ព័ត៌មានជាតិ
ចំនួនស្រ្តីជាមន្រ្តីរាជការនៅខេត្តកោះកុង កើនឡើងគួរឱ្យកត់សម្គាល់
ចំនួនស្រ្តីរាប់ចាប់ពីអភិបាលខេត្តរហូតដល់សមាជិកក្រុមប្រឹក្សាឃុំសង្កាត់នៅខេត្តកោះកុង បានកើនឡើងគួរឱ្យកត់សម្គាល់ គ្រាមានការយកចិត្តទុកខ្ពស់ផ្នែកវិស័យយេនឌ័ររបស់រាជរដ្ឋាភិបាលកម្ពុជា។
លោកស្រី សុខ សុធាវី ប្រធានមន្ទីរកិច្ចការនារីខេត្តកោះកុង បានឱ្យដឹងនៅថ្ងៃ៣ មិថុនា កន្លងទៅថ្មីៗនេះថា ស្ទុះនៃចំនួនស្រី្តកំពុងបម្រើការងារក្នុងអង្គភាព មន្ទីរ ស្ថាប័នរដ្ឋ ត្រូវបានមើលឃើញថា កើតឡើងជិត១០០នាក់ហើយ បើរាប់ចាប់តាំងអភិបាលខេត្តរហូតដល់សមាជិកក្រុមប្រឹក្សាឃុំ សង្កាត់់។
លោកស្រី សុខ សុធាវី បានវាយតម្លៃដែរថា ទន្ទឹមនឹងកំណើនស្រ្តីបម្រើការងារក្នុងជួរមន្រ្តីរាជការនេះ ពួកគាត់សុទ្ធតែមានសមត្ថភាព ចំណេះដឹង បទពិសោធន៍ និងចូលដោះស្រាយបញ្ហាផ្សេងក្នុងសង្គមមូលដ្ឋានបានយ៉ាងប្រសិទ្ធិភាព។ តែទោះយ៉ាងណា រាជរដ្ឋាភិបាលនៅតែបន្តការផ្តល់ការលើកចិត្តឱ្យចូលរួមវគ្គបណ្តុះបណ្តាលពង្រឹងសមត្ថភាពបន្ថែមទៀតលើវិស័យជំនាញ ដើម្បីឆ្លើយតបនឹងយុទ្ធសាស្រ្តចតុកោណវិស័យយេនឌ័រ។
បច្ចុប្បន្នមន្ទីរកិច្ចការនារីខេត្ត បាននឹងកំពុងជំរុញផ្សព្វផ្សាយអំពីការលើកកម្ពស់ការបញ្ជ្រាបយេនឌ័រ បរិយាប័ន្ន និងសមធម៌សង្គម ជាមួយមន្ត្រីបង្គោលយេនឌ័។ បណ្តុះបណ្តាលស្តីពី កិច្ចការពារកុមារ និងការចិញ្ចឹមកូនបែបវិជ្ជមាន ដល់គណៈកម្មាធិការទទួលបន្ទុកកិច្ចការនារី និងកុមារឃុំ។ ផ្សព្វផ្សាយច្បាប់ស្តីពី ការទប់ស្កាត់អំពើហិង្សាក្នុងគ្រួសារ ការចំណាកស្រុក និងការជួញដូរមនុស្ស។ វគ្គពង្រឹងសមត្ថភាពស្តីពី ការអនុវត្ត តួនាទី ភារកិច្ច ដល់អ្នកទទួលបន្ទុកកិច្ចការនារី និងកុមារ ទាំង ២៩ឃុំ/សង្កាត់ ជាដើម។
ក្នុងពិធីអបអរសាទរខួបលើកទិ១១២ នៃទិវាអន្តរជាតិនារី ៨ មីនា ឆ្នាំ២០២៣ ក្រោមប្រធានបទ « រួមគ្នារក្សាសន្តិភាព ដើម្បីកិច្ចអភិវឌ្ឍន៍ក្នុងយុគសម័យឌីជីថល» កន្លងទៅ លោកស្រី មិថុនា ភូថង អភិបាលខេត្តកោះកុង ក៏បានលើកចិត្តដល់ស្រ្តីគ្រប់ៗគ្នាក្នុងខេត្តចូលរួមអប់រំណែនាំដល់កូនៗ ពិសេសយុវជនឱ្យយល់ពីតម្លៃសុខសន្តិភាព និងជឿជាក់មកលើថ្នាក់ដឹកនាំរាជរដ្ឋាភិបាលកម្ពុជាសព្វថ្ងៃនេះ។
លោកស្រីអភិបាលខេត្ត យល់ថា តម្លៃសុខសន្តិភាពជាវត្ថុដែលមិនអាចកាត់ថ្លៃបានឡើយសម្រាប់ដំណើរការអភិវឌ្ឍន៍សង្គមជាតិកាន់តែរីកចម្រើន ដូច្នេះស្នើដល់ស្រ្តីជាមន្រ្តីរាជការ ស្រ្តីមេផ្ទះ និងស្រ្តីជាអាជីវករ មេត្តាធ្វើយ៉ាងណាពន្យល់ផ្សព្វផ្សាយឱ្យបានគត់មុតដល់កូនៗ និងយុវជន បានជ្រួលជ្រាប។
លោកស្រី មិថុនា ភូថង បន្តស្នើដល់ស្រ្តីទាំងឡាយបង្កើនការយល់ដឹងឱ្យច្រើនតាមតែអាចធ្វើទៅនូវការប្រើប្រាស់ប្រព័ន្ធបច្ចេកវិទ្យាដែលសម្រួលដោះស្រាយបញ្ហាការងារ ឬការប្រកបអាជីវកម្មបានទាន់ពេលវេលា៕
អត្តបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ