ព័ត៌មានជាតិ
នាវា WESTERDAM នឹងចូលចតនៅកំពង់ផែក្រុងព្រះសីហនុជាថ្មីម្តងទៀត
នាវាទេសចរណ៍ខ្នាតយក្ស WESTERDAM នឹងចូលចតនៅកម្ពុជាជាថ្មីម្តងទៀត នៅចុងខែធ្នូ ឆ្នាំ២០២៣នេះ ខណៈកំពង់ផែស្វយ័តក្រុងព្រះសីហនុ កំពុងកសាងស្តូបអនុស្សាវរីយ៍នាវា WESTERDAM។ នេះបើតាមការបញ្ជាក់ឲ្យដឹងរបស់លោក លូ គឹមឈន់ ប្រតិភូរាជរដ្ឋាភិបាល ទទួលបន្ទុកជាអគ្គនាយកកំពង់ផែស្វយ័តក្រុងព្រះសីហនុ ក្នុងឱកាសជំនួបជាមួយក្រុមអ្នកសារព័ត៌មាន នៅព្រឹកថ្ងៃទី២៥ ខែមេសានេះ។
នាវា WESTERDAM គឺជានាវាទេសចរណ៍ខ្នាតយក្សរបស់សហរដ្ឋអាមេរិក ដែលបានធ្លាប់ចូលសំចតនៅកំពង់ផែក្រុងព្រះសីហនុ កាលពីឆ្នាំ២០២០ អំឡុងពេលនៃការរីករាលដាលជាសាកលនៃជំងឺកូវីដ១៩។ នាវា WESTERDAM ត្រូវបានប្រទេសចំនួន៥ បដិសេធមិនឲ្យចូលចតនៅកំពង់ផែរបស់ពួកគេឡើយ ក្រោមហេតុផល ដោយសារភ័យខ្លាចឆ្លងជំងឺដ៏កាចសាហាវកូវីដ១៩។
ដោយឃើញបែបនេះ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន ក៏បានសម្រេចអនុញ្ញាតឲ្យនាវាទេសចរណ៍ WESTERDAM ដែលមានភ្ញៀវទេសចរ និងនាវិកចម្រុះជាតិសាសន៍ជាង២ពាន់នាក់ បានចូលចតនៅកំពង់ផែស្វយ័តក្រុងព្រះសីហនុ ខេត្តព្រះសីហនុ នៅព្រឹកថ្ងៃទី១៣ ខែកុម្ភៈ ឆ្នាំ២០២០។ សម្ដេចតេជោនាយករដ្ឋមន្រ្តី បានបញ្ជាក់ថា ការសម្រេចចិត្តរបស់រាជរដ្ឋាភិបាលកម្ពុជាក្នុងការអនុញ្ញាតឲ្យនាវាទេសចរណ៍ WESTERDAM ចូលចតនេះ គឺដោយសារហេតុផលមនុស្សធម៌។
ក្ដីសណ្ដោសប្រពៃរបស់កម្ពុជា នៅពេលនោះ គឺត្រូវបានអ្នកដំណើរដែលកំពុងស្ថិតនៅលើនាវា WESTERDAM បានថ្លែងអំណរគុណយ៉ាងជ្រាលជ្រៅចំពោះកម្ពុជាដែលអនុញ្ញាតឲ្យនាវារបស់ខ្លួនបានចូលចតនៅកំពង់ផែក្រុងព្រះសីហនុ។ ជាមួយគ្នានេះ លោក Patrick Murphy ឯកអគ្គរដ្ឋទូតសហរដ្ឋអាមេរិកប្រចាំកម្ពុជា ក៏បានសម្តែងការកោតសរសើរយ៉ាងខ្លាំងចំពោះទង្វើមនុស្សធម៌របស់កម្ពុជាដែលបានអនុញ្ញាតឲ្យនាវាទេសចរណ៍ WESTERDAM និងទេសចរដែល ភាគច្រើនជាជនជាតិអាមេរិកអាចចូលចតនៅកំពង់ផែក្រុងព្រះសីហនុ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង