ព័ត៌មានជាតិ
ការដាក់ដេញថ្លៃចំណតរថយន្តខេត្តស្ទឹងត្រែង និងកំពង់ចម្លងមានភាពមិនប្រក្រតី
ប្រភពមួយសុំមិនបញ្ចេញឈ្មោះបានបង្ហើបថា ការដាក់ដេញថ្លៃចំណតរថយន្តស្ថិតនៅក្នុងភូមិលើ សង្កាត់ស្រះប្ញស្សី ក្រុងស្ទឹងត្រែង ខេត្តស្ទឹងត្រែង និងកំពង់ចម្លងនៅស្រុកសៀមបូកមានភាពមិនប្រក្រតីដែលធ្វើឲ្យខាតបង់ចំណូលរដ្ឋ។
មន្ទីរសេដ្ឋកិច្ច និងហិរញវត្ថុខេត្តស្ទឹងត្រែងនៅព្រឹកថ្ងៃទី ១២ ខែធ្នូ ឆ្នាំ ២០២២នេះបានបើកពិធីដេញថ្លៃភាស៊ីចំណតរថយន្តក្នុងក្រុងស្ទឹងត្រែង និងកំពង់ចម្លងនៅស្រុកសៀមបូក ខេត្តស្ទឹងត្រែងសម្រាប់ការធ្វើអាជីវកម្មឆ្នាំ ២០២៣ ដែលមានការចូលរួមពីលោក ខេង ទិត្យសីហា ប្រធានមន្ទីរសេដ្ឋកិច្ច និងហិរញវត្ថុខេត្តស្ទឹងត្រែង និងភាគីពាក់ព័ន្ធ។
ជាលទ្ធផលបឋមការដេញថ្លៃចំណតរថយន្តបានទៅលើលោកស្រី និត ប៊ុនដាលី ដែលជាអ្នកកាន់កាប់ភាស៊ីឆ្នាំចាស់ដដែលនូវទំហំទឹកប្រាក់ជិត ៥៧ លានរៀល (៥៦,៩០០ ០០០) ដែលកើនឡើងទឹកប្រាក់ជិត ២ លានរៀលបើប្រៀបធៀបឆ្នាំ ២០២២ ដែលមានទំហំទឹកប្រាក់ ៥៥, ១០០ ០០០ លានរៀល។ ចំណែកឯកំពង់ចម្លងនៅស្រុកសៀមបូកទំហំទឹកប្រាក់ ៦ ៧០០ ០០០ នៅឆ្នាំ ២០២៣ លើសឆ្នាំ ២០២២ ចំនួនទឹកប្រាក់ត្រឹមតែ ៧ សែន រៀល។
លទ្ធផលនេះធ្វើឲ្យមតិមួយចំនួនលើកឡើងថា ការដេញថ្លៃនេះមានភាពមិនប្រក្រតី ខណៈអាជ្ញាធរមិនឲ្យអ្នកសារព័ត៌មានចូលរួមការដេញថ្លៃហើយថា ទំហំទឹកប្រាក់ដែលម្ចាស់ភាស៊ីអាចប្រមូលបានច្រើនលើសលប់ ខណៈម្ចាស់ភាស៊ីអាចប្រមូលភាស៊ីចំណតរថយន្តបានជាង ១ លានរៀលក្នុង១ថ្ងៃ។
បញ្ហានេះលោក ម៉ែន គង់ អ្នកនាំពាក្យសាលាខេត្តស្ទឹងត្រែងឆ្លើយតបថា គ្មានហេតុផល ឬទឡ្ហីករណ៍ណាមួយបញ្ជាក់ពីភាពមិនប្រក្រតីនោះទេដោយសារមើលទៅលើនិតីវិធីនៃការដាក់ដេញថ្លៃ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ