ព័ត៌មានជាតិ
ពលរដ្ឋ៤គ្រួសារមិនព្រមទទួលសំណងពីអាជ្ញាធរចេញពីគម្រោងអភិវឌ្ឍប្រព័ន្ធធារាសាស្ត្រវ៉ៃគោជំហានទី២
(ស្វាយរៀង): ដោយអនុវត្តតាមសេចក្តីជូនដំណឹងរបស់រដ្ឋបាលខេត្តស្វាយរៀង លេខ ០៥៧/២២ ស.ជ.ណ ចុះថ្ងៃទី០១ ខែកញ្ញា ឆ្នាំ ២០២២ អាជ្ញាធរស្រុកស្វាយជ្រំ និងកម្លាំងសមត្ថកិច្ចចម្រុះ នៅថ្ងៃទី ១២ ខែ កញ្ញា ឆ្នាំ ២០២២ បានចុះអនុវត្តវិធានការរដ្ឋបាល លើការដកហូតដីអាស្រ័យផល ដែលជាដីសាធារណៈរបស់រដ្ឋសម្រាប់គម្រោងអភិវឌ្ឍប្រព័ន្ធធារាសាស្ត្រវ៉ៃគោ ជំហានទី២ ក្នុងផ្ទៃដីអាងទឹកកំពង់ជ្រៃ ឃុំស្វាយធំ ស្រុកស្វាយជ្រំ និងមានព្រំប្រទល់ជាប់ស្រុកកំពង់ត្របែក ខេត្តព្រៃវែង ដើម្បីធ្វើទំនប់អាងទឹកកំពង់ជ្រៃនេះ គោលបំណងរក្សាទឹកទុកសម្រាប់ប្រជាពលរដ្ឋទាញយកផលប្រយោជន៍ក្នុងការងារកសិកម្ម។
តាមការបញ្ជាក់ពីអាជ្ញាធរ បានឱ្យដឹងថា គណៈកម្មការអន្តរក្រសួងមិនអាចផ្ដល់សំណងគោលនយោបាយតាមការទាមទាររបស់ប្រជាពលរដ្ឋចំនួន ៤គ្រួសារ ដែលកំពុងកាន់កាប់ដីសាធារណៈរបស់រដ្ឋ ក្នុងអាងទឹកកំពង់ជ្រៃនោះទេ ហើយគណៈកម្មការអន្តរក្រសួងបានផ្ដល់ប្រាក់គោលនយោបាយលើដីអាស្រ័យផលក្នុងអត្រា ២៤០០ដុល្លា ក្នុងមួយហិកតា ជូនប្រជាពលរដ្ឋដែលរងផលប៉ះពាល់ទាំងអស់ដូចៗគ្នា និងស្មើៗគ្នាស្របតាមគោលនយោបាយអនុម័តរបស់សម្ដេចតេជោ ហ៊ុន សែន ចុះថ្ងៃទី២៤ ខែកក្កដា ឆ្នាំ២០១៩។
បើតាមសេចក្តីជូនដំណឹងរបស់រដ្ឋបាលខេត្តស្វាយរៀង សូមឲ្យប្រជាពលរដ្ឋទាំង ៤គ្រួសារនោះគឺ:
-ទី១ អញ្ជើញទៅទទួលយកសំណង តាមអត្រាកំណត់សម្រាប់ធ្វើការដោះស្រាយផលប៉ះពាល់ឲ្យបានទាន់ពេលវេលា តាមរយៈលោកមេភូមិ និងមេឃុំ។
-ទី២ គណៈកម្មការអន្តរក្រសួង និងធ្វើការដកហូតដីអាស្រ័យផលដែលជាដីសាធារណៈរបស់រដ្ឋ សម្រាប់គម្រោងអភិវឌ្ឍន៍ប្រព័ន្ធធារាសាស្ត្រវ៉ៃគោជំហានទី២
-ទី៣ ក្នុងករណីមិនព្រមអនុវត្តតាមសេចក្តីជូនដំណឹងនេះគណៈកម្មការអន្តរក្រសួង និងអនុវត្តតាមវិធានការច្បាប់ចាប់ពីថ្ងៃទី០៩ ខែកញ្ញា ឆ្នាំ២០២២តទៅ។
-ទី៤ ក្នុងករណីបុគ្គលណាម្នាក់រារាំង ដល់ក្រុមការងារចុះអនុវត្តគម្រោងអភិវឌ្ឍន៍ប្រព័ន្ធធារាសាស្ត្រវ៉ៃគោជំហានទី២ ក្នុងភូមិសាស្ត្រខេត្តស្វាយរៀង កម្លាំងមានសមត្ថកិច្ច នឹងចាត់វិធានការតាមនីតិវិធីច្បាប់។
តាមប្រវត្តិនៃ អាងទឹកកំពង់ជ្រៃនេះ បានសាងសង់ឡើងក្នុងអំឡុងនៃរបបខ្មែរក្រហម។ ហើយបានស្ដារឡើងវិញ ដោយក្រសួងធនធានទឹកនិងឧតុនិយម ក្នុងឆ្នាំ២០០៨ ដើម្បីរក្សាទឹកសម្រាប់ការស្រោចស្របលើផ្ទៃដីប្រមាណ១០៤៨២ហិចតា។ ក្នុងនោះផ្ទៃដីធ្វើស្រែប្រាំង ប្រមាណ៧៨៨ហិចតា និងផ្ទៃដីស្រែវស្សា ប្រមាណ៩៦៩៤ហិចតា និងត្រូវបានប្រជាពលរដ្ឋចាប់ផ្ដើមបង្កបង្កើនផលឡើងវិញរហូតដល់សព្វថ្ងៃនេះ។
ផ្អែកតាមលទ្ធផលការសាងសង់ និងការងារដោះស្រាយផលប៉ះពាល់ ដោយសារអនុម្រោងខាងលើ រហូតដល់បច្ចុប្បន្ននេះ បានអនុគម្រោងចំនួន៥ លើ៦អនុគម្រោងត្រូវបានបញ្ចប់ទាំងស្រុង។ ដោយឡែកចំពោះអនុគម្រោងសាងសង់ទំនប់សណ្ដរ អាងទឹកកំពង់ជ្រៃ នៅសេសសល់ ការងារដោះស្រាយផលប៉ះពាល់ជាមួយប្រជាពលរដ្ឋចំនួន៤គ្រួសារ ក្នុងចំណោម ៤៦៧គ្រួសារ ដែលមិនទាន់ឯកភាពលើអត្រាសំណងគោលនយោបាយ និងបង្កការរាំងស្ទះដល់ការសាងសង់ទំនប់សណ្តរ ប្រវែង១០៣ម៉ែត្រ លើ២២៤០០ម៉ែត្រ៕
ដោយ:ភក្ដី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល