ព័ត៌មានជាតិ
មន្ត្រីជាន់ខ្ពស់ធនាគារជាតិជំរុញពលរដ្ឋទាញយកប្រព័ន្ធបាគងឱ្យបានច្រើនដើម្បីទទួលបានអត្ថប្រយោជន៍
មន្ត្រីជាន់ខ្ពស់នៃធនាគារជាតិនៃកម្ពុជា បានជំរុញដល់ប្រជាពលរដ្ឋទាញយកប្រព័ន្ធបាគងយកមកប្រើប្រាស់ឱ្យបានច្រើនបន្ថែមទៀតដើម្បីទទួលបានអត្ថប្រយោជន៍ជាច្រើនពិសេសទៅលើព័ត៍មានមានទាក់ទិននឹងការចាក់វ៉ាក់សាំងជំងឺកូវីដ១៩។
ថ្លែងក្នុងពិធីដាក់ឱ្យប្រើប្រាស់កម្មវិធីរួមគ្នារវាងធនាគារជាតិនៃកម្ពុជា និងគណៈកម្មការចំពោះកិច្ចចាក់វ៉ាក់សាំងកូវីដ-១៩ទូទាំងប្រទេសទៅលើកិច្ចសហប្រតិបត្តិការជាមួយគ្នាក្នុងការប្រើប្រាស់តំណភ្ជាប់សម្រាប់ស្វែងរកមើលព័ត៌មានចាក់វ៉ាក់សាំងកូវីដ-១៩ របស់សាមីបុគ្គលតាមរយៈប្រព័ន្ធបាគងនៅព្រឹកថ្ងៃទី២០កុម្ភៈនេះ លោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេសធនាគារជាតិនៃកម្ពុជាបានឱ្យដឹងថា មកដល់បច្ចុប្បន្នមានអ្នកប្រើប្រាស់ប្រព័ន្ធបាគងទាំងប្រយោល និងផ្ទាល់ប្រមាណជាង៨លាននាក់ក្នុងនោះមានអ្នកដែលទាញកម្មវិធីនេះប្រើប្រាស់លើទូរស័ព្ទដៃប្រហែល៥០ម៉ឺននាក់។ លោកស្រី ជា សិរី បានបន្តថា អ្នកដែលទាញប្រព័ន្ធបាគងប្រើប្រាស់លើទូរស័ព្ទដៃមិនត្រឹមតែអាចប្រើប្រាស់ទៅលើការទូទាត់ប៉ុណ្ណោះទេប៉ុន្តែក៏អាចមើលឃើញពីព័ត៌មាននៃការចាក់វ៉ាក់សាំងប្រឆាំងកូវីដ-១៩ផងដែរ។
លោកស្រី ជា សិរី សង្ឃឹមថា ប្រជាជននឹងទាញយកប្រព័ន្ធបាគងនេះឱ្យកាន់តែទូលំទូលាយ និងកាន់តែច្រើនដោយសារវាមានអត្ថប្រយោជន៍ច្រើនមិនមែនតែសម្រាប់ទូទាត់ប្រាក់ប៉ុណ្ណោះទេ និងអាចទាញយកព័ត៍ំមានសុខភាពដូចជាព័ត៍មានចាក់វ៉ាក់សាំងផ្ទាល់ខ្លួនបានទៀតផងដែរ។
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេសមានប្រសាសន៍ថា កិច្ចសហការរវាងក្រសួងសុខាភិបាល និងធនាគារជាតិនេះនឹងជួយជំរុញឱ្យការប្រើប្រាស់ប្រព័ន្ធបាគងដែលជាស្នាដៃរបស់ខ្មែរបានកាន់តែច្រើនបន្ថែមទៀតព្រោះថាប្រព័ន្ធនេះវានឹងជួយផ្តល់ភាពងាយស្រួលដល់ប្រជាពលរដ្ឋចំណេញពេលវេលាលឿនរហ័សក្នុងការចូលមើលព័ត៍មានចាក់វ៉ាក់សាំងកូវីដ១៩របស់ខ្លួនថា រហូតមកដល់ឥឡូវនេះគាត់បានចាក់ដូសទីប៉ុន្មានហើយ ដូសចុងក្រោយចាក់នៅថ្ងៃណាដើម្បីទៅចាក់ដូសបន្តឬមិនទាន់ដាក់វេនដែលត្រូវចាក់។ ជាងនេះទៀតវាជាការចូលរួមចំណែកជាមួយរាជរដ្ឋាភិបាលក្នុងការអនុវត្តនូវប្រព័ន្ធឌីជីថលដែលរាជរដ្ឋាភិបាលបានដាក់ចេញគោលនយោបាយរាជរដ្ឋាភិបាលឌីជីថលដើម្បីដើរឱ្យទាន់ទៅនឹងការរីកចំរើនរបស់តំបន់ និងពិភពលោកនាពេលបច្ចុប្បន្ន និងទៅអនាគត។
គួររំលឹកផងដែរថា កាលពីថ្ងៃទី២១ ខែតុលា ឆ្នាំ២០២២ ធនាគារជាតិនៃកម្ពុជា និងគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេសបានរៀបចំឲ្យមានក្របខណ្ឌកិច្ចសហប្រតិបត្តិការតាមរយៈការចុះអនុស្សារណៈយោគយល់គ្នាស្ដីពីកិច្ចសហប្រតិបត្តិការក្នុងការប្រើប្រាស់លំនាំភ្ជាប់សម្រាប់ស្វែងរកមើលព័ត៌មានចាក់វ៉ាក់សាំងកូវីដ១៩របស់សាមីបុគ្គលតាមរយៈប្រព័ន្ធបស់បាគងដើម្បីសម្រួលដល់តម្រូវការនិងពង្រីកវិសាលភាពក្នុងការប្រើប្រាស់ប្រព័ន្ធបាគងក្នុងសាធារណៈ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ