ព័ត៌មានជាតិ
ក្នុងថ្ងៃប្រកួតកីឡាទ្រីយ៉ាត្លុងនៅកែប លោកអភិបាលខេត្តសំណូមពរពលរដ្ឋដែលចិញ្ចឹមសត្វសងខាងផ្លូវគ្រប់គ្រង់ឲ្យល្អកុំឲ្យរត់ឆ្លងកាត់
កែប ៖ នារសៀលថ្ងៃទី៣ ខែឧសភា ឆ្នាំ២០២៣នេះ លោកសោម ពិសិដ្ឋ អភិបាលខេត្តកែបបានលើកឡើងនៅក្នុងកិច្ចប្រជុំពិនិត្យវឌ្ឍនភាព ដើម្បីត្រៀមធ្វើជាម្ចាស់ផ្ទះសហការដើម្បីរៀបចំព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ប្រភេទកីឡាទ្រីយ៉ាត្លុង នៅខេត្តកែបនាថ្ងៃខាងមុខនេះ។
ដើម្បីកុំឱ្យមានហានិភ័យណាមួយកើតឡើងដោយចៃដន្យប្រការណាមួយ ចំពោះក្រុមកីឡាករ ដែលត្រូវធ្វើការប្រកួតកីឡាទ្រីយ៉ាងត្លុង នៅក្នុងព្រឹត្តិការណ៍ស៊ីហ្គេមនេះ លោកអភិបាលខេត្តកែប បានសំណូមពរដល់ប្រជាពលរដ្ឋទាំងអស់ដែលមានលំនៅដ្ឋាននៅសងខាងផ្លូវដែលក្រុមកីឡាត្រូវធ្វើការប្រកួត ត្រូវគ្រប់គ្រងសត្វចិញ្ចឹមឲ្យបានល្អ កុំឲ្យមានការរត់ឆ្លងកាត់ផ្តេសផ្តាស់ ដើម្បីបញ្ចៀសករណីគ្រោះថ្នាក់កើតមានឡើងដោយប្រការណាមួយទៅក្រុមកីឡា។
លោក សោម ពិសិដ្ឋ អភិបាលខេត្តកែបបានបញ្ជាក់ថា ក្រៅពីនោះការគ្រប់គ្រងលើបញ្ហាអនាម័យ ជាពិសេសកាកសំណល់ផ្លាស្ទិកអាជ្ញាធរក្រុងកែប ត្រូវធ្វើយ៉ាងណាឲ្យមានបរិស្ថានសោភ័ណភាព កុំឲ្យមានសំរាមនៅរាយប៉ាយនៅតាមដងផ្លូវ វិថីនានាក្នុងក្រុងកែប បន្ថែមពីនោះ ត្រូវធ្វើការហាមឃាត់មិនឲ្យមានរថយន្តដឹកដី ធ្វើអាជីវកម្មក្នុងរយៈពេលនៃថ្ងៃប្រកួតស៊ីហ្គេមនេះ ក៏ដូចគ្នានោះដែរត្រូវឲ្យផ្អាករាល់ការដ្ឋានណា ដែលមិនមានរបៀបរៀបរយជាដើម។
លោក អភិបាលខេត្តកែបបានសង្កត់ធ្ងន់ៗថា ទាំងអាជ្ញាធរ និងប្រជាពលរដ្ឋ ត្រូវរួមគ្នាធ្វើយ៉ាងសម្រេចឲ្យបានជោគជ័យ នៅលើការរៀបចំព្រឹត្តិការណ៍ជាប្រវត្តិសាស្ត្រមួយនេះនៅខេត្តកែប ដើម្បីលើកមុខមាត់ប្រទេសជាតិយើងលើឆាកអន្តរជាតិ។
ដូចគ្នានេះដែរ លោក ងិន សុខបញ្ញា អគ្គលេខាធិការនៃសហព័ន្ធកីឡាទ្រីយ៉ាត្លុងកម្ពុជា បានបញ្ជាក់ដែរថា ព្រឹត្តិការណ៍ស៊ីហ្គេម ទ្រីយ៉ាត្លុង លើកនេះ ជាមុខមាត់របស់ប្រទេសកម្ពុជា សន្តិសុខសុវត្ថិភាពរបស់ប្រតិភូ និងកីឡាករជារឿងដែលយើងត្រូវយកចិត្តទុកដាក់ឱ្យបានខ្ពស់។
ក្នុងនោះលោកក៏រំពឹងខ្ពស់ថា ក្រុមកីឡាករជម្រើសជាតិរបស់យើង នឹងយកបាននូវមេដាយ ជូនប្រទេសជាតិរបស់ខ្លួន។
ជុំវិញបញ្ហាទាំងនេះ លោក ខេង យ័ន អភិបាលក្រុងកែប បានបញ្ជាក់ថា កន្លងមករដ្ឋបាលក្រុងកែបបានចុះណែនាំប្រជាពលរដ្ឋ ជាច្រើនលើកច្រើនសារមកហើយដែរ ក្នុងនោះមានការដាក់ចេញនូវវិធានការនានា ដើម្បីធានាឱ្យមានភាពល្អប្រសើរលើបញ្ហាសំរាមនេះ ក្នុងនោះណែនាំប្រជាពលរដ្ឋ ពីការគ្រប់គ្រងសត្វពាហនៈរបស់ខ្លួន ជាមួយគ្នានេះអាជ្ញាធរក្រុង ក៏បានបំផុសចលនាមហាជនក្នុងចូលរួមអបអរសាទរ ជាមួយព្រឹត្តិការណ៍ក៏សំខាន់នេះ។
គួរបញ្ជាក់ដែរថា ការប្រកួតប្រភេទកីឡាទ្រីយ៉ាងត្លុង (ហែលទឹក ជិះកង់ រត់) លើ៧វិញ្ញាសា ក្នុងព្រឹត្តិការណ៍ស៊ីហ្គេមលើកទី៣២ ឆ្នាំ២០២៣ នឹងធ្វើឡើងក្នុងខេត្តកែប ដែលដំណើរការប្រកួតនឹងចាប់ពីថ្ងៃទី៦ ដល់ថ្ងៃទី ៨ ខែ ឧសភា ឆ្នាំ២០២៣នេះ៕
ដោយ ៖ សឹង រ៉ាត់
-
ព័ត៌មានជាតិ២០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ