ព័ត៌មានជាតិ
ធនធានជលផលតំបន់ឆ្នេរសមុទ្រ ងាយរងផលប៉ះពាល់ដោយសារការប្រែប្រួលអាកាសធាតុ
អ្នកបច្ចេកទេស និងមន្រ្តីជំនាញ បង្ហាញថា ធនធានជលផលតាមបណ្តោយឆ្នេរសមុទ្រនៅកម្ពុជា ងាយរងផលប៉ះពាល់គួរឲ្យកត់សម្គាល់ ដោយសារតែការបម្រែបម្រួលអាកាសធាតុ ខណៈកំពុងប្រមូលព័ត៌មានដើម្បីដាក់ចេញយន្តការឆ្លើយតបទាន់ពេលវេលា។
ពីមួយឆ្នាំទៅមួយឆ្នាំ ការរស់នៅរបស់ពលរដ្ឋ និងហេដ្ឋារចនាសម្ព័ន្ធបម្រើដល់វិស័យជលផល រមែងជួបការគំរាមកំហែង ព្រោះតែកត្តាគ្រោះមហន្តរាយធម្មជាតិ បណ្តាលមកពីអាកាសធាតុប្រែប្រួលជាបន្តបន្ទាប់។ នេះបើតាមការសិក្សាស្រាវជ្រាវ របស់ក្រុមអ្នកបច្ចេកទេសខាងផ្នែកបម្រែបម្រួលអាកាសធាតុរបស់ធនាគារអភិវឌ្ឍន៍អាស៊ី។
លោក Steven Goldfinch មន្រ្តីជំនាញខាងបម្រែបម្រួលអាកាសធាតុរបស់ធនាគារអភិវឌ្ឍន៍អាស៊ី បានឲ្យដឹងនៅថ្ងៃទី ៣ ខែវិច្ឆិកានេះថា ការបាត់បង់ និងរងរបួសអាយុជីវិតមនុស្សសត្វ ព្រមទាំងខូចខាតសម្ភារៈទូក សំណង់ផែស្តុកទុកទិន្នផលសមុទ្រ ក៏ត្រូវបានបាក់បែកជួសជុលស្តារឡើងវិញ។
លោក Steven ក៏បានពន្យល់ទៀតថា បញ្ហាប្រឈមទាំងនេះហើយដែលលោក និងក្រុមមន្រ្តីជំនាញពាក់ព័ន្ធជុំវិញខេត្តកោះកុង នាំគ្នាពិនិត្យសិក្សា និងប្រមូលព័ត៌មានឲ្យបានកាន់តែច្រើន ដើម្បីរៀបចំជាយន្តការសេចក្តីណែនាំ ពីហេដ្ឋារចនាសម្ព័ន្ធនេសាទធន់នឹងគ្រោះមហន្តរាយ ដោយវាអាចកើតមានគ្រប់ពេលវេលា។ នៅពេលយើងទប់ស្កាត់ និងឆ្លើយតបបានទាន់ពេលវេលា វាអាចជួយកាត់បន្ថយអត្រាគ្រោះថ្នាក់បានច្រើន។
ក្រោយប្រមូលបានប័ត៌មានលម្អិតហើយនោះ គឺ ADB និងគាំទ្របន្តជាមួយរដ្ឋបាលជលផលកាន់តែជិតស្និតបន្ថែម ក្នុងន័យអភិរក្ស និងកសាងកំពង់ផែរក្សាបានកន្លែងស្តុបទុកនូវទិន្នផលជលផលប្រកបដោយនិរន្តរភាពទៅអនាគត។
លោក ខូវ គួង អនុប្រធានរដ្ឋបាលជលផល លើកឡើងក្នុងសិក្ខាសាលាណែនាំ ស្តីពី ហេដ្ឋារចនាសម្ព័ន្ធនេសាទដែលធន់នឹងគ្រោះមហន្តរាយថា សកម្មភាពដែលគ្រប់គ្នាកំពុងគិតគូរយកចិត្តទុកដាក់នៅពេលនេះ សបញ្ជាក់ពីការព្រួយបារម្ភ និងពង្រឹងចំណេះដឹងបច្ចេកទេសលើវិស័យជលផល ដើម្បីឆ្លើយតបដោះស្រាយមកវិញប្រកបដោយប្រសិទ្ធិភាព និងនិរន្តរភាព។
បើតាមលោក ខូវ គួង គ្រាមានសេចក្តីណែនាំ ស្តីពី ហេដ្ឋារចនាសម្ព័ន្ធធន់នឹងគ្រោះមហន្តរាយនៅកម្ពុជា វាជាពុទ្ធិមួយជួយដល់សារត្មីដល់អ្នកពាក់ព័ន្ធលើការកំណត់វិនិយោគ កែលម្អអភិវឌ្ឍន៍ធនធានជលផលតាមតំបន់ឆ្នេរសមុទ្រ និងសកម្មភាពប្រតិបត្តិការចំគោលដៅយូរអង្វែង។
ដោយឡែកចំពោះខេត្តកោះកុង ទាំងក្រុមមន្រ្តីជំនាញបច្ចេកទេសបរទេស និងមន្រ្តីជំនាញនៅកម្ពុជាបានមើលឃើញថា ហេដ្ឋារចនាសម្ព័ន្ធបម្រើដល់វិស័យជលផលនៅមានកម្រិត ដែលទាមទារឲ្យមានផ្សព្វផ្សាយ និងយល់ដឹងខ្ពស់ពីភាពធន់នឹងអាកាសធាតុ។
យោងតាមការសិក្សាស្រាវជ្រាវ របស់ក្រុមអ្នកជំនាញផ្នែកជលផលអន្តរជាតិ បង្ហាញថា ផលប៉ះពាល់នៃការប្រែប្រួលអាកាសធាតុនៅតាមបណ្តោយឆ្នេរ រួមមាន៖ ខេត្តកោះកុង ដែលជាខេត្តនៅតាមបណ្តោយឆ្នេរសមុទ្រមួយ កំពុងប្រឈមនឹងការកើនឡើងនៃកម្ពស់ទឹកសមុទ្រ បង្កឡើងដោយការប្រែប្រួលអាកាសធាតុ ដែលធ្វើឲ្យតំបន់មួយនេះក្លាយជាតំបន់ងាយរងផលប៉ះពាល់ខ្លាំង។
រីឯតំបន់ឆ្នេរខេត្តព្រះសីហនុ កំពុងប្រឈមមុខខ្ពស់ទៅនឹងបាក់ដីហើយគេរំពឹងថា ខេត្តនេះ រឹងតែប្រឈមនឹងហានិភ័យខ្ពស់ទៅទៀតចាប់ពីឆ្នាំ ២០២៥តទៅ។ ក្រៅពីនេះ ខ្យល់ដែលមានល្បឿនលឿនធ្វើឲ្យមានរលកបោកបក់ មកលើហេដ្ឋារចនាសម្ព័ន្ធនេសាទតាមតំបន់ឆ្នេរកាន់តែខ្លាំង ហើយធ្វើឲ្យសំណង់ទាំងអស់នោះ កាន់តែទ្រុឌទ្រោម។
លោកស្រី អ៊ី នារីនេត អភិបាលរងខេត្តកោះកុង លើកឡើងថា ធនធានជលផលសមុទ្រលើពិភពលោក និងនៅកម្ពុជា ប្រឈមនឹងការគំរាមកំហែងផ្នែកប្រព័ន្ធអេកូឡូស៊ី ដោយសារតែការប្រែប្រួលអាកាសធាតុ រួមមាន៖ ការកើនឡើងកម្ពស់ទឹកសមុទ្រ ខ្យល់ព្យុះកំបុតត្បូង និងព្រឹត្តការណ៍គ្រោះមហន្តរាយនានា។
លោកស្រីអភិបាលរងខេត្ត ជឿជាក់ថា រាល់ការពិគ្រោះយោបល់អំពីហេដ្ឋារចនាសម្ព័ន្ធតំបន់ឆ្នេរ និងជលផលរវាងគ្នានិងគ្នានាពេលនេះ នឹងក្លាយធាតុចូលដ៏សំខាន់បម្រើដល់ការចូលរួមចំណែក ធានាបាននូវសន្តិសុខស្បៀងអាហារ ព្រមទាំងអាហារូបត្ថម្ភ ដែលឆ្លើយតបទៅនឹងគ្រោះមហន្តរាយ៕
អត្តបទ៖ សិរីវឌ្ឍនៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល