Connect with us

ព័ត៌មានជាតិ

កម្ពុជា​មាន​បំណង​ទិញ​អគ្គិសនី​ពី​ប្រទេស​ឡាវ ចេញ​មក​កាន់​កម្ពុជា​ ហើយ​បន្ត​លក់​ទៅ​កាន់​ប្រទេស​សិង្ហបុរី

បានផុស

នៅ

សម្តេច​តេជោ​ ហ៊ុន សែន​ នាយករដ្ឋមន្រ្តី​នៃ​កម្ពុជា​បាន​​ថ្លែង​ពី​បំណង​​ទិញអគ្គិសនីពីប្រទេសឡាវ ចេញ​មក​កាន់​កម្ពុជា​ហើយ​បន្ត​លក់​ទៅ​កាន់​ប្រទេស​សិង្ហបុរី ដោយ​ថ្មីៗ​នេះ​ដើម្បី​ទទួល​បាន​កិច្ចការងារ​នេះ ​ជោគជ័យ​ក្នុង​ការ​អូស​ខ្សែ​បញ្ជូន​ក្រោមបាតសមុទ្រនោះ ក៏​ត្រូវ​ការ​ភូមិសាស្ត្រទឹកដីរបស់វៀតណាមខាងត្បូងតំបន់កាម៉ៅ បន្ត​ឆ្ពោះ​ទៅ​ប្រទេសម៉ាឡេស៊ី និង​បន្តទៅកាន់ប្រទេសសិង្ហបុរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្នុង​ឱកាស​ជួបពិភាក្សាទ្វេភាគីជាមួយ លោក​ ផាម មិញជិញ នាយករដ្ឋមន្រ្តីវៀតណាម និងលោក​ Taur Matan Ruak នាយករដ្ឋមន្រ្តីទីម័រខាងកើត ខណៈប្រមុខរដ្ឋាភិបាល នៃប្រទេសទាំងបី អញ្ជើញ​ចូល​រួម​កិច្ច​ប្រជុំកំពូលអាស៊ានលើកទី៤២ នៅក្រុងឡាប៊ូនបាចូ សាធារណរដ្ឋឥណ្ឌូណេស៊ី​​​នា​ថ្ងៃ​ទី​៩​ ខែ​ឧសភា ឆ្នាំ​២០២៣​ សម្ដេចតេជោ ហ៊ុន សែន ក៏​បាន​ស្នើ​សុំ​នាយក​រដ្ឋមន្ត្រី​វៀតណាម​​ឱ្យ​ជួយ​សម្រប​សម្រួល​កិច្ចការ​នេះ​ ទទួល​បាន​ជោគជ័យ ខណៈ​ដែល​កម្ពុជា​ក៏​បាន​រៀប​ចំ​ឯកសារ​នានា​ ពាក់ព័ន្ធ​ទៅ​កាន់​ស្ថាប័ន​របស់​វៀតណាម​រួច​រាល់​ហើយ​ដែរ​។ ​តបតាមការស្នើសុំរបស់សម្តេចតេជោ ហ៊ុន សែន លោក​​នាយករដ្ឋមន្ត្រីវៀតណាម បាន​លើក​ឡើង​ថា​ លោក​បាន​ទទួល នូវព័ត៌មាននេះហើយ លោក​នឹង​បញ្ជូន​ទៅ​ឲ្យ​ក្រុមការងារ​ជំនាញ​ពិនិត្យ​ទៅ​លើ​កិច្ចការ​នេះ​។​​

កាល​ពី​ថ្ងៃទី​១៥ ខែ​មីនា ឆ្នាំ​២០២៣​ កន្លង​​មក​នេះ​ក្រុមហ៊ុន Royal Group Power Co.,​Ltd របស់អ្នកឧកញ៉ា គិត ម៉េង បានចុះហត្ថលេខាលើកិច្ចព្រមព្រៀងលក់ និងនាំចេញថាមពលអគ្គិសនីកកើតឡើងវិញ ឲ្យក្រុមហ៊ុន Kappel Energy Pte Ltd តាមរយៈបណ្ដាញខ្សែកាបក្រោមបាតសមុទ្រពីប្រទេសកម្ពុជាទៅកាន់សិង្ហបុរី។ក្រោម​អធិបតីភាពរបស់​លោក​ ស៊ុយ សែម រដ្ឋមន្ត្រីក្រសួងរ៉ែ និងថាមពលកម្ពុជា ឯកឧត្តម កែវ រតនៈ អគ្គនាយក​អគ្គិសនី​កម្ពុជា (EDC), លោក​ Tan See Leng រដ្ឋមន្ត្រីទី២ នៃក្រសួងពាណិជ្ជកម្ម និងឧស្សាហកម្មសិង្ហបុរី។

តាម​រយៈ​គម្រោង​ដ៏​ធំមួយ​នេះ ​កម្ពុជា​នឹង​ធ្វើការនាំចេញថាមពលអគ្គិសនីកកើតឡើង​វិញ​ចំនួន​ ១.០០០​មេហ្គាវ៉ាត់ ​តាមរយៈខ្សែបញ្ជូនតង់ស្យុងខ្ពស់ក្រោមបាតសមុទ្រ ទៅកាន់ប្រទេសសិង្ហបុរី ដែលនេះជាជំហានដំបូង ក្រុមហ៊ុន​វិនិយោគទាំងពីរនឹងធ្វើការសិក្សាលើការតភ្ជាប់បណ្ដាញខ្សែកាបក្រោមបាតសមុទ្រ ដែល​នឹង​ចាប់​ពី​ខែ​មីនា ឆ្នាំ២០២៣​នេះតទៅ។ លោក​​​ ស៊ុយ សែម ​ក្នុងកាស​ចុះ​ហត្ថលេខា​នោះ​បានមានប្រសាសន៍ថា កិច្ច​សហប្រតិបត្តិការ​ទិញ​លក់​ថាមពលអគ្គិសនីរវាងក្រុមហ៊ុនទាំងពីរជាផ្នែកមួយ ក្រោម​ក្របខណ្ឌ​នៃ​អនុស្សារណៈ​យោគ​យល់ “ស្ដីពីកិច្ចសហប្រតិបត្តិការថាមពលកម្ពុជា-សិង្ហបុរី” ដែល​ជា​គម្រោង​គាំទ្រ​ការ​ធ្វើ​ពាណិជ្ជកម្ម​ថាមពល និងសមាហរណកម្មលើវិស័យថាមពលអគ្គិសនី ស្របតាមផែនការមេតភ្ជាប់​សហគមន៍​អាស៊ាន​២០២៥។

លោក​រដ្ឋមន្ត្រី​​​​បាន​ឯកភាព​ជា​គោលការណ៍​អនុញ្ញាត​ឲ្យ​ក្រុមហ៊ុន​ទាំង​ពីរ​ធ្វើ​ការ​សិក្សា​សមត្ថភាព​ពេញ​លេញ​ និង​ប្រមូល​ទិន្នន័យដែនសមុទ្រ លើ​ទីតាំង​ជាក់​ស្តែង​នៅ​ក្នុង​ភូមិសាស្ត្រដែនទឹក និង​តំបន់​សេដ្ឋកិច្ចផ្ដាច់មុខកម្ពុជា នៃ​គម្រោង​ខ្សែ​កាប​កប់​តាមបាតសមុទ្រ ដោយ​នឹងចាប់ផ្ដើមក្នុងខែមីនា រហូតដល់ដំណាច់ឆ្នាំ២០២៣៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម