ព័ត៌មានជាតិ
កម្ពុជាត្រៀមស្វាគមន៍ទេសចរចិនក្នុងក្ដីរំពឹងថា ចិនសម្រុកចូលមកឆាប់ៗ
សមាគមសណ្ឋាគារកម្ពុជាកាលពីពេលថ្មីៗនេះបានត្រៀមរៀបចំកិច្ចការមួយចំនួន ក្នុងការទទួលស្វាគមន៍បដិសណ្ឋារកិច្ចទេសចរចិនក្នុងក្ដីរំពឹងថា ទេសចរចិននឹងសម្រុកចូលមកកម្ពុជានាពេលដ៍ខ្លីខាងមុខនេះ។
លោក ឌិន សុមេធារិទ្ធិ ប្រធានសមាគមសណ្ឋាគារកម្ពុជាមានប្រសាសន៍ថា លោកបានរៀបចំកិច្ចប្រជុំមួយកាលថ្ងៃទី ១២ ខែមីនា ដោយអញ្ជើញលោក ស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា និងលោកឧកញ៉ា លូ ម៉េង ប្រធានសមាគមសហព័ន្ធទេសចរណ៍កម្ពុជា សុំអនុសាសន៍ពាក់ព័ន្ធនឹងការទទួលបដិសណ្ឋារកិច្ចទេសចរណ៍ចិន ដោយផ្ដោតសំខាន់លើអ្វីដែលចិនចូលចិត្ត និងមិនចូលចិត្ត។

លោក ឌិន សុមេធារិទ្ធិ បានបញ្ជាក់ថា «តើពេលចិនមកវិញយើងត្រៀមអ្វីខ្លះ ជាពិសេសនៅក្នុងសណ្ឋាគារមានអ្នកចេះចិនអត់? យើងស្គាល់ពីអ្វីដែលចិនចង់បានអត់? ត្រៀមសណ្ឋាគារមួយៗ ត្រូវមានវត្ថុអនុស្សាវរីយ៍នៅក្នុងស្រុកជាដើម ព្រោះចិនចូលចិត្តទិញ»។
បច្ចុប្បន្នមានក្រុមហ៊ុនខ្មែរដឹកជញ្ជូនតាមផ្លូវអាកាសចំនួន ៥ និងក្រុមហ៊ុនចិនចំនួន ៩ ក្រុមហ៊ុនដែលហោះហើរចេញ-ចូលប្រទេសចិនមកកម្ពុជាតាមកាលកំណត់ពេលវេលា។
ទិន្នន័យពីអាកាសចរណ៍ស៊ីវិលបង្ហាញថា រយៈពេល ៣ ខែ ដើមឆ្នាំ ២០២៣ នេះ មានជើងហោះហើរចុះចតនៅប្រទេសកម្ពុជាក្នុងព្រលានយន្តហោះទាំង ៣ ភ្នំពេញ សៀមរាប ព្រះសីហនុ សរុប ៤៩៤ ជើងហោះហើរ ដែលជាចំនួនតិចតូចនៅឡើយ។

ប្រមុខរដ្ឋាភិបាលកម្ពុជា សម្ដេចតេជោ ហ៊ុន សែន បានឲ្យដឹងនៅថ្ងៃពុធម្សិលមិញថា តាមគម្រោង នាពេលខាងមុខនេះ នឹងមានជើងហោះហើរពីប្រទេសចិនប្រមាណ ៣០០ ជើងក្នុងមួយសប្ដាហ៍។
កម្ពុជា ធ្លាប់ទទួលបានភ្ញៀវទេសចរចិន មុនការរាតត្បាតជំងឺកូវីដ-១៩ ជាង ២លាននាក់ ហើយទស្សនកិច្ចរបស់សម្ដេចទៅកាន់ប្រទេសចិន កាលពីខែកុម្ភៈកន្លងទៅនេះ ប្រធានាធិបតីចិន បាននិយាយថា កម្ពុជា ជាប្រទេសទីមួយ ដែលចិនបើកឡើងវិញនូវទេសចរ៕

អត្ថបទ៖ ឡេង ដេត
-
ព័ត៌មានអន្ដរជាតិ២ ថ្ងៃ មុន
វេបសាយ ថៃ ចុះផ្សាយពីម្ហូបអាហារនៅស៊ីហ្គេមរបស់កម្ពុជាថា មានច្រើនមុខរាប់មិនអស់
-
ជីវិតកម្សាន្ដ៦ ថ្ងៃ មុន
ធ្លាយវីដេអូស្និទ្ធស្នាលរវាង Pinky និង Tui ក្រោយល្បីថារស់នៅក្រោមដំបូលតែមួយ
-
ជីវិតកម្សាន្ដ១ សប្តាហ៍ មុន
James Jirayu បង្ហោះរូបគូស្នេហ៍លើកដំបូង ធ្វើឱ្យហ្វេនស្រីៗខូចចិត្តព្រាត
-
ព័ត៌មានជាតិ១ សប្តាហ៍ មុន
ប្អូនប្រុសរបស់លោក ស៊ន តារា អះអាងថា នឹងព្យាយាមពន្យល់បងប្រុសឲ្យចាកចេញពីក្រុមឧទ្ទាមក្បត់ជាតិ
-
ជីវិតកម្សាន្ដ៤ ថ្ងៃ មុន
Matt ទម្លាយថា នាងបែកគ្នាជាមួយមិត្តប្រុសយូរហើយ និងគ្មានជនទីបីពាក់ព័ន្ធ
-
ជីវិតកម្សាន្ដ៤ ថ្ងៃ មុន
ម្ដាយ Matt បង្ហោះសារវែងអន្លាយលើកទឹកចិត្តកូនស្រី ក្រោយបែកបាក់ជាមួយ Songkran
-
ព័ត៌មានជាតិ១ សប្តាហ៍ មុន
ក្រុមហ៊ុន ប៊ូ យ៉ុង ផ្ដល់ជំនួយរថយន្តក្រុង ១ ០០០ គ្រឿងដល់កម្ពុជា
-
ជីវិតកម្សាន្ដ៥ ថ្ងៃ មុន
កូនស្រីជាទូតសុឆន្ទៈឱ្យប្រេន CELINE ទាំងមូល តែម្ដាយ Lisa ប្រើការបូបតម្លៃថោកៗ