ព័ត៌មានជាតិ
ក្រុមហ៊ុនជប៉ុនមួយ រកឃើញថា ស្វាយចន្ទីកម្ពុជាអាចកែច្នៃជាប្រេងជីវឥន្ធនៈបាន
លោក Tetsuo Murayama ប្រធានក្រុមហ៊ុន Top planning Japan បានលើកឡើងថា ស្វាយចន្ទីកម្ពុជា គឺមានសក្តានុពលខ្ពស់ក្នុងការទាញយកជាជីវឥន្ធនៈសម្រាប់ការប្រើប្រាស់ប្រកបដោយនិរន្តភាព ខណៈក្រុមហ៊ុនមួយនេះបានសាកល្បងយកសំបកស្វាយចន្ទីដែលបោះចោលមកចម្រាញ់ជាជីវឥន្ធនៈប្រកបដោយភាពជោគជ័យ។

តាមរយៈការសាកល្បងនេះ ក្រុមហ៊ុន បានអះអាងថា ប្រេងដែលចម្រាញ់ចេញពីគ្រាប់ស្វាយចន្ទី គឺមានចំហេះថាមពលទៅដល់១០ ០០០កាឡូរី ដែលស្មើនឹងចំហេះប្រេងកាត និងសំបកស្វាយចន្ទីមានចំហេះថាមពល ៥ ០០០កាឡូរី ដោយស្មើនឹងចំហេះធ្យូងថ្ម។ លោក Tetsuo Murayama បានបញ្ជាក់ថា ក្រុមហ៊ុនរបស់លោក នឹងបន្តធ្វើការពិសោធលើការផលិតចំហេះប្រេងស្វាយចន្ទីបន្ថែមទៀតក្នុងគោលបំណងធ្វើពាណិជ្ជកម្មនៅពេលខាងមុខ។ លោកសង្កត់ធ្ងន់ថា បើការធ្វើពាណិជ្ជកម្មប្រេងជីវឥន្ទនៈពីចំហេះថាមពលស្វាយចន្ទីបានជោគជ័យ នោះកម្ពុជានឹងក្លាយជាតំបន់ប្រេងជីវឥន្ធនៈសម្រាប់គោលដៅអភិវឌ្ឍន៍ប្រកបដោយចីរភាព។

បើតាមលោកប្រធានក្រុមហ៊ុន គឺកម្ពុជាបានប្រមូលផលស្វាយចន្ទីប្រមាណ ១លានតោនក្នុងមួយឆ្នាំ ប៉ុន្តែ មិនមានការកែច្នៃទេ ហើយភាគច្រើនត្រូវបាននាំចេញទៅកាន់ប្រទេសវៀតណាម។ លោកថា បើកម្ពុជាអាចយកស្វាយចន្ទីមកកែច្នៃជាប្រេងជីវឥន្ធនៈបានមែននោះ កម្ពុជា នឹងទទួលបានប្រេងជីវៈឥន្ធនៈប្រមាណ ២សែនតោនក្នុងមួយឆ្នាំៗ ខណៈកម្ពុជាត្រូវបានអង្គការអន្តរជាតិជាច្រើនទទួលស្គាល់ថា ជាប្រទេសសក្តានុពលមួយក្នុងការកែច្នៃផលិតផលកសិកម្មដ៏សំខាន់ទាក់ទងនឹងសន្តិសុខស្បៀងពិភពលោក ហើយទៅអនាគត កម្ពុជា ក៏អាចក្លាយជាអ្នកផ្គត់ផ្គង់ប្រេងជីវឥន្ធនៈប្រកបដោយនិរន្តរភាព។
គួរជម្រាបថា ក្រុមហ៊ុនជប៉ុន Top planning Japan គឺជាដៃគូរសហការដ៏សំខាន់របស់សមាគមស្វាយចន្ទីកម្ពុជា នៅក្នុងខេត្តកំពង់ធំ ហើយក្នុងមួយឆ្នាំៗក្រុមហ៊ុនបាននាំចេញផលិតផលគ្រាប់ស្វាយចន្ទីចំនួន ១២តោនទៅកាន់ទីផ្សារប្រទេសជប៉ុន៕



-
ជីវិតកម្សាន្ដ១ សប្តាហ៍ មុន
ប៉ូលិសរកឃើញ ក្បាលនិងឆ្អឹងជំនីរ តារាស្រីហុងកុង នៅក្នុងឆ្នាំងស៊ុប
-
ជីវិតកម្សាន្ដ៦ ថ្ងៃ មុន
រៀមច្បង Anne បង្ហោះរូបជាមួយ Patricia ក្នុងន័យចង់មានផ្ទៃពោះដែរ
-
ជីវិតកម្សាន្ដ១ សប្តាហ៍ មុន
មហាជនរិះគន់ Margie ក្រោយ Bella ក្លាយជាផ្ទាំងស៊ីប ដែលនាងមិនចង់រួមការងារជាមួយ
-
ជីវិតកម្សាន្ដ១ សប្តាហ៍ មុន
Bella ត្រូវមនុស្សទូទាំងប្រទេសថៃកោតសរសើរ ក្រោយនិយាយប្រយោគមួយឃ្លា
-
ជីវិតកម្សាន្ដ១ សប្តាហ៍ មុន
រូបរាងរបស់ Janie កំពុងរងការរិះគន់ថា ដូចមនុស្សទាស់សរសៃ
-
ជីវិតកម្សាន្ដ៦ ថ្ងៃ មុន
ទម្លាយទ្រព្យសម្បត្តិរបស់ Janie ដែលខំរកដោយដៃឯង
-
ជីវិតកម្សាន្ដ១ សប្តាហ៍ មុន
តារាប្រុសម្នាក់ ធ្វើអត្តឃាតសម្លាប់ខ្លួនទាំងវ័យក្មេង ដោយសារជំងឺផ្លូវចិត្តធ្ងន់ធ្ងរ
-
ជីវិតកម្សាន្ដ៥ ថ្ងៃ មុន
ផ្ទុះកាន់តែធំ! មនុស្សម្នាក់ព្រមាន Bella កុំសេពគប់ជាមួយក្រុមតារាស្រីស្អាត