ្ឋមន្ត្រីការបរទេស​ទាំងពីរ នឹង​ពិភាក្សា​លើ​ទិដ្ឋភាព​នៃ​ទំនាក់ទំនង និង​កិច្ចសហប្រតិបត្តិការ​ក្នុង​វិស័យ​នានា ក៏ដូចជា​បញ្ហា​តំបន់ និង​អន្តរជាតិ ដែលជា​ផលប្រយោជន៍ និង​ក្តី​បារម្ភ​រួម​ផងដែរ​។​

​នៅក្នុង​អំឡុងពេល​ស្នាក់នៅ​រាជធានី​ភ្នំពេញ លោក​បណ្ឌិត អេ ខេ អាប់​ឌុល ម៉ូ​មិន នឹង​អញ្ជើញ​ធ្វើ​បាឋកថា​ក្នុង​សិក្ខាសាលា ដែល​រៀបចំ​ដោយ​វិទ្យាស្ថាន​ជាតិ​ការទូត និង​ទំនាក់ទំនង​អន្តរជាតិ នៃ​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា​ផងដែរ​។​

​ក្រសួងការបរទេស និង​សហប្រតិបត្តិការ​អន្តរជាតិ​កម្ពុជា​អះអាងថា ដំណើរ​ទស្សនកិច្ច​រប​ស់លោក​បណ្ឌិត អេ ខេ អាប់​ឌុល ម៉ូ​មិន មកកាន់​កម្ពុជា នឹង​បញ្ជាក់​ជាថ្មី​នូវ​ការប្តេជ្ញាចិត្ត​របស់​ប្រទេស​ទាំងពីរ​ក្នុងការ​លើកកម្ពស់​បន្ថែ​ម​ទៀត​នូវ​ទំនាក់ទំនង និង​កិច្ចសហប្រតិបត្តិការ​ដ៏​ល្អ ដែលមាន​ស្រាប់ ដើម្បី​ផលប្រយោជន៍​ទៅវិញទៅមក នៃ​ប្រជាជាតិ​ទាំងពីរ​៕

អត្ថបទ៖ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម