ព័ត៌មានជាតិ
ទីតាំងសំខាន់ ៨ កន្លែង មេដឹកនាំអាស៊ានអាចទៅទស្សនកិច្ច ក្នុងដំណើរមកកម្ពុជា
ខណៈដែលរាជធានីភ្នំពេញត្រៀមទទួលរៀបចំកិច្ចប្រជុំអាស៊ាន ទីតាំងទេសចរណ៍សំខាន់ៗមួយចំនួនអាចនឹងក្លាយជាគោលដៅទស្សនកិច្ចរបស់មេដឹកនាំអាស៊ានមួយចំនួន ក្នុងដំណើរបំពេញការងារនៅប្រទេសកម្ពុជា។
១. ព្រះបរមរាជវាំង
ព្រះបរមរាជវាំងជាគោលដៅ ដែលភ្ញៀវបរទេសភាគច្រើនមិនអាចរំលងបានរួមទាំងថ្នាក់ដឹកនាំបរទេសដែលមកទស្សនកិច្ចនៅកម្ពុជា។ ព្រះបរមរាជវាំង ត្រូវបានចាត់ទុកជាតំណាងប្រទេសជាតិទាំងមូល ហើយក៏ជាទីប្រថាប់នៃព្រះមហាក្សត្រខ្មែរ។
២. ផ្សារធំថ្មី
ផ្សារធំថ្មីកើតឡើងតាំងពីសម័យអាណានិគមបារាំងមានអាយុកាលជាង ១០០ ឆ្នាំមកដល់ពេលនេះ។ ជាសំណង់បេតិកភណ្ឌ និងលេចធ្លោក្នុងចំណោមសំណង់សំខាន់ទាំង ៣០ នៅរាជធានីភ្នំពេញ។
៣. វាលពិឃាតជើងឯក
វាលពិឃាតជើងឯកមានចម្ងាយប្រមាណ ១៥ គីឡូម៉ែត្រ នាប៉ែកនិរតីនៃរាជធានីភ្នំពេញ។ ទីតាំងប្រវត្តិសាស្ត្រមួយនេះទាក់ទាញភ្ញៀវទេសចរអន្តរជាតិឲ្យចង់ទៅទស្សនាកន្លែងពិឃាដមនុស្សយ៉ាងព្រៃផ្សៃ ក្នុងរបបប្រល័យពូជសាសន៍ប៉ុលពត។
៤. វិមានឯករាជ្យ
វិមានឯករាជ្យជាអត្តសញ្ញាណនៃរាជធានីភ្នំពេញ ក្រោយកម្ពុជាទទួលបានឯករាជ្យពេញលេញពីអាណានិគមបារាំង។ ការសាងសង់វិមានឯករាជ្យនេះឡើង គឺដើម្បីរំលឹកទៅដល់វីរភាពរបស់បុព្វបុរសខ្មែរ ដែលបានតស៊ូពលីជីវិតក្នុងការដណ្ដើមឯករាជ្យពីបារាំងវិញ។
៥. សារមន្ទីជាតិ
សារមន្ទីរជាតិប្រមូលផ្ដុំសម្បត្តិវប្បធម៌និងប្រវត្តិសាស្ត្រតាំងពីសម័យបុរេប្រវត្តិ សម័យអង្គរ និងសម័យក្រោយៗមកទៀត។ សារមន្ទីរជាតិកសាងឡើងនៅឆ្នាំ ១៩១៧-១៩២០ ដែលមានទីតាំងជាប់ផ្នែកខាងជើងនៃព្រះបរមរាជវាំងក្នុងរាជធានីភ្នំពេញ។
៦. ផ្សារទួលទំពួង
ផ្សារទួលទំពូង ដែលបរទេសស្គាល់ផ្សាររុស្សីល្បីល្បាញសម្រាប់អ្នកស្វែងរកវត្ថុបុរាណ និងចំណីអាហារក្នុងស្រុក។ ក្រៅពីនេះក៏មានលក់វត្ថុអនុស្សាវរីយ៍ ដូចជារូបចម្លាក់ គ្រឿងអលង្ការ គ្រឿងមាស សំលៀកបំពាក់ជាដើម។
៧. សារមន្ទីរគុកទួលស្លែង
សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ឬអតីតមន្ទីរសន្ដិសុខ ២១ នេះ ជាកន្លែងឃុំឃាំងសួរចម្លើយ និងធ្វើទារុណកម្មយ៉ាងព្រៃផ្សៃ និងសម្លាប់មនុស្សក្នុងសម័យខ្មែរក្រហម។ មានរូបថត ហ៊្វីល សំណុំឯកសារសារភាពរបស់ជនរងគ្រោះ សម្ភារៈធ្វើទារុណកម្មត្រូវតាំងបង្ហាញជូនភ្ញៀវទស្សនា។ ក្នុងសារមន្ទីរមានផ្នូរសពជនរងគ្រោះចំនួន ១៤ នាក់ ដែលស្លាប់ចុងក្រោយគេ ក៏ត្រូវបានកប់នៅទីនោះផងដែរ។
៨. វត្តភ្នំ
វត្តភ្នំជាទីសក្តារៈ និងបង្កប់ប្រវត្តិនៃការកកើតរាជធានីភ្នំពេញ ក្រោយពេលព្រះបាទពញាយ៉ាតផ្លាស់ប្តូររាជធានីពីក្រុងអង្គរ។
នៅក្នុងបរិវេណវត្តភ្នំ មានចេតិយធំមួយនៅក្រោយព្រះវិហារ ដែលតម្កល់ព្រះធាតុរបស់ព្រះបាទពញាយ៉ាត និងចេតិយសម្រាប់តម្កល់ព្រះធាតុរបស់ព្រះញាតិវង្សព្រះអង្គ។ នៅក្នុងចេតីយ ក៏នៅមានសល់បដិមាព្រះពុទ្ធនៅសម័យអង្គរផងដែរ៕
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)