Connect with us

ព័ត៌មានជាតិ

អាជ្ញាធរយកចិត្តទុកដាក់លើការសម្អាត បរិស្ថាន ជុំវិញ បរិវេណទីលានប្រកួត

បានផុស

នៅ

ក្នុងនាមជាម្ចាស់ផ្ទះនៃការប្រកួតកីឡាស៊ីហ្គេម លើកទី ៣២ និងអាស៊ានប៉ារ៉ាហ្គេមលើកទី ១២ ឆ្នាំ២០២៣នេះ អាជ្ញាធររាជធានីភ្នំពេញ ក្រោមការដឹកនាំរបស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ បានយកចិត្តទុកដាក់ជុំវិញការសម្អាតបរិស្ថាននៅជុំវិញបរិវេណទីលានការប្រកួត ពិសេសនៅពហុកីឡាមរតកតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅព្រឹកថ្ងៃទី ០៣ ខែឧសភា ឆ្នាំ២០២៣នេះ លោក ហួត ហៃ អភិបាលរងរាជធានីភ្នំពេញ បានដឹកនាំអាជ្ញាធរខណ្ឌ មន្ទីរបរិស្ថាន និងក្រុមយុវជនសេដ្ឋកិច្ចក្រៅប្រព័ន្ធ សហការគ្នាជាមួយក្រុមហ៊ុនដឹកជញ្ជូន និងប្រមូលសំរាម ធ្វើអនាម័យ បរិស្ថាននៅបរិវេនវិមានឈ្នះឈ្នះ តាមបណ្តោយមហាវិថីឈ្នះឈ្នះ នៅក្នុងភូមិកីឡា និងពហុកីឡាមរតកតេជោ ដើម្បីធ្វើយ៉ាងណាឲ្យតំបន់ខាងលើនេះមានបរិស្ថានល្អប្រសើរ។

លោក ហួត ហៃ បានមានប្រសាសន៍លើកឡើងថា៖ យុទ្ធនាការនេះ ត្រូវធ្វើឡើងជាប្រចាំ និងជាប់រហូតដល់ថ្ងៃទី ០៥ ខែឧសភា ឆ្នាំ២០២៣ ពោលគឺដល់ថ្ងៃ បើកការប្រកួនកីឡា អាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ ក្រោមអធិបតីភាពសម្ដេចតេជោហ៊ុន សែននាយករដ្ឋមន្ត្រី ដោយនៅពេលនោះ នឹងមានប្រតិភូ កីឡាករ អ្នកគាំទ្រជាតិនិងអន្តរជាតិរាប់ម៉ឺននាក់ត្រូវចូលរួម។ ដូច្នេះអ្វីដែលយើងត្រូវអនុវត្តនោះ គឺទីតាំងខាងលើនេះត្រូវតែស្អាត មិនមានសំរាមនិងមានបរិស្ថានល្អ ដើម្បីឱ្យភ្ញៀវជាតិ អន្តរជាតិបានមើលឃើញថា ទីក្រុងរបស់យើងជាទីក្រុងដែលមានអនាម័យ និងបរិស្ថានល្អ។

លោក ហួត ហៃ បានបញ្ជាក់ផងដែរថា៖ ការសំអាត អនាម័យបរិស្ថាននៅជុំវិញបរិវេណទីលានការប្រកួតខាងលើនេះ ធ្វើឡើង ដើម្បីបង្ហាញឲ្យបងប្អូនប្រជាពលរដ្ឋពិសេស អ្នកលក់ដូរ និងអ្នកទៅចូលរួមមើលការប្រកួតកីឡាបានមើលឃើញ និងយកចិត្តទុកដាក់ ក្នុងការទុកដាក់សំរាមឲ្យបានត្រឹមត្រូវ មិនចោលសំរាមផ្ដេសផ្ដាសលើទីផ្សារធារណៈដោយកម្ពុជាយើងជាម្ចាស់ផ្ទះនៃការប្រកួតកីឡាស៊ីហ្គេមនេះ។

ក្រុមការងារដែលបើកយុទ្ធនាការនៃការបោះសំអាងនេះត្រូវបានបែងចែកជាច្រើនក្រុម ដោយមួយក្រុមត្រូវសំអាតក្នុងបរិវេណវិមានឈ្នះឈ្នះ មួយក្រុមទៀតសំអាតតាមបណ្ដោយមហាវិថីឈ្នះឈ្នះ នៅភូមិកីឡា និងនៅក្នុងពហុកីឡាមរតកតេជោ សំដៅធ្វើយ៉ាងណាអោយទីតាំងទាំងនេះស្អាត មានអនាម័យ បរិស្ថានល្អជានិច្ច។

គួរកត់សំគាល់ថា ក្នុងការប្រកួតកីឡានាប៉ុន្មានថ្ងៃនេះអ្នកដែលបានចូលរួមមើលការប្រកួតកីឡា ដោយផ្ទាល់ ភាគច្រើនពួកគាត់បានយល់ដឹងច្រើន ជុំវិញការទុកដាក់សំរាម មានន័យថាក្រោយពីការប្រកួត គឺនៅទីលានការប្រកួត មិនមានសំរាម បោះចោលផ្ដេសផ្ដាស។ នេះពិតជាបង្ហាញឲ្យឃើញពីការយល់ដឹង របស់បងប្អូនប្រជាពលរដ្ឋយើងដែលកំពុងរស់នៅក្នុងទីក្រុងស៊ីវីល័យមួយនេះ៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

រដ្ឋបាលខេត្ត​ត្បូង​ឃ្មុំ ប្រារព្ធ​ទិវា​ជាតិ​ប្រយុទ្ធ​ប្រឆាំង​គ្រឿងញៀន ឆ្នាំ​២០២៤ និង​ដុត​កម្ទេច​គ្រឿងញៀន ជាង​០៥​គីឡូក្រាម ដែល​បង្ក្រាបបាន

ព័ត៌មានជាតិ៨ ម៉ោង មុន

តុលាការបញ្ជាឃុំខ្លួននគរបាល២រូប និងបក្សពួក ក្រោយលួចធ្វើអត្តសញ្ញាណប័ណ្ណឱ្យជនជាតិវៀតណាម

ព័ត៌មានជាតិ៩ ម៉ោង មុន

អាជ្ញាធរខេត្ត​ព្រះសីហនុ បង្ហាញ​វត្ថុតាង​គ្រឿងញៀន​ជិត​២​តោន ដែល​សមត្ថកិច្ច​ចម្រុះ​បង្ក្រាប​រឹបអូស មុននឹង​យកទៅ​ដុត​កម្ទេចចោល

ព័ត៌មានជាតិ១០ ម៉ោង មុន

ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា

សេចក្ដីជូនដំណឹង១០ ម៉ោង មុន

សិន​ជូ​រី ផ្លា​ហ្សា​ ៖ មជ្ឈមណ្ឌល​ផ្សារ​ទំនើប​លក់ដុំ និង​រាយ​ភ្នំពេញ​ ទីតាំង​សម្គាល់​ថ្មី​នៃ​ឧត្តមភាព​សហគមន៍

Sokha Hotels

ព័ត៌មានពេញនិយម