ជីវិតកម្សាន្ដ
សូ ដានីតា ផ្តើមទម្លាយម្តងមួយៗ អ្នកបោកលុយតុងទីនទាំង ២១ នាក់
បន្ទាប់ពីប្រកាសថាខ្លួនជាជនរងគ្រោះជុំវិញរឿងរ៉ាវបំណុលតុងទីន ខណៈកូនៗរត់ចោលមិនទទួលខុសត្រូវ អ្នកនាង សូ ដានីតា តារាចម្រៀង និងសម្តែងល្បីឈ្មោះមួយរូប ពេលនេះអស់ភាពអត់ធ្មត់ ចាប់ផ្តើមទម្លាយអត្តសញ្ញាណម្តងមួយៗ ចំពោះបុគ្គលដែលបានបោកលុយទាំង ២១ នាក់ ជាបន្តបន្ទាប់។
ជាក់ស្តែងកាលពីយប់ថ្ងៃទី ១៩ ខែមិថុនា ឆ្នាំ ២០២៣ នេះ តារាស្រី សូ ដានីតា បានបញ្ចេញឈ្មោះ និងរូបភាពបណ្ដើរៗហើយ ដោយបុគ្គល ២នាក់ ប្តីប្រពន្ធ ក្នុងចំនួនទឹកប្រាក់ជាង ៨ ម៉ឺនដុល្លារ។ អ្នកនាង សូ ដានីតា បានបញ្ចេញខ្លឹមសារភ្ជាប់រូបភាពដូច្នេះថា «កុំឲ្យខ្ញុំរែកតែឯងពេក ពួកអ្នកឯងបោកលុយទៅអស់ ទុកឲ្យខ្ញុំស្អុយឈ្មោះក្នុងសង្គមដោយសារពួកអ្នកឯង នៅសល់ ២១ នាក់ទៀត ផុសបន្តបន្ទាប់»។
តារាស្រី សូ ដានីតា បានបញ្ជាក់ដែរថា «សឿន ចាន់ណា ចេញមុខមកដោះស្រាយ ៨១.៧០០ ដុល្លារ ប្រពន្ធបោក ប្តី មកបង្វែងដានរហូតបាត់ស្រមោលឈឹង អ្នកបាត់ដំណឹងសូន្យ បងប្អូនមានដឹងផ្ទះ ឬទីតាំងកន្លែងធ្វើការជនម្នាក់នេះទេ? អ្នកប្រាប់ទៅដល់កន្លែងភ្លាមៗ នាងខ្ញុំជូនរង្វាន់ ២០០ ដុល្លារភ្លាមៗ»។
យ៉ាងណាមិញ ឆ្លើយតបការលើកឡើងរបស់អ្នកគាំទ្រដែលបានចូលទៅ Comment ថា ឈឺចាប់ណាស់បង ជំពាក់មិនសងអ៊ីចឹង ,ខ្លះទៀតថា មេតុងទីន ១០ នាក់ រត់ ១១ នាក់ហើយ ដោយកូនតុងទីនបោក។ ចម្លើយត្រូវបាន សូ ដានីតា បញ្ជាក់ថា នាងឈឺចាប់ជាងគេ ពេលទុកឱកាសឲ្យគេច្រើនដង តែនៅមិនដឹងខ្លួន ហើយរត់គេច។ នាងថា «តែខ្ញុំអត់រត់ទេ នៅឈរដោះស្រាយគ្រប់បញ្ហា»៕
អត្ថបទ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង