Connect with us

ព័ត៌មានជាតិ

ប្រជាពលរដ្ឋចង់ឱ្យ​អាជ្ញាធរ​ប្រែក្លាយល្អាងភ្នំប្រាក់​ជាតំបន់អេកូទេសចរណ៍​បែបធម្មជាតិ

បានផុស

នៅ

ល្អាងភ្នំប្រាក់ដែលមានសក្តានុពលផ្នែកទេសចរណ៍បែបធម្មជាតិ មានទីតាំងនៅក្នុងទឹកដីឃុំអូរស្វាយ ស្រុកបុរីអូរស្វាយ​សែនជ័យ ខេត្តស្ទឹងត្រែង អ្នកភូមិវើនសៀនចង់ឱ្យអាជ្ញាធរពាក់ព័ន្ធនៅតំបន់នេះ បង្កើតជាតំបន់អេកូទេសចរណ៏បែបធម្មជាតិ ព្រោះបច្ចុប្បន្ននេះមានភ្ញៀវទេសចរចាប់អារម្មច្រើនចង់មកទស្សនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សន រ៉ែន ជាអ្នកភូមិ វ៉ើនសៀនឃុំអូរស្វាយបានលើកឡើងថា កន្លងមក សហគមន៍ទេសចរណ៍នៅឃុំនេះបានទទូចសុំទៅអាជ្ញាធរពាក់ព័ន្ធឱ្យធ្វើការអភិវឌ្ឃតំបន់ធម្មជាតិមួយនេះ តែពីមួយឆ្នាំទៅមួយឆ្នាំមិនបានរៀបចំនៅឡើយ។

លោកអះអាងថា៖ បើមានគណៈកម្មការដឹកនាំរៀបចំ បង្កើតតំបន់អេកូទេសចរណ៍ ល្អាងភ្នំប្រាក់នេះ ប្រជាពលរដ្ឋក្នុងភូមិ នាំគ្នាគាំទ្រទាំងស្រុង ដោយសាពួកគាត់ចង់ឲ្យមានតំបន់អេកូទេសចរណ៍នៅក្នុងភូមិ ដើម្បីធ្វើឲ្យមានការផ្លាស់ប្តូរ ផ្នែកជីវភាពរស់នៅរកប្រាក់ចំណូលដោះស្រាយផ្នែកវិស័យទេសចរណ៍នេះ។

លោក អ៊ុន ប៉ោសឿន ប្រធានមន្ទីរទេសចរណ៍ខេត្តមានប្រសាសន៍ថា៖ តំបន់នេះកាលពីដើមឆ្នាំ ២០១៧ មន្ទីរបានចុះមកសិក្សាតំបន់ធម្មជាតិល្អាងភ្នំប្រាក់ ដើម្បីរៀបចំឲ្យមានសេវាកម្មទេសចរណ៍ម្តងរួចមកហើយតែយើងកំពុងអំពាវនាវ​រកដៃគូ​មកអភិវឌ្ឍ។

លោកប្រធានមន្ទីរសន្យាថា៖ ធនធានធម្មជាតិមួយនេះមន្ទីរបានដាក់បញ្ចូលទៅក្នុងផែនការ អភិវឌ្ឍន៍សំរាប់ឆ្នាំ​២០២០​-២០២៤រួចហើយ និងអំពាវនាវរកដៃគូមករៀបចំឲ្យក្លាយទៅជាតំបន់អេកូទេសចរណ៍ពីព្រោះវាមានសក្តានុពលស្រាប់។

សូមបញ្ជាក់ថា៖ ល្អាងភ្នំប្រាក់នេះស្ថិតនៅក្នុង ភូមិ វ៉ើនសៀន ឃុំ ស្រុកអូស្វាយសែនជ័យនៅប៉ែកខាងត្បូងមានចំងាយ​ពីឃុំអូស្វាយប្រមាណជាង១០គីឡួម៉ែត្រដែលត្រូវធ្វើដំណើរតាមផ្លូវទឹក និងផ្លូវគោកប្រមាណ ៤គីឡូម៉ែត្រប៉ុណ្ណោះ៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម