Connect with us

ព័ត៌មានជាតិ

អគ្គនាយករ៉ែ ៖ ៧ខែឆ្នាំនេះ កម្ពុជាចម្រាញ់រ៉ែមាសបានជាង ៣ពាន់៥រយគីឡូក្រាម

បានផុស

នៅ

នៅក្នុងសន្និសីទសារព័ត៌មាន នៅថ្ងៃទី៩ សីហា នៅទីស្តីការគណៈរដ្ឋមន្ត្រី លោក អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ បញ្ជាក់ឲ្យដឹងថា រយៈពេល ៧ខែឆ្នាំនេះ កម្ពុជា ចម្រាញ់រ៉ែមាសបានចំនួន ៣ ៥៤៣គីឡូក្រាម ស្មើ ២៣២ ដុំ ដោយទទួលបានចំណូលសួយសារបង់ចូលរដ្ឋជាង ៥លាន១សែនដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងនឹងអាជីវកម្មរ៉ែមាសនេះ លោក អ៊ឹង ឌីប៉ូឡា លើកឡើងថា មានក្រុមហ៊ុនចំនួន៧ បានទទួលអាជ្ញាប័ណ្ណអាជីវកម្ម ដើម្បីផលិតរ៉ែមាស។ ប៉ុន្តែ លោកបញ្ជាក់ថា មានតែក្រុមហ៊ុន Renaissance Minerals (Cambodia) របស់មកពីប្រទេសអូស្ត្រាលីមួយប៉ុណ្ណោះ ដែលកំពុងប្រតិបត្តិការផលិតរ៉ែមាស ក្នុងតំបន់អូរខ្វាវ ស្រុកកែវសីម៉ា ខេត្តមណ្ឌលគិរី។ ខណៈក្រុមហ៊ុន ឌែលខម ទើបតែចាប់ផ្តើមដំណើរការសាកល្បងផលិតរ៉ែមាស កាលពីដើមខែសីហានេះ ដែលក្រុមហ៊ុនអាចផលិតមាសបាន ២០គីឡូក្រាម។

លោកបញ្ជាក់បន្ថែមថា នៅក្នុងឆ្នាំដំបូងនៃគម្រោងផែនការអាជីវកម្មរបស់ក្រុមហ៊ុន ឌែលខម ដែលមានទីតាំងនៅក្នុងខេត្តព្រះវិហារ គឺគ្រោងនឹងផលិតមាស ៣៤០គីឡូក្រុមក្នុងមួយឆ្នាំ ហើយអាចប្រមូលសួយសារចូលរដ្ឋប្រហែលជិត ៦០ម៉ឺនដុល្លារក្នុងមួយឆ្នាំ។

ឆ្លើយតបនឹងការរិះគន់ថា មានទីទាំងចម្រាញ់រ៉ែមាសយ៉ាងអនាធិបតេយ្យនៅខេត្តរតនគិរី ត្រូវបានលោក អ៊ឹង ឌីប៉ូឡា អះអាងថា កម្ពុជាមិនទាន់មានអាជីវកម្មរ៉ែមាសជាផ្លូវការនៅក្នុងខេត្តរតនគិរីទេ។ ប៉ុន្តែយ៉ាងណា លោកបញ្ជាក់ឲ្យដឹងដែរថា នៅខេត្តរតនគិរី មានតែក្រុមហ៊ុនដែលទទួលអាជ្ញាប័ណ្ណ ដើម្បីស្វែងរករ៉ែមាស គឺក្នុងនោះមានក្រុមហ៊ុនកាណាដា Angkor Gold និងក្រុមហ៊ុនមកពីប្រទេសចិន៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

កីឡាករ​ព្រះខ័ន​រាជ​ស្វាយរៀង៣​រូប ​មានឈ្មោះ​ក្នុង​បញ្ជី​កីឡាករ ១១​នាក់​ល្អ​ជាងគេ​នៃ​លី​គ​រដូវ​កាល ២០២២

សន្តិសុខសង្គម៤ ម៉ោង មុន

សាលាឧទ្ធរណ៍​តម្កល់​សាលដីកា​ឲ្យ​អតីត​ផ្កាយ​២ សូ​យ ចាន់​សឿន អោយមាន​ទោស​ដដែល

សេដ្ឋកិច្ច៦ ម៉ោង មុន

ធនាគារពិភពលោក៖ វិស័យទេសចរណ៍ និងកិច្ចព្រមព្រៀងពាណិជ្ជកម្មថ្មីៗ ជំរុញកំណើនសេដ្ឋកិច្ចកម្ពុជាងើបឡើងជិត ៥%ឆ្នាំនេះ

ព័ត៌មានជាតិ៦ ម៉ោង មុន

មេបញ្ជាការ តំបន់​ប្រតិបត្តិការ​សឹក​រង​ឧ​ត្ត​រ​មានជ័យ ចាត់តាំង​កម្លាំង​ចុះ​ជួយ​ធ្វើ​ផ្ទះ​ជូន​គ្រួសារ​អតីតយុទ្ធជន

កីឡា៦ ម៉ោង មុន

អបអរសាទរ​ Marcus​ Haber​ ជា​​ម្ចាស់​​ស្បែក​​ជើង​មាស និង​កីឡាករ​ឆ្នើម​​ប្រចាំ​​​លីគ​​កម្ពុជា​​២០២២

Sokha Hotels

ព័ត៌មានពេញនិយម