អាជីវករក្នុងផ្សាររអ៊ូរឿងលក់មិនដាច់ ព្រោះតែ​បណ្តោយឲ្យលក់តាមចិញ្ចើមផ្លូវ

អាជីវករលក់ដូរក្នុងផ្សារបន្លែច្បារអំពៅបាននាំគ្នារអ៊ូរទាំព្រោះតែលក់មិនដាច់។ បងប្អូនអាជីវករផ្សារដែលសុំមិនបញ្ចេញឈ្មោះបានឲ្យដឹងថា ពីមុនមកពួកគាត់លក់បន្លែដាច់ខ្លាំងណាស់ដោយសារម៉ូយចូលមកទិញដល់ក្នុងផ្សារប៉ុន្តែថ្មីៗនេះដោយសារតែមានអ្នកយកបន្លែមកពីផ្សារដើមគរមកជួលផ្ទះប្រជាពលរដ្ឋតាមបណ្តោយផ្លូវ ៣៦៩ ដាក់លក់លើចិញ្ចើមផ្លូវធ្វើឲ្យបាត់ម៉ូយចូលទិញក្នុងផ្សារអស់តែម្តង។

បងប្អូនអាជីវករបានបន្តថា បើសិនជាគ្មានម៉ូយមកចូលទិញក្នុងផ្សារគឺពួគគាត់ និងនាំគ្នាចេញទៅលក់នៅតាមចិញ្ចើមផ្លូវដូចអ្នកផ្សារដើមគរដែរហើយព្រោះបើមិនដូច្នោះទេគឺពួកគាត់គ្មានលុយសម្រាប់បង់ថ្លៃតូបឡើយ។

លោក យិន វិធី ចៅសង្កាត់ច្បារអំពៅទី២បានឱ្យដឹងថា រាល់ព្រឹកអាជ្ញាធររតែងចុះណែនាំមិនឲ្យលក់លើចិញ្ចើមផ្លូវមុខវត្តពោធិ៍ព្រះបាតហៅវត្តច្បារអំពៅមិនដែលខកខានឡើយប៉ុន្តែក្នុងនោះនៅមុខផ្ទះប្រជាពលរដ្ឋតាមបណ្តោយផ្លូវ ៣៦៩ស្ថិតក្នុងភូមិកណ្តាលសង្កាត់ច្បារអំពៅទី២​ ខណ្ឌច្បារអំពៅ រាជធានីភ្នំពេញគឺពួកគាត់នៅបន្តលក់លើផ្លូវដោយគ្មានខ្លាចញញើតអាជ្ញាធរបន្តិចឡើយ។

អត្ថបទ៖ នរា