ព័ត៌មានជាតិ

អាហារូបករណ៍ ១៤០កន្លែង ផ្តល់ដល់មន្រ្តីរាជការបម្រើការក្នុងក្រសួងសេដ្ឋកិច្ច

បានផុស

២ ខែ មុន

នៅ

ថ្ងៃអង្គារ ១០ មករា ២០២៣

ដោយ

លោកបណ្ឌិតសភាចារ អូន ព័ទ្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានប្រកាសផ្តល់អាហារូបករណ៍ចំនួន ១៤០កន្លែង ចំពោះគ្រឹះស្ថានសិក្សាចំនួន ៩ កន្លែងនៅរាជធានីភ្នំពេញ សម្រាប់មន្រ្តីរាជការឬកូនចៅមន្រ្តីរាជការកំពុងបម្រើការងារនៅក្រសួងសេដ្ឋកិច្ច និងហិរញ្ញវត្ថុ ក្នុងឆ្នាំសិក្សា ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់អាហារូបករណ៍ដែល លោកបណ្ឌិតសភាចារ នឹងផ្តល់ឱ្យតាមគ្រឹះស្ថាន មានដូចជា៖

១. សាកលវិទ្យាល័យភូមិន្ទ ភ្នំពេញ

-ផ្តល់ជូនគ្រប់មុខជំនាញសិក្សា។

២. សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

-ជំនាញដូចជា៖ នីតិសាស្ត្រ, រដ្ឋបាលសាធារណៈ, វិទ្យាសាស្ត្រសេដ្ឋកិច្ច, ធនាគារ និងហិរញ្ញវត្ថុ, គណនេយ្យ, សេដ្ឋកិច្ចព័ត៌មានវិទ្យា។

៣. វិទ្យាស្ថានបច្ចេកវិទ្យាកម្ពុជា

-ផ្តល់គ្រប់មុខជំនាញសិក្សា។

៤. សាកលវិទ្យាល័យជាតិគ្រប់គ្រង

-មានមុខជំនាញដូចជា៖ សេដ្ឋកិច្ចពាណិជ្ជសាស្ត្រ, ភាសាអង់គ្លេស, នីតិសាស្ត្រ, ព័ត៌មានវិទ្យា។

ចំពោះសាកលវិទ្យាល័យកម្ពុជា, សាកលវិទ្យាល័យបច្ចេកវិទ្យា និងវិទ្យាសាស្ត្រកម្ពុជា, វិទ្យាស្ថានពាណិជ្ជសាស្ត្រ អេស៊ីលីដា, សាកលវិទ្យាល័យអន្តរជាតិ ផារ៉ាហ្គន, សាកលវិទ្យាល័យសេដ្ឋកិច្ច និងហិរញ្ញវត្ថុ ក៏នឹងផ្តល់សិក្សាលើគ្រប់មុខជំនាញ។

.លក្ខខណ្ឌដើម្បីទទួលបានអាហារូបករណ៍

បេក្ខជនត្រូវមានសញ្ញាបត្រមធ្យមសិក្សាទុតិយភូមិ ឬ សញ្ញាបត្រដែលមានតម្លៃសមមូល
បេក្ខជនត្រូវតែមានឪពុកម្តាយ ឬអាណាព្យាបាល ជាមន្ត្រីរាជការ ឬបុគ្គលិកកិច្ចសន្យាដែលបម្រើការងារនៅក្រសួងសេដ្ឋកិច្ច និងហិរញ្ញវត្ថុ
បេក្ខជនត្រូវបំពេញតាមគ្រប់លក្ខខណ្ឌតម្រូវរបស់គ្រឹះស្ថានសិក្សាដែលបេក្ខជនបានជ្រើសរើស
ការពិនិត្យ និងវាយតម្លៃនៃការជ្រើសរើស គឺផ្អែកលើលក្ខខណ្ឌដែលបានកំណត់ក្នុងគោលការណ៍អាហា- រូបករណ៍របស់ លោកបណ្ឌិតសភាចារ្យ ។

.ការដាក់ពាក្យស្នើសុំអាហារូបករណ៍

បេក្ខជន ត្រូវបំពេញពាក្យស្នើសុំអាហារូបករណ៍ និងផ្ញើមកនាយកដ្ឋានបុគ្គលិកនៃអគ្គលេខាធិការដ្ឋាននៅទីស្ដីការក្រសួងសេដ្ឋកិច្ច និងហិរញ្ញវត្ថុ ឬក៏អាចទំនាក់ទំនងតាមលេខ ០៩៣ ៩២៩ ៧៩៩ និង ០៧៧ ៩៣០ ៦៩៣។

កាលបរិច្ឆេទផុតកំណត់ទទួលពាក្យស្នើសុំអាហារូបករណ៍ ថ្ងៃទី១៦ ខែមករា ឆ្នាំ២០២៣៕

មួយវិញទៀត ប្រសិនបើបេក្ខជនមានចំណាប់អារម្មណ៍ចូលសិក្សានៅគ្រឹះស្ថានសិក្សាណាមួយ សូមបំពេញនីតិវិធីចូលរៀននិង/ឬចូលរួមប្រលងចូលរៀនដាច់ដោយឡែកឱ្យបានរួចរាល់ មុនកាលបរិច្ឆេទដែលបានកំណត់របស់គ្រឹះស្ថានសិក្សានោះ។ ការបំពេញនីតិវិធីចូលរៀនផ្សេងៗរបស់គ្រឹះស្ថានសិក្សាដែលបានជ្រើសរើសជាកាតព្វកិច្ចរបស់បេក្ខជនអាហារូបករណ៍៕

ដោយ៖ ឌិន ថារី

Related Topics:លោក អូន ព័ន្ធមុនីរ័ត្ន អាហារូបករណ៍