បិទចរាចររថយន្តធុនធ្ងន់​២ថ្ងៃនៅត្រង់ចំណុច​ស្តុបព្រែកហូរ​កែងនឹង​ផ្លូវជាតិ​លេខ២​ក្រុងតាខ្មៅ

មន្ទីរសាធារណការ ​និងដឹកជញ្ជូនខេត្តកណ្តាល​បានប្រកាសបិទចរាចរ​រថយន្តធុនធ្ងន់​នៅចំណុច​ស្តុបព្រែកហូរ ​ផ្លូវជាតិលេខ២១បេ​ (១១៥) កែងនឹងផ្លូវជាតិលេខ២ ​ស្ថិតក្នុងក្រុងតាខ្មៅ ​ខេត្តកណ្តាល ចាប់ពីម៉ោង ៨ យប់ ដល់ម៉ោង ៥ ទៀបភ្លឺ នៅថ្ងៃទី ២៣-២៤ ខែសីហា ឆ្នាំ២០២២។

យោងតាមសេចក្តីជូនដំណឹងរបស់មន្ទីរសាធារណការនិងដឹកជញ្ជួនខេត្តកណ្តាលចុះថ្ងៃទី២៣សីហានេះបានឱ្យដឹងថា មន្ទីរសាធារណការសូមធ្វើការបិទចរាចររថយន្តធុនធ្ងន់ (រថយន្ត ដឹកដី, ខ្សាច់, ថ្ម និងសម្ភារសំណង់គ្រប់ប្រភេទ) នៅចំណុចស្តុបព្រែកហូរ ផ្លូវជាតិលេខ២១បេ (១១៥ ) កែងនឹងផ្លូវ​ជាតិលេខ២ ស្ថិតក្នុងក្រុងតាខ្មៅ ខេត្តកណ្តាល ចាប់ពីម៉ោង ៨:០០នាទីយប់ ដល់ម៉ោង ៥:០០នាទីទាបថ្មី នៅថ្ងៃទី ២៣-២៤ ខែសីហា ឆ្នាំ២០២២ ដើម្បីធ្វើការជួសជុលផ្លូវ ដោយចាក់អ៊ុតកៅស៊ូ (AC)។

​អាស្រ័យហេតុនេះ សូមបងប្អូនប្រជាពលរដ្ឋទាំងអស់ ព្រមទាំងស្ថាប័នមានសមត្ថកិច្ចពាក់ព័ន្ធ​មេត្តាជ្រាប និងជួយចូលរួមសហការ អនុវត្តតាមខ្លឹមសារសេចក្តីជូនដំណឹង​នេះប្រកបដោយ​ប្រសិទ្ធភាព៕

អត្ថបទ៖ សំអឿន