វ៉ាន់ វល័ក្ខ ទទួលបានភាពស្អាតស្អំ និងយុត្តិធម៌ក្រោយរងការចោទថាជាជនបោកប្រាស់លុយ

ទីបំផុតតារាសម្តែងសិចស៊ីកញ្ញា វ៉ាន់ វល័ក្ខ បញ្ជាក់ថា ខ្លួនទទួលបានមកវិញហើយនូវភាពស្អាតស្អំ និងយុត្តិធម៌ក្រោយរងការចោទកាន់ពីនារីថា នាងជាជនបោកប្រាស់លុយពាក់ព័ន្ធរឿងលុយលេងតុងទីន។

ក្រោយផ្ទុះរឿងរ៉ាវភ្ញាក់ផ្អើលតារាសម្តែងកញ្ញា វ៉ាន់ វល័ក្ខ ភ្លាមៗនោះបានចេញមុខបដិសេធដើម្បីកុំឱ្យមានភាពភ័ន្តច្រឡំដោយនាងថា ខ្លួនមិនបានពាក់ព័ន្ធរឿងបោកលុយនោះទេ។ វ៉ាន់ វល័ក្ខ បាននិយាយថានាងនិងនារីរូបនោះបានជួបដោះស្រាយគ្នារួចរាលើហើយ ហើយក៏បានសុំទោសនាងជាសាធារណ:ផងដែរ។

កញ្ញា វ៉ាន់ វល័ក្ខ បានបន្តថា “គាត់បានសុំទោសខ្ញុំជាសាធារណៈរួចហើយបងប្អូនហើយ ខ្ញុំនិងបងស្រីក៏ទទួលបានភាពស្អាតស្អំនិងយុត្តិធម៌ផ្ទាល់វិញដែរ អ៊ីចឹងចាប់ពីពេលនេះតទៅខ្ញុំសូមប្រកាស់ថា បើមានអាខោនណាផ្សេងយករូបខ្ញុំទៅឆបោក ឬខ្ចីប្រាក់ខ្ញុំមិនទទួលខុសត្រូវទេ ហើយខ្ញុំនឹងមានចំណាត់ការតាមផ្លូវច្បាប់” ។

ចំណែកបង្ហោះនោះក៏បានចេញមុខបញ្ជាក់ដែរថា សុំបំភ្លឺជូនមហាជនថា ម្ចាស់រូបឈ្មោះ Vann Vorleakr Ra Nou Nou មិនមានពាក់ព័ន្ធក្នុងការខ្ចីប្រាក់រវាងនឹងខ្លួនឡើយ ដោយមានជនអនាមិកយករូបឆបោកខ្លួន ហើយការពិតវាជាការយល់ច្រឡំ ខណៈភាគីទាំងសងខាងបានជួបដោះស្រាយរួចហើយដែរ។ ដោយឡែក ចំពោះជនអនាមិក គឺរៀបចំទៅតាមនិតិវិធីផ្លូវច្បាប់រួចរាល់ហើយដែរ។

គួររម្លឹកថា តារាសម្តែងសិចស៊ីកញ្ញា វ៉ាន់ វល័ក្ខថ្មីៗបានចេញមុខបដិសេធ បន្ទាប់នារីម្ចាស់គណនីហ្វេសប៊ុកមួយបានបង្ហោះដោយចោទប្រកាន់ថា នាងជាជនបោកប្រាស់ពាក់ព័ន្ធរឿងលុយលេងតុងទីន។ ប៉ុន្តែទោះយ៉ាងណាម្ចាស់គណនីនោះបានធ្វើការបញ្ជាក់ថាខ្លួនពុំបានដឹងនោះទេគ្រាន់តែជាការភាន់យល់ច្រឡំ៕ អត្ថបទ៖ ចាន់រ៉ា